ସାଂସଦଙ୍କ ବେକରୁ ଲୁଟେରା ଝାମ୍ପିନେଲା ଚେନ୍‌

ସୋମବାର ସକାଳେ କଂଗ୍ରେସ ସାଂସଦ ଆର ସୁଧା ରାମକୃଷ୍ଣନ ଦିଲ୍ଲୀର ଚାଣକ୍ୟପୁରୀ ଅଞ୍ଚଳରେ ଲୁଟର ଶିକାର ହୋଇଛନ୍ତି। ଲୁଟର ଶିକାର ହୋଇଥିବା ସାଂସଦ ଆର ସୁଧା ରାମକୃଷ୍ଣନ ତାମିଲନାଡ଼ୁ ଭବନରେ ବସବାସ କରନ୍ତି। ଦିଲ୍ଲୀର ଚାଣକ୍ୟପୁରୀ ଅଞ୍ଚଳ ବହୁତ ସମ୍ବେଦନଶୀଳ ବୋଲି କୁହାଯାଏ। ଏଠାରେ ରାଜ୍ୟ ସରକାରଙ୍କ ଅନେକ ଦୂତାବାସ ଏବଂ ସରକାରୀ ବାସଭବନ ଅବସ୍ଥିତ। ଏପରି ପରିସ୍ଥିତିରେ, ଏହି ଉଚ୍ଚ ସୁରକ୍ଷା ସ୍ଥାନରେ ଘଟୁଥିବା ଘଟଣା ଅତ୍ୟନ୍ତ ଆଶ୍ଚର୍ଯ୍ୟଜନକ।

ପୋଲିସ କହିଛି ଯେ ସେହି ଅଞ୍ଚଳର ତାମିଲନାଡୁ ଭବନରେ ରହୁଥିବା ସୁଧା ପ୍ରାତଃ ଭ୍ରମଣ ପାଇଁ ବାହାରକୁ ଯାଇଥିଲେ, ଯେତେବେଳେ ଆକ୍ରମଣକାରୀମାନେ ତାଙ୍କ ସୁନା ଚେନ୍ ଛଡ଼ାଇ ନେଇ ଘଟଣାସ୍ଥଳରୁ ପଳାଇ ଯାଇଥିଲେ। କଂଗ୍ରେସ ସାଂସଦ ଆର. ସୁଧା କହିଛନ୍ତି, "ଏହି ଘଟଣା ଆଜି ସକାଳ ୬ଟାରେ ତାମିଲନାଡୁ ଭବନରୁ ୫୦୦-୬୦୦ ମିଟର ଦୂରରେ ଘଟିଛି। ବାଇକ୍ ଆରୋହୀ ଦୁର୍ବୃତ୍ତମାନେ ଆସି ମୋ ବେକରୁ ଚେନ୍ ଛଡ଼ାଇ ନେଇଥିଲେ। ମୁଁ ଚିତ୍କାର କରିଥିଲି କିନ୍ତୁ ସେମାନେ ପଳାଇ ଯାଇଥିଲେ।

ମୁଁ ବାଚସ୍ପତିଙ୍କୁ ଅଭିଯୋଗ କରିଛି। ମୁଁ ପୋଲିସକୁ ଅଭିଯୋଗ କରିଛି ଏବଂ ଅଭିଯୋଗ ଗ୍ରହଣ କରାଯାଇଛି। ମୁଁ ଗୃହ ମନ୍ତ୍ରଣାଳୟକୁ ଅଭିଯୋଗ ପଠାଇଛି।" ସାଂସଦଙ୍କ ଏହି ଅଭିଯୋଗକୁ କେନ୍ଦ୍ର କରି ବରିଷ୍ଠ ପୁଲିସ ଅଧିକାରୀ କହିଛନ୍ତି, ' ମାମାଲା ରୁଜୁ କରାଯାଇ ଯାଞ୍ଚ ଆରମ୍ଭ ହୋଇଯାଇଛି। ସିସିଟିଭି ଫୁଟେଜକୁ ଜବତ କରି ଚୋରକୁ କାବୁ କରିବା ପାଇଁ ତଦନ୍ତ ଚାଲିଛି। ଖୁବଶୀଘ୍ର ଚୋର ଧରାପଡ଼ିବ ବୋଲି ଆମେ ଆଶା ରଖିଛୁ। ଚୋର ଜଣକ ସ୍ଥାନୀୟ ଅଞ୍ଚଳର ହୋଇଥିବା ସହିତ କିଛିଦିନ ହେବ ସେ ରେକି କରିବା ପରେ ସାଂସଦଙ୍କ ବେକରୁ ଚେନ ଲୁଟିବା ପାଇଁ ସାହାସ ଜୁଟାଇଥିବା ସନ୍ଦେହ କରାଯାଉଛି। '