ଜାପାନରେ ୫.୧ତୀବ୍ରତାର ଭୂକମ୍ପ

ଜାପାନର ଉତ୍ତର-ପୂର୍ବରେ ୫.୧ ତୀବ୍ରତାର ଏକ ଭୂକମ୍ପ ଅନୁଭୂତ ହୋଇଛି । ମିୟାଗି ଓ ଫୁକୁସିମା ପ୍ରିଫେକ୍ଟରରେ ପ୍ରବଳ କମ୍ପନ ଅନୁଭୂତ ହୋଇଥିଲା, କିନ୍ତୁ କୌଣସି ସୁନାମି ସତର୍କ ସୂଚନା ଜାରି କରାଯାଇ ନାହିଁ । ଫଳରେ ଭୟରେ ଲୋକମାନେ ଘରୁ ଦୌଡୁଥିଲେ । ଜାପାନ ପାଣିପାଗ ବିଭାଗ କହିଛି ଯେ, ଶନିବାର ଦିନ ସକାଳ ୪:୧୦ ରେ ଏହି ଭୂକମ୍ପର ତୀବ୍ରତା ୪ ରହିଥିଲା । ଭୂକମ୍ପରେ କୌଣସି ଧନଜୀବନ ବା ବଡ଼ କ୍ଷୟକ୍ଷତି ସମ୍ପର୍କରେ ତୁରନ୍ତ ସୂଚନା ମିଳିନାହିଁ ।

ଜର୍ମାନ ଅନୁସନ୍ଧାନ କେନ୍ଦ୍ର ଫର ଜିଓ ସାଇନ୍ସ (ଜିଏଫଜେଡ) ଅନୁଯାୟୀ, ଶନିବାର ଫିଲିପାଇନ୍ସର ମିଣ୍ଡାନାଓ ଦ୍ୱୀପରେ ୫.୭ ମ୍ୟାଗ୍ନିଚ୍ୟୁଡର ଏକ ଭୂକମ୍ପ ହୋଇଥିଲା । ୟୁଟିଲିଟି ଫାର୍ମଗୁଡିକ ଅନୁଯାୟୀ, ଭୂକମ୍ପ ପରେ ସେହି ଅଞ୍ଚଳର ଆଣବିକ ବିଦ୍ୟୁତ୍ କେନ୍ଦ୍ରରେ କୌଣସି ଅସ୍ୱାଭାବିକତା ଦେଖିବାକୁ ମିଳି ନଥିଲା । ଫୁକୁସିମା ଅଞ୍ଚଳରେ ପ୍ରାୟ ୪୦ କିଲୋମିଟର ଗଭୀରରେ ଏହି ଭୂକମ୍ପ ଘଟିଛି ।