ସଫେଇ କର୍ମଚାରୀଙ୍କୁ ୧୦ ହଜାର ବୋନସ

Mahakumbh 2025: ଶେଷ ହୋଇଯାଇଛି ମହାକୁମ୍ଭ, ଶିବରାତ୍ରୀ ଦିନ ଶେଷ ବୁ଼ଡ ପକାଇଛନ୍ତି ଶ୍ରଦ୍ଧାଳୁ । ଶେଷ ଦିନରେ ସିଏମ ଯୋଗୀ ଆଦିତ୍ୟନାଥ ପ୍ରୟାଗରାଜରେ ପହଞ୍ଚିଛନ୍ତି । ଏହି ସମୟରେ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଅରୈଲ ଘାଟ ସଫା କରିଥିଲେ ଏବଂ ସଫେଇକର୍ମଚାରୀ, ସ୍ୱାସ୍ଥ୍ୟକର୍ମୀ ଓ ନାବିକ ମାନଙ୍କୁ ପୁରସ୍କାର ଦେବାକୁ ଘୋଷଣା କରିଥିଲେ । ମୁଖ୍ୟମନ୍ତ୍ରୀ ଯୋଗୀ ମହାକୁମ୍ଭରେ ସେବା ଦେଉଥିବା ସଫେଇକର୍ମଚାରୀଙ୍କୁ ୧୦ ହଜାର ଟଙ୍କା ବୋନସ ଦେବା ମେଇ ମଧ୍ୟ ଘୋଷଣା କରିଛନ୍ତି ।

ଏହି ସମୟରେ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ କହିଛନ୍ତି, ମହାକୁମ୍ଭ ଲାଗିଥିବା ବେଳେ ପ୍ରତ୍ୟେକ ଦିନ କୋଟି କୋଟି ଶ୍ରଦ୍ଧାଳୁ ବୁଡ଼ ପକାଇବା ପାଇଁ ଆସିଥାନ୍ତି । ୬୬ କୋଟି ୩୦ ଲକ୍ଷ ଶ୍ରଦ୍ଧାଳୁ ସମାଗମ ହୋଇଥିଲା ହେଲେ କୌଣସି ପ୍ରକାରର ଅପହରଣ ମାମଲା, ଲୁଟ୍‌ ଘଟଣା କିମ୍ବା ଅନ୍ୟ କୌଣସି ଘଟଣା ସାମ୍ନାକୁ ଆସି ନାହିଁ ।