Mahakumbh Mela 2025: ୪ ଦିନରେ ୬ ହଜାରରୁ ୪ ଲକ୍ଷରେ ପହଞ୍ଚିଲା ଆଇଆଇଟି ବାବାଙ୍କ ଫଲୋଅର୍ସ

ପ୍ରୟାଗରାଜରେ ଚାଲିଥିବା ମହାକୁମ୍ଭରେ ଆଇଆଇଟି ବାବା ଭାବରେ ପ୍ରସିଦ୍ଧି ଲାଭ କରିଛନ୍ତି ଅଭୟ ସିଂହ । ସେ କହୁଛନ୍ତି, ଏହି ଖ୍ୟାତି ତାଙ୍କ ପାଇଁ ଏକ ସମସ୍ୟା ପାଲଟିଛି। ପୂର୍ବରୁ ସେ ସହଜରେ ବାହାରକୁ ଯାଉଥିଲେ। ଯେଉଁଠି ଚାହୁଁଥିଲେ ସେଠି ଚା' ପିଉଥିଲେ କିନ୍ତୁ ଏବେ ସେ ବାହାରକୁ ଯାଇପାରୁନାହାନ୍ତି। ପୂର୍ବରୁ ଯେକୌଣସି ତମ୍ବୁରେ ଯାଇ ଶୋଇଯାଉଥିଲେ, କିନ୍ତୁ ଏବେ ବାହାରକୁ ଯିବା ପୂର୍ବରୁ ଚିନ୍ତା କରିବାକୁ ପଡୁଛି।

ଚାରି ଦିନ ପୂର୍ବେ ଇନଷ୍ଟାଗ୍ରାମରେ ଆଇଆଇଟି ବାବାଙ୍କ ଫଲୋଅର୍ସ ସଂଖ୍ୟା ମାତ୍ର ୬ ହଜାର ଥିଲା, ଯାହା ଏବେ ଚାରି ଲକ୍ଷରୁ ଅଧିକ ହୋଇଛି । ଫଲୋଅର୍ସ ମାନଙ୍କ ସହ କଥାବାର୍ତ୍ତା କରି ଅଭୟ ସିଂହ କହିଥିଲେ, ସତ୍ୟଯୁଗରେ ମାତା ସୀତା ମର୍ଯ୍ୟାଦା ପୁରୁଷୋତ୍ତମ ଥିଲେ। ପ୍ରଭୁ ରାମ ଯେଉଁ ଧନୁ ଭାଙ୍ଗି ଦେଇଥିଲେ, ମାତା ସୀତା ତାଙ୍କ ପିଲାବେଳେ ସେହି ଧନୁକୁ ଉଠାଇଥିଲେ। ରାବଣ ମାତା ସୀତାଙ୍କୁ ଅପହରଣ କରିବା ପରେ ମଧ୍ୟ ମାତା ସୀତା ନିଜ ସୀମା ମଧ୍ୟରେ ରହିଥିଲେ।

ଅଭୟ ସିଂହ ସୋସିଆଲ ମିଡିଆରେ କହିଛନ୍ତି ଯେ ଯେପରି ହିଂସା ବିରୋଧରେ ଏକ ଆଇନ ଅଛି, ସେହିପରି ମାତାପିତାମାନେ ସେମାନଙ୍କ ପିଲାମାନଙ୍କ ଉପରେ ନିଜ ମତାମତ ଲଦିବା ବିରୋଧରେ ଏକ ଆଇନ ହେବା ଉଚିତ। ମାତାପିତାମାନେ ସେମାନଙ୍କ ପିଲାମାନଙ୍କ ଉପରେ କିଛି ଲଦିବା ଉଚିତ୍‌ ନୁହେଁ।

ଅଭୟ ତାଙ୍କ ଲାଳନପାଳନ ସମୟରେ ଘରୋଇ ହିଂସା ଦ୍ୱାରା ଗଭୀର ଭାବରେ ବ୍ୟଥିତ ଥିଲେ। ଏପରି ପରିସ୍ଥିତିରେ ପିଲାମାନେ ସମ୍ମୁଖୀନ ହେଉଥିବା ଚ୍ୟାଲେଞ୍ଜର ମୁକାବିଲା ପାଇଁ ଆଇନର ଆବଶ୍ୟକତା ଉପରେ ଅଭୟ ଏକ ପତ୍ର ଲେଖିଥିଲେ।

ଅଭୟଙ୍କର ଏକ ଭିଡିଓ ମଧ୍ୟ ଭାଇରାଲ ହେଉଛି, ଯେଉଁଥିରେ ସେ କହୁଛନ୍ତି ଯେ ପିତାମାତା ଭଗବାନ ନୁହଁନ୍ତି, ଭଗବାନ ସେମାନଙ୍କୁ ମଧ୍ୟ ସୃଷ୍ଟି କରିଛନ୍ତି। ଏହା ସତ୍ୟଯୁଗର ଧାରଣା, ଯାହା କଳିଯୁଗରେ ବ୍ୟବହୃତ ହେଉଛି।