ଜମ୍ମୁରେ ପ୍ରଥମ ଥମ ପାଇଁ ଉଦଘାଟନ ହେଲା ମଲ୍ଟିପ୍ଲେକ୍ସ

ଜମ୍ମୁରେ ପ୍ରଥମ ଥମ ପାଇଁ ଉଦଘାଟନ ହେଲା ମଲ୍ଟିପ୍ଲେକ୍ସ। ଏହାର ଉଦଘାଟନ କଲେ ମନୋଜ ସିହ୍ନା ।

Published: Tuesday, September 20, 2022, 15:04 [IST]

ଶ୍ରୀନଗର: ଜମ୍ମୁ-କାଶ୍ମୀରବାସୀଙ୍କ ପାଇଁ ଖୁସି ଖବର । ଦୀର୍ଘ 30 ବର୍ଷ ପରେ ଜମ୍ମୁ-କାଶ୍ମୀରରେ ପୁଣି ଫେରିଲା ସିନେମା ହଲ । ଆଜି କଶ୍ମୀରରେ ପ୍ରଥମ ଆଇନକ୍ସ ମଲ୍ଟିପ୍ଲେକ୍ସ ସିନେମା ହଲର ଉଦଘାଟନ କରିଛନ୍ତି ଲେଫ୍ଟନାଣ୍ଟ ଗଭର୍ଣ୍ଣର ମନୋଜ ସିହ୍ନା । ଏଥିରେ ପ୍ରଥମେ ଅମିର ଖାନଙ୍କ ଅଭିନୀତ ଫିଲ୍ମ ଲାଲ ସିଂ ଚଡ୍ଡା ପ୍ରଦର୍ଶିତ ହେବ । ଏତେ ବର୍ଷର ବ୍ୟବଧାନ ପରେ ସିନେମା ହଲରେ ଜମିବ ଦର୍ଶକଙ୍କ ଭିଡ ।

ଚଳିତ ମାସ ଶେଷରୁ ହିତ୍ରିକ ରୋଶନ ଏବଂ ସୈଫ ଅଲ୍ଲୀ ଖାନଙ୍କ ଅଭିନୀୟ 'ବିକ୍ରମ ବେଦା'ର ସ୍କିନିଂ ପରେ ନିୟମିତ ଭାବେ ଶୋ ଚାଲିବ । ଏହି ମଲ୍ଟିପ୍ଲେକ୍ସରେ ମୋଟ 520 ସିଟ୍ ବିଶିଷ୍ଟ 3ଟି ଚଳଚ୍ଚିତ୍ର ପ୍ରେକ୍ଷାଳୟ ରହିବ । ପୂର୍ବରୁ ଶ୍ରୀନଗରରେ ପ୍ରାୟ 12ଟି ସିନେମା ହଲ୍‌ ଥିଲା । ଆତଙ୍କବାଦୀଙ୍କ ବିସ୍ଫୋରଣ ପରେ ସମସ୍ତ ମଲ୍ଟିପେକ୍ସ ବନ୍ଦ କରାଯାଇଥିଲା ।

ଜାମ୍ମୁ- କାଶ୍ମୀରରେ ଧାରା 370 ରଦ୍ଦ ହେବା ପରେ ସରକାର ସିନେମା ଏବଂ ଚଳଚ୍ଚିତ୍ର ସଂସ୍କୃତିକୁ ପୁନର୍ଜୀବିତ କରିବାକୁ ଚେଷ୍ଟା କରିଛନ୍ତି। ପୁଣି ଥରେ ଜମ୍ମୁକାଶ୍ମୀରବାସଙ୍କୁ ମିଳିବ ମନୋରଞ୍ଜନର ଖୋରାକ । ଉଦଘାଟନ ପରେ ମଲ୍ଟିପ୍ଲେକ୍ସ ମାଲିକ ଡି ପି ଧର କହିଛନ୍ତି, ''90 ଦଶକ ପରେ କଶ୍ମୀରବାସୀ ପୁଣି ସିନେମା ଦେଖିବେ । ମନୋରଞ୍ଜନର ଅନୁଭୁତି ନେବେ । 30 ବର୍ଷ ଧରି ହରାଇଥିବା ମନୋରଞ୍ଜନ ପୁଣି ଫେରି ପାଇବେ ।''

Published On September 20, 2022