୨୦୨୪ ପାଇଁ ବିଜେପିର ନୂଆ ପ୍ଲାନ୍: ଆଗୁଆ ଟିକେଟ୍ ଘୋଷଣା କରି ବିରୋଧିଙ୍କୁ ଦେଇପାରେ ଚକମା
Lok Sabha Election 2024: ମଧ୍ୟପ୍ରଦେଶ, ଛତିଶଗଡ଼ ଏବଂ ରାଜସ୍ଥାନର ବିଧାନସଭା ନିର୍ବାଚନରେ ବିରାଟ ବିଜୟ ପରେ ଭାରତୀୟ ଜନତା ପାର୍ଟି ଲୋକସଭା ନିର୍ବାଚନ ପାଇଁ ଏକ ନୂଆ ରଣନୀତି ପ୍ରସ୍ତୁତ କରିଛି। ବିଧାନସଭା ନିର୍ବାଚନ ପରି ଦଳ ମଧ୍ୟ 2024ରେ ଏକ ନୂଆ ପ୍ଲାନ୍ କରିବା ନେଇ ଚର୍ଚ୍ଚା ହେଉଛି । ତେବେ ବର୍ତ୍ତମାନ ଆଗୁଆ ଟିକେଟ୍ ଘୋଷଣା କରି ବିରୋଧିଙ୍କୁ ଚକମା ଦେଇପାରେ ବିଜେପି ଏବଂ ସାଧାରଣ ନିର୍ବାଚନରେ ରାଜ୍ୟସଭା ସାଂସଦମାନେ ମୈଦାନକୁ ଓହ୍ଲାଇ ପାରନ୍ତି ।
ଟାଇମ୍ସ ଅଫ୍ ଇଣ୍ଡିଆର ରିପୋର୍ଟ ଅନୁଯାୟୀ, ପ୍ରଥମେ ପ୍ରାର୍ଥୀଙ୍କ ତାଲିକା ପ୍ରକାଶ କରି ବିଧାନସଭା ନିର୍ବାଚନରେ ବିଜେପିକୁ ଖୁବ ଲାଭ ଉଠାଇଥିଲା । ବର୍ତ୍ତମାନ ଲୋକସଭା ନିର୍ବାଚନରେ ମଧ୍ୟ ସମାନ ଉପାୟ ଆପଣାଇ ପାରେ ଦଳ । ସାଧାରଣ ନିର୍ବାଚନରେ ବିଧାନସଭା ନିର୍ବାଚନରେ କରାଯାଇଥିବା ପରୀକ୍ଷଣକୁ ପୁନରାବୃତ୍ତି କରିବାକୁ ଦଳ ଚିନ୍ତା କରୁଛି ଦଳ କିନ୍ତୁ ଏ ବାବଦରେ ଏପର୍ଯ୍ୟନ୍ତ କିଛି ନିଷ୍ପତ୍ତି ନିଆଯାଇ ନାହିଁ ।
ସୂତ୍ରରୁ ପ୍ରକାଶ ଯେ, ବର୍ତ୍ତମାନ ସ୍ଥିତି ଅନୁସାରେ ତିନୋଟି ରାଜ୍ୟରେ ଜନମତ ପାର୍ଟି ସପୋର୍ଟରେ ରହିଛି ଏବଂ ଏହାର ପ୍ରଭାବ ୨୦୨୪ ଲୋକସଭା ନିର୍ବାଚନ ଉପରେ ମଧ୍ୟ ପଡିବ । ବର୍ତ୍ତମାନ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଲୋକପ୍ରିୟତା ଶିଖରରେ ଥିବାରୁ ଲୋକସଭା ନିର୍ବାଚନ ତାରିଖ ଘୋଷଣା ପୂର୍ବରୁ ପ୍ରାର୍ଥୀଙ୍କ ନାମ ଘୋଷଣା କରିବା ନିର୍ବାଚନ ଦିଗରେ ଏକ ଉତ୍ତମ ପଦକ୍ଷେପ ବୋଲି ପ୍ରମାଣିତ ହେବ ଏବଂ ଦଳର ଶକ୍ତି ମଧ୍ୟ ବୃଦ୍ଧି ପାଇବ ।
ଦୁଇ ଦିନିଆ ବୈଠକରେ ରାଜସ୍ଥାନ, ମଧ୍ୟପ୍ରଦେଶ ଏବଂ ଛତିଶଗଡର ଦଳର ସଭାପତିମାନେ ମଧ୍ୟ ଉପସ୍ଥିତ ଥିଲେ ଏବଂ ନିର୍ବାଚନ ପୂର୍ବରୁ ପ୍ରାର୍ଥୀଙ୍କ ନାମ ଘୋଷଣା କିପରି ସଫଳ ପଦକ୍ଷେପ ଭାବେ ପ୍ରମାଣିତ ହୋଇଥିଲା ସେନେଇ ମଧ୍ୟ ଆଲୋଚନା ହୋଇଥିଲା । ରାଜ୍ୟ ଦଳର ମୁଖ୍ୟ କହିଛନ୍ତି ଯେ, ପ୍ରଥମ ଦୁଇଟି ତାଲିକା ପ୍ରକାଶ ପାଇବା ଦ୍ୱାରା ପ୍ରାର୍ଥୀମାନେ ଏହି ରାଜ୍ୟଗୁଡିକର ବିଧାନସଭା ନିର୍ବାଚନରେ ଜିତିବା ସହଜ ହୋଇଛି ।
ପାର୍ଟି ସୂତ୍ରରୁ ପ୍ରକାଶ ଯେ, ଜାନୁଆରୀ ଶେଷରେ ସାଧାରଣ ନିର୍ବାଚନ ପାଇଁ ପ୍ରାର୍ଥୀଙ୍କ ନାମ ବିଜେପି ଘୋଷଣା କରିପାରିବ, ସେହିପରି ଫେବୃଆରୀ କିମ୍ବା ମାର୍ଚ୍ଚରେ ନିର୍ବାଚନ ହୋଇପାରେ। ଦଳ ମଧ୍ୟ ରାଜ୍ୟସଭା ସାଂସଦ ତଥା ଅନ୍ୟାନ୍ୟ ପ୍ରତିଷ୍ଠିତ ବ୍ୟକ୍ତିଙ୍କୁ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବାକୁ କହିପାରେ।
Click it and Unblock the Notifications
Sign in with Google