ମର୍ମନ୍ତୁଦ ସଡ଼କ ଦୁର୍ଘଟଣା:୧୫୦ ଫୁଟ୍ ତଳକୁ ଖସିଲା ବସ୍, ଚାଲିଗଲା ୧୩ ଜୀବନ
ମୁମ୍ବାଇ: ଶନିବାର ସକାଳୁ ମହାରାଷ୍ଟ୍ର ରାୟଗଡର ଖୋପୋଲି ଅଞ୍ଚଳରେ ମୁମ୍ବାଇ-ପୁଣେ ରାଜପଥରେ ଏକ ମର୍ମନ୍ତୁଦ ସଡ଼କ ଦୁର୍ଘଟଣା ଚାଲିଗଲା ୧୩ ଜଣଙ୍କର ଜୀବନ । ଏକ ଯାତ୍ରୀବାହୀ ବସ୍ ୧୫୦ ଫୁଟ୍ ଗଭୀର ଖାଇରେ ପଡିଯିବାର ଏହି ଦୁର୍ଘଟଣା ଘଟିଥିବା ନେଇ ସୂଚନା ରହିଛି ।
ଏହି ଦୁର୍ଘଟଣାରେ ୧୩ ଜଣଙ୍କର ମୃତ୍ୟୁ ହୋଇଥିବାବେଳେ ୨୫ରୁ ଅଧିକ ଲୋକ ଆହତ ହୋଇଥିବା କୁହାଯାଉଛି। ଆହତମାନଙ୍କୁ ଚିକିତ୍ସା ପାଇଁ ସ୍ଥାନୀୟ ଡାକ୍ତରଖାନାରେ ଭର୍ତ୍ତି କରାଯାଇଛି। ଘଟଣାସ୍ଥଳରେ ପୋଲିସ, ଅଗ୍ନିଶମ କର୍ମଚାରୀ ପହଁଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରିଥିଲେ । ବସଟି ବହୁ ଗଭୀରରେ ପଡିଯାଇଥିବାରୁ ଉଦ୍ଧାର କାର୍ଯ୍ୟରେ ବିଳମ୍ବ ହୋଇଥିଲା ।
ଏହି ବସ୍ ପୁଣେରୁ ମୁମ୍ବାଇ ଯାଉଥିଲା। ଦୁର୍ଘଟଣା ସମୟରେ ମୋଟ ୪୦-୪୫ ଯାତ୍ରୀ ବସ୍ରେ ଯାତ୍ରା କରୁଥିବା ନେଇ ସୂଚନା ରହିଛି । ଘଟଣାସ୍ଥଳରେ ହିଁ ୭ ଜଣଙ୍କର ମୃତ୍ୟୁ ହୋଇଥିବା ବେଳେ ୩୦ରୁ ଅର୍ଦ୍ଧ୍ୱ ଆହତଙ୍କୁ ଭିନ୍ନ ଭିନ୍ନ ମେଡିକାଲରେ ଭର୍ତ୍ତି କରାଯାଇଥିଲା । ସେମାନଙ୍କ ମଧ୍ୟରୁ ୬ ଜଣଙ୍କର ମୃତ୍ୟୁ ଡାକ୍ତରଖାନାରେ ହୋଇଥିବା ବେଳେ ଅନ୍ୟ ଗୁରୁତର ମାନଙ୍କର ଚିକିତ୍ସା ଜାରି ରହିଛି ।
ରାୟଗଡ଼ ଏସପି ଏବଂ ବରିଷ୍ଠ ପୋଲିସ ଅଧିକାରୀ ଘଟଣାସ୍ଥଳରେ ପହଁଞ୍ଚି ସ୍ଥିତି ଅନୁଧ୍ୟାନ କରିଛନ୍ତି । ବର୍ତ୍ତମାନ ପର୍ଯ୍ୟନ୍ତ ଦୁର୍ଘଟଣାର ପ୍ରକୃତ କାରଣ ସ୍ପଷ୍ଟ ହୋଇପାରି ନାହିଁ । ରିପୋର୍ଟ ଅନୁସାରେ, ଗୋରେଗାଓଁ ଅଞ୍ଚଳର ଏକ ସଂଗଠନର ୪୦ରୁ ଅଧିକ ଲୋକେ ଏକ କାର୍ଯ୍ୟକ୍ରମରେ ଯୋଗ ଦେବା ପାଇଁ ପୁଣେ ଯାଇଥିଲା । କାର୍ଯ୍ୟକ୍ରମରେ ଯୋଗ ଦେଇ ଫେରିବା ସମୟରେ ହଠାତ୍ ଭାରସାମ୍ୟ ହରାଇ ୧୫୦ ଫୁଟ୍ ତଳକୁ ଖସି ପଡିଥିଲା ।
Click it and Unblock the Notifications
Sign in with Google