ପାପୁଆ ନ୍ୟୁ ଗିନିରେ ଭୂସ୍ଖଳନ ନେଲା ୧୦୦ ରୁ ଅଧିକ ଲୋକଙ୍କ ଜୀବନ
ପାପୁଆ ନ୍ୟୁ ଗିନିର ଏକ ସୂଦୂର ଗ୍ରାମରେ ଭୂସ୍ଖଳନ ହେତୁ ୧୦୦ରୁ ଅଧିକ ଲୋକଙ୍କ ଲୋକଙ୍କ ମୃତ୍ୟୁ ହୋଇଥିବା ସୂଚନା ମିଳିଛି। ଅଷ୍ଟ୍ରେଲୀୟ ଗଣମାଧ୍ୟମ ଅନୁଯାୟୀ, ସ୍ଥାନୀୟ ସମୟ ସକାଳ ପ୍ରାୟ ୩ଟା ସମୟରେ ଏଙ୍ଗା ପ୍ରଦେଶର କୋକାଲାମ ଗ୍ରାମ ନିକଟରେ ଘଟିଥିବା ଭୂସ୍ଖଳନ ଯୋଗୁଁ ଅନେକ ଘର ନଷ୍ଟ ହୋଇଯାଇଥିଲା। ରିଲିଫ କର୍ମଚାରୀମାନେ ଏଠାରେ ଲୋକଙ୍କୁ ସ୍ଥାନାନ୍ତର କରିବା ପାଇଁ କାର୍ଯ୍ୟ କରୁଛନ୍ତି। ଅନେକ ମୃତଦେହ ମଧ୍ୟ ବାହାରକୁ ନିଆଯାଇଛି।
ସେଠାରେ ରହୁଥିବା ବାସିନ୍ଦା କହିଛନ୍ତି ଯେ ମୃତ୍ୟୁ ସଂଖ୍ୟା ୧୦୦ରୁ ଅଧିକ ହୋଇପାରେ। ତେବେ ଅଧିକାରୀମାନେ ଏପର୍ଯ୍ୟନ୍ତ ଏହି ସଂଖ୍ୟା ନିଶ୍ଚିତ କରିନାହାଁନ୍ତି। ସୋସିଆଲ ମିଡିଆରେ ଏକ ଭିଡିଓ ଭାଇରାଲ ହେବାରେ ଲାଗିଛି, ଯେଉଁଥିରେ ଦେଖିବାକୁ ମିଳେ ଯେ ସ୍ଥାନୀୟ ଲୋକମାନେ ସେଠାରେ ପୋତି ହୋଇଥିବା ମୃତଦେହକୁ ବାହାର କରୁଛନ୍ତି।
ଏହି ଦୁର୍ଘଟଣାରେ ପୋର୍ଜେରା ମହିଳା ବ୍ୟବସାୟ ସଂଘର ସଭାପତି ଏଲିଜାବେଥ ଲାରୁମା କହିଛନ୍ତି ଯେ ଭୂସ୍ଖଳନ ହେତୁ ଅନେକ ଘର ଭୁଶୁଡି ପଡିଛି। ଲାରୁମାଙ୍କ ଅନୁଯାୟୀ, ଭୂସ୍ଖଳନ ସ୍ଥଳରେ ଅନେକ ଗଛ ଏବଂ ଉଦ୍ଭିଦ ଅଛି ଯାହା ଭୂସ୍ଖଳନରେ ନଷ୍ଟ ହୋଇଯାଇଛି। ଯେଉଁଥିପାଇଁ ସେଠାରେ ଶୀଘ୍ର ମୃତଦେହ ଖୋଜିବା କଷ୍ଟକର ହୋଇପଡୁଛି।
ଏଥିସହ, ଭୂସ୍ଖଳନ ପୋର୍ଗେରା ସହରକୁ ପ୍ରବେଶକୁ ମଧ୍ୟ ଅବରୋଧ କରିଛି, ଯେଉଁଠାରେ ଏକ ବଡ଼ ସୁନା ଖଣି ଅବସ୍ଥିତ ବୋଲି ରିପୋର୍ଟରେ ଦର୍ଶାଯାଇଛି।
ଭୂସ୍ଖଳନ ପୂର୍ବରୁ ପାପୁଆ ନ୍ୟୁ ଗିନି ଭୂକମ୍ପରେ ମଧ୍ୟ କମ୍ପନ ଅନୁଭୂତ ହୋଇଥିଲା। ଫିନ୍ସାଫେନ୍ ଠାରୁ ୩୯ କିଲୋମିଟର ଉତ୍ତର-ପଶ୍ଚିମ ଦିଗରେ ଏହି ଭୂକମ୍ପ ଘଟିଥିଲା ଏବଂ ରିଚ୍ଟର ସ୍କେଲରେ ୫.୩ ମାପ କରାଯାଇଥିଲା। ଭାରତୀୟ ସମୟ ଅନୁଯାୟୀ, ଗୁରୁବାର ସକାଳ ୯.୪୯ ସମୟରେ ପାପୁଆ ନ୍ୟୁ ଗିନିରେ ଏହି ଭୂକମ୍ପ ଘଟିଛି। ଆମେରିକା ଭୂତତ୍ତ୍ୱ ସର୍ବେକ୍ଷଣ ମଧ୍ୟ ପାପୁଆ ନ୍ୟୁ ଗିନିରେ ହୋଇଥିବା ଭୂକମ୍ପକୁ ନିଶ୍ଚିତ କରିଛି।
Click it and Unblock the Notifications
Sign in with Google