Budget 2023: ଗରିବ ବର୍ଗର ଲୋକଙ୍କୁ ପକ୍କା ଘର, ପ୍ରଧାନମନ୍ତ୍ରୀ ଆୱାସ ଯୋଜନା ପାଇଁ ଖର୍ଚ୍ଚ 66% ବୃଦ୍ଧି

ସରକାର ପ୍ରଧାନମନ୍ତ୍ରୀ ଆୱାସ ଯୋଜନାର ବଜେଟକୁ ୬୬ ପ୍ରତିଶତକୁ ବୃଦ୍ଧି କରିଛନ୍ତି । ବର୍ତ୍ତମାନ ଏହା ୪୪ ହଜାର କୋଟିରୁ ୭୯ ହଜାର କୋଟିକୁ ବୃଦ୍ଧି ପାଇଛି ।

Published: Wednesday, February 1, 2023, 12:44 [IST]

Budget 2023:ପ୍ରଧାନମନ୍ତ୍ରୀ ଆୱାସ ଯୋଜନା ପାଇଁ ଖର୍ଚ୍ଚ 66% ବୃଦ୍ଧି

ଅର୍ଥମନ୍ତ୍ରୀ ନିର୍ମଳା ସୀତାରମଣ ୨୦୨୩-୨୪ ଆର୍ଥିକ ବର୍ଷ ପାଇଁ ବଜେଟ୍ ଉପସ୍ଥାପନ କରୁଛନ୍ତି । ଆଗାମୀ ନିର୍ବାଚନକୁ ନଜରରରେ ରଖାଯାଇ ପ୍ରସ୍ତୁତ କରାଯାଇଛି ଚଳିତ ବର୍ଷ ବଜେଟ୍ । ଏହି ବଜେଟରେ ମୋଦୀ ସରକାର ଗରିବଙ୍କ ପାଇଁ ଅନେକ ବଡ଼ ଘୋଷଣା କରିଛନ୍ତି କିନ୍ତୁ ସବୁଠାରୁ ଗୁରୁତ୍ୱପୂର୍ଣ୍ଣ ହେଉଛି ପ୍ରଧାନମନ୍ତ୍ରୀ ଆୱାସ ଯୋଜନା ସମ୍ବନ୍ଧୀୟ ଘୋଷଣା । ସରକାର ପ୍ରଧାନମନ୍ତ୍ରୀ ଆୱାସ ଯୋଜନାର ବଜେଟକୁ ୬୬ ପ୍ରତିଶତକୁ ବୃଦ୍ଧି କରିଛନ୍ତି । ବର୍ତ୍ତମାନ ଏହା ୪୪ ହଜାର କୋଟିରୁ ୭୯ ହଜାର କୋଟିକୁ ବୃଦ୍ଧି ପାଇଛି ।

୩.୫ ଲକ୍ଷ ଆଦିବାସୀ ଛାତ୍ରଛାତ୍ରୀ ଥିବା ୭୪୦ ଏକଲବ୍ୟ ମଡେଲ ରେସିଡେନ୍ସିଆଲ୍ ସ୍କୁଲ

ଏହା ବ୍ୟତୀତ ଅର୍ଥମନ୍ତ୍ରୀ ଆଦିବାସୀ ଗୋଷ୍ଠୀ ପାଇଁ ଅନେକ ଘୋଷଣା ମଧ୍ୟ କରିଛନ୍ତି । ବିଶେଷ କରି ଆଦିବାସୀ ଗୋଷ୍ଠୀର ସାମାଜିକ-ଆର୍ଥିକ ସ୍ଥିତିରେ ଉନ୍ନତି ଆଣିବା । ଆସନ୍ତା ତିନି ବର୍ଷ ମଧ୍ୟରେ ୩.୫ ଲକ୍ଷ ଆଦିବାସୀ ଛାତ୍ରଛାତ୍ରୀ ଥିବା ୭୪୦ ଏକଲବ୍ୟ ମଡେଲ ରେସିଡେନ୍ସିଆଲ୍ ସ୍କୁଲ ପାଇଁ କେନ୍ଦ୍ର ୩୮,୮୦୦ ଶିକ୍ଷକ ଏବଂ ସହାୟକ କର୍ମଚାରୀ ନିଯୁକ୍ତ କରିବ । ସେହିପରି ଆଗାମୀ ୩ ବର୍ଷରେ ଏକ କୋଟି ଚାଷୀଙ୍କୁ ସହାୟତା ଯୋଗାଇ ଦିଆଯିବ ଯାହାଦ୍ୱାରା ସେମାନେ ପ୍ରାକୃତିକ ଚାଷ ଗ୍ରହଣ କରିପାରିବେ । ଏଥିପାଇଁ ୧୦,୦୦୦
ବାୟୋ-ଇନପୁଟ୍ ପ୍ରତିଷ୍ଠାନ କେନ୍ଦ୍ର ପ୍ରତିଷ୍ଠା କରାଯିବ । ଆଗାମୀ ତିନି ବର୍ଷରେ ୪୭ ଲକ୍ଷ ଯୁବକଙ୍କୁ ସାହାଯ୍ୟ କରିବା ପାଇଁ, ଦେଶର ବିଭିନ୍ନ ଯୋଜନା ମାଧ୍ୟମରେ ଡାଇରେକ୍ଟ ବେନିଫିଟ୍ ଟ୍ରାନ୍ସଫର ଯୋଜନାକୁ ଆଗକୁ ନିଆଯିବ ।

Published On February 1, 2023