ମଦ ଦୁର୍ନୀତି ମାମଲା: ଆଜି କୋର୍ଟରେ ହାଜର ହେବେ ସିସୋଦିଆ
ମଦ ଦୁର୍ନୀତି ମାମଲା । ଆଜି କୋର୍ଟରେ ହାଜର ହେବେ ଦିଲ୍ଲୀ ଉପମୁଖ୍ୟମନ୍ତ୍ରୀ ମନୀଷ ସିସୋଦିଆ । ଗତ କାଲି ତାଙ୍କୁ ସିବିଆଇ ଅଫିସରେ ୭ରୁ ୮ ଘଣ୍ଟା ଜେରା କରାଯିବା ପରେ ଗିରଫ କରାଯାଇଥିଲା ।
ନୂଆଦିଲ୍ଲୀ: ମଦ ଦୁର୍ନୀତି ମାମଲା । ଆଜି କୋର୍ଟରେ ହାଜର ହେବେ ଦିଲ୍ଲୀ ଉପମୁଖ୍ୟମନ୍ତ୍ରୀ ମନୀଷ ସିସୋଦିଆ । ଗତ କାଲି ତାଙ୍କୁ ସିବିଆଇ ଅଫିସରେ ୭ରୁ ୮ ଘଣ୍ଟା ଜେରା କରାଯିବା ପରେ ଗିରଫ କରାଯାଇଥିଲା । କୋର୍ଟରେ ହାଜର କରିବା ପରେ ଅଧିକ ପଚରାଉଚରା କରିବା ପାଇଁ ରିମାଣ୍ତପେ ନେବାକୁ ଅନୁମତି ମାଗିବେ ତଦନ୍ତକାରୀ ଅଧିକାରୀ ।
ସୂଚନାଥାଉ ଯେ, ଗତକାଲି ସିବିଆଇରେ ହାଜର ହେବା ପୂର୍ବରୁ ସିସୋଦିଆ ଏକ ରୋଡ ଶୋ' କରିଥିଲେ। ଦିଲ୍ଲୀ ଅବକାରୀ ନୀତି ମାମଲାରେ ଅଧିକ ଜେରା କରିବା ପାଇଁ ସିବିଆଇ ଦିଲ୍ଲୀର ଉପମୁଖ୍ୟମନ୍ତ୍ରୀଙ୍କୁ ସମନ ପଠାଇଥିଲା । ଯାହା ପରେ ସିସୋଦିଆ ୭ଦିନର ସମୟ ମାଗିଥିଲେ । CBI ତାଙ୍କୁ ସାତ ଦିନର ସମୟ ମଧ୍ୟ ଦେଇଥିଲା । ଯାହା ପରେ ଗତକାଲି ସିସୋଦିଆ CBIରେ ହାଜର ହୋଇଥିଲେ ।
ଦୀର୍ଘ ସମୟ ଜେରା କରାଯିବା ପରେ ତାଙ୍କୁ ପ୍ରମାଣ ନଷ୍ଟ କରିବା ଅଭିଯୋଗରେ ସିବିଆଇ ଗିରଫ କରିଥିବା ନେଇ ସୂଚନା ରହିଛି । CBI ସୂଚନା ଅନୁସାରେ, ୨୦୨୧-୨୨ ବର୍ଷ ପାଇଁ ପ୍ରସ୍ତୁତ ଅବକାରୀ ନୀତିରେ ଅନିୟମିତତା ମାମଲା ମୁମ୍ବାଇ ସ୍ଥିତ ଏକ ଘରୋଇ କମ୍ପାନୀରେ ତତ୍କାଳୀନ ସିଇଓ ଏବଂ ଅନ୍ୟ ୬ ଜଣଙ୍କ ବିରୋଧରେ ଡିସେମ୍ବର ୨୫ରେ ଚାର୍ଜସିଟ୍ ଦାଖଲ କରାଯାଇଥିଲା । ଏହି ମାମଲାରେ ସିସୋଦିଆଙ୍କୁ ପ୍ରଥମ ଥର ଗତ ବର୍ଷ ଅକ୍ଟୋବର ୧୭ରେ ଜେରା କରାଯାଇଥିଲା ।
Click it and Unblock the Notifications
Sign in with Google