ଲେଜ’ର ଆଳୁ ଚିପ୍ସରେ ମିଳିଲା ମାରାତ୍ମକ ଇନଗ୍ରିଡିଏଣ୍ଟ

ନୂଆଦିଲ୍ଲୀ : ଆଜିକାଲି ପିଲାମାନେ ପୁଷ୍ଟିକର ଖାଦ୍ୟ ଅପେକ୍ଷା କୁରକୁରେ ଏବଂ ଚିପ୍ସ ଆଦି ଖାଇବାକୁ ଅଧିକ ପସନ୍ଦ କରୁଛନ୍ତି । କିନ୍ତୁ, ଏହିସବୁ ଚଟପଟା ଖାଦ୍ୟ ପିଲାମାନଙ୍କ ପାଇଁ କେତେ ମାତ୍ରାରେ ବିପଦ ଆଣିପାରେ ତାହା କେବେ ଭାବିଛନ୍ତି କି ? ବଜାରରେ ବନ୍ଦ ହେବ ନାମୀଦାମୀ କମ୍ପାନୀର ଆଳୁଚିପ୍ସ । ଲେଜ୍ ବିକ୍ରି ଉପରେ ଲାଗିଲା ରୋକ୍ । ଲେଜ୍ ପଟାଟୋ ଚିପ୍ସରୁ ମିଳିଲା ମାରାତ୍ମକ ଇନଗ୍ରିଡିଏଣ୍ଟ ।

ଯୁକ୍ତରାଷ୍ଟ୍ରର ଫୁଡ୍ ଏବଂ ଡ୍ରଗ୍ସ ଆଡମିନଷ୍ଟ୍ରେସନ (ଏଫଡିଏ) ଫ୍ରିଟୋ-ଲେ କୁ ଏହାର 'କ୍ଲାସିକ୍ ଆଳୁ ଚିପ୍ସ' କୁ ଫେରାଇ ଆଣିବାକୁ ନିର୍ଦ୍ଦେଶ ଦେଇଛି। ଗଣମାଧ୍ୟମର ରିପୋର୍ଟ ଅନୁଯାୟୀ ଏଥିରେ ଦୁଗ୍ଧ ଜାତୀୟ ଆଲର୍ଜେନ୍ ମିଶି ଥାଇପାରେ ବୋଲି କିଛି ଗ୍ରାହକ ଜଣାଇଥିଲେ। କ୍ଷୀର କିମ୍ବା ଏଥିରୁ ଉତ୍ପାଦ ଖାଦ୍ୟ ଦ୍ୱାରା ଆଲର୍ଜି ଥିବା ବ୍ୟକ୍ତିମାନେ ଏହା ଖାଇବା ଦ୍ୱାରା ସେମାନଙ୍କର ସ୍ବାସ୍ଥ୍ଯବସ୍ଥା ଖରାପ ତଥା ଜୀବନ ପ୍ରତି ବିପଦ ମଧ୍ଯ ସାଜିପାରେ।

ଡଡିସେମ୍ବର ୧୬ରେ ଫ୍ରିଟୋ-ଲେ ଓରେଗନ୍ ଏବଂ ୱାଶିଂଟନରେ ବିକ୍ରି ହୋଇଥିବା ୧୩ ଆଉନ୍ସ ଲେଜ୍ ର କ୍ଲାସିକ୍ ଆଳୁ ଚିପ୍ସ କୁ ଫେରାଇ ଆଣିବାକୁ ଘୋଷଣା ହୋଇଥିଲା। କାରଣ ଏହାର କିଛି ବ୍ୟାଚରେ ଦୁଗ୍ଧ ମିଶିଥିବାର ଦେଖିବାକୁ ମିଳିଥିଲା ​​କିନ୍ତୁ ପ୍ୟାକିଂରେ ସୂଚନା ଦିଆଯାଇନଥିଲା। ଦୁଗ୍ଧରୁ ଆଲର୍ଜି କିମ୍ବା ଲାକ୍ଟୋଜ୍ ଇନ୍ଟଲରାନ୍ସରେ ପିଡିତ ଥିବା ଗ୍ରାହକଙ୍କ ପାଇଁ ଏହା ବିପଜ୍ଜନକ ହୋଇପାରେ।
ମାୟୋ କ୍ଲିନିକ୍ ଅନୁଯାୟୀ, ଗାଈ କ୍ଷୀରରେ କିଛି ଲୋକଙ୍କର ଆଲର୍ଜି ଥାଏ ।

କିଛି ଲୋକଙ୍କର ମେଣ୍ଢା, ଛେଳି ଏବଂ ଅନ୍ୟ ପ୍ରାଣୀମାନଙ୍କର କ୍ଷୀରରେ ଆଲର୍ଜି ମଧ୍ୟ ହୋଇପାରେ । ମିଲ୍କ ଆଲର୍ଜିର ଲକ୍ଷଣ ସାମାନ୍ୟରୁ ଗମ୍ଭୀର ପର୍ଯ୍ୟନ୍ତ ହୋଇପାରେ, ଯେପରିକି ଶ୍ୱାସ ନେବାରେ ଅସୁବିଧା, ବାନ୍ତି, ଯନ୍ତ୍ରଣା ଏବଂ ହଜମ ଜନିତ ସମସ୍ୟା ।