ଲୋନ ଆପ ସ୍କାମ ମାଧ୍ୟମରେ ଚୀନକୁ ଯାଇଛି 5 ଶହ କୋଟି, 22 ଗିରଫ

ଚୀନକୁ ଗଲା ପ୍ରାୟ 5ଶହ କୋଟି ଟଙ୍କା । ଚାଇନିଜ ଲୋନ ଆପ ମାଧ୍ୟମରେ ହୋଇଥିବା ଘୋଟାଲାରେ ଚୀନକୁ ଯାଇଛି ଏହି ଟଙ୍କା । ଦିଲ୍ଲୀ ପୋଲିସ ସ୍ପେସାଲ ସେଲର ଇଣ୍ଟେଲିଜେନ୍ସ ଫ୍ୟୁଜନ ଓ ଷ୍ଟ୍ରାଟେଜିକ ଅପରେସନ ୟୁନିଟ ଏହି ମାମଲାରେ ତଦନ୍ତ କରୁଥିଲା ।

ନୂଆଦିଲ୍ଲୀ: ଚୀନକୁ ଗଲା ପ୍ରାୟ 5ଶହ କୋଟି ଟଙ୍କା । ଚାଇନିଜ ଲୋନ ଆପ ମାଧ୍ୟମରେ ହୋଇଥିବା ଘୋଟାଲାରେ ଚୀନକୁ ଯାଇଛି ଏହି ଟଙ୍କା । ଦିଲ୍ଲୀ ପୋଲିସ ସ୍ପେସାଲ ସେଲର ଇଣ୍ଟେଲିଜେନ୍ସ ଫ୍ୟୁଜନ ଓ ଷ୍ଟ୍ରାଟେଜିକ ଅପରେସନ ୟୁନିଟ ଏହି ମାମଲାରେ ତଦନ୍ତ କରୁଥିଲା । ତଦନ୍ତ ବେଳେ ଏପରି କିଛି ତଥ୍ୟ ସାମ୍ନାକୁ ଆସିବା ସହ 22 ଜଣଙ୍କୁ ଗିରଫ ମଧ୍ୟ କରାଯାଇଛି ।

ଏହି ଚାଇନିଜ ଲୋନ ଆପ ମାଧ୍ୟମରେ ଭାରତରୁ ହାଓ୍ବାଲା ରୁଟ ଓ କ୍ରିପ୍ଟୋକରେନ୍ସି ମାଧ୍ୟମରେ ଚୀନକୁ 5 ଶହ କୋଟି ଟଙ୍କା ଯାଇଥିବା ତଦନ୍ତରୁ ଜଣାପଡିଥିବା ତଦନ୍ତକାରୀ ସଂସ୍ଥା କହିଛି । କାର୍ଯ୍ୟାନୁଷ୍ଠାନ ନେଇ ଦିଲ୍ଲୀ ପୋଲିସର ଡେପୁଟି କମିଶନର କେ.ପି.ଏସ୍ ମାଲହୋତ୍ରା କହିଛନ୍ତି, "ତୁରନ୍ତ ଲୋନ ପ୍ରଦାନ କରିବା ପାଇଁ ବ୍ୟବହୃତ ହେଉଥିବା ଏହି ଆପ୍ଲିକେସନରେ ପ୍ରଥମେ ବ୍ୟକ୍ତିଙ୍କୁ ଲୋନ ପ୍ରଦାନ ଓ ପରେ ବିଭିନ୍ନ ବାହାନା ଦେଖାଇ ବ୍ଲାକମେଲିଂର ଅଭିଯୋଗ ଆସୁଛି ।

ପ୍ରଥମେ ବିନା କୌଣସି ତଥ୍ୟରେ ଲୋନ ପ୍ରଦାନ କରୁଛନ୍ତି । ଏହାପରେ ପରିଶୋଧ ପରେ ମଧ୍ୟ ନଗ୍ନ ଫଟୋ ଆଦି ବ୍ୟବହାର କରି ଲୋନ ନେଉଥିବା ବ୍ୟକ୍ତିଙ୍କୁ ବ୍ଲାକମେଲିଂ କରୁଛନ୍ତି ।"ଏପରି କରିବା ଦ୍ବାରା ଲୋନ ନେଇଥିବା ବ୍ୟକ୍ତି ସେମାନଙ୍କୁ ଅତିରିକ୍ତ ଟଙ୍କା ପ୍ରଦାନ କରିବା ପାଇଁ ବାଧ୍ୟ ହେଉଛନ୍ତି । ଗିରଫ ହୋଇଥିବା ଅଭିଯୁକ୍ତଙ୍କ ମାନେ ଚୀନ ନାଗରିକଙ୍କ ଦ୍ବାରା ପରିଚାଳିତ ହେଉଥିବା ସୂଚନା ମିଳିବା ପରେ ତାଙ୍କୁ ଗିରଫ କରାଯାଇଛି । ଏହି ଘଟଣାରେ ବର୍ତ୍ତମାନ ଅଧିକ ତଦନ୍ତ ଜାରି ରହିଛି ।

English summary

The Intelligence Fusion and Strategic Operations (IFSO) Unit of Delhi Police’s Special Cell has busted various modules of instant loan applications having Chinese connection, and arrested 22 people in the last two months for allegedly siphoning off Rs 500 crore to China by the hawala route or by investing in crypto-currency, an official said on Saturday.