ମୁମ୍ବାଇରେ ଭୂସ୍ଖଳନ, ୨ ଜଣଙ୍କ ଜୀବନ ଗଲା ; ରେଡ୍ ଆଲର୍ଟ ଜାରି
ମୁମ୍ବାଇରେ ଶନିବାର ସକାଳ ଠାରୁ ଲଗାତାର ପ୍ରବଳ ବର୍ଷା ହେଉଛି ଯାହା ଫଳରେ ଅନେକ ସ୍ଥାନ ଜଳମଗ୍ନ ହୋଇଛି। ପାଣିପାଗ ବିଭାଗ (ଆଇଏମଡି) ମୁମ୍ବାଇ ପାଇଁ ରେଡ୍ ଆଲର୍ଟ ଜାରି କରିଛି।
ସୂଚନା ଅନୁଯାୟୀ, ଶନିବାର ଭୋର ସମୟରେ ଭିକ୍ରୋଲି (ପଶ୍ଚିମ)ର ବର୍ଷା ନଗରରେ ଅବସ୍ଥିତ ଜନ କଲ୍ୟାଣ ସୋସାଇଟିରେ ଭୂସ୍ଖଳନ ଘଟିଥିଲା। ପାହାଡ଼ରୁ ମାଟି ଏବଂ ପଥର ଖସିବା ଯୋଗୁଁ ଘରଗୁଡିକ ଭଗ୍ନାବଶେଷ ତଳେ ଦବି ଯାଇଥିଲା। ଏହି ଦୁର୍ଘଟଣାରେ ଦୁଇ ଜଣଙ୍କର ମୃତ୍ୟୁ ହୋଇଥିବା ବେଳେ ଦୁଇ ଜଣ ଆହତ ହୋଇଛନ୍ତି। ଏହି ଦୁର୍ଘଟଣା ଅଞ୍ଚଳରେ ଆତଙ୍କର ବାତାବରଣ ସୃଷ୍ଟି କରିଛି।
ଶନିବାର ଭୋର ପ୍ରାୟ ୨ଟା ୩୯ ସମୟରେ ଏହିି ଅଘଟଣ ଘଟିଛି। ହଠାତ୍ ପାହାଡ଼ରୁ ମାଟି ଏବଂ ପଥର ଖସି ତଳେ ଏକ ଘର ଉପରେ ପଡ଼ିଥିଲା। ଗଣମାଧ୍ୟମ ରିପୋର୍ଟ ଅନୁସାରେ, ଏହି ଅଞ୍ଚଳକୁ ପୂର୍ବରୁ ଭୂସ୍ଖଳନ ପ୍ରବଣ ବୋଲି ବିବେଚନା କରାଯାଉଛି। ଘରଟି ସମ୍ପୂର୍ଣ୍ଣ ଭାବରେ ଭଗ୍ନାବଶେଷ ତଳେ ଦବି ଯାଇଥିଲା। ମୁମ୍ବାଇ ଅଗ୍ନିଶମ ବାହିନୀ ତୁରନ୍ତ ରିଲିଫ୍ ଏବଂ ଉଦ୍ଧାର କାର୍ଯ୍ୟ ପାଇଁ ଘଟଣାସ୍ଥଳରେ ପହଞ୍ଚି ଭଗ୍ନାବଶେଷରେ ଫସି ରହିଥିବା ଲୋକଙ୍କୁ ଉଦ୍ଧାର କରିଥିଲା।
ଉଦ୍ଧାରକାରୀ ଟିମ୍ ଭଗ୍ନାବଶେଷ ମଧ୍ୟରୁ ଚାରି ଜଣଙ୍କୁ ବାହାର କରି ବିଏମସିର ରାଜାୱାଡି ହସ୍ପିଟାଲକୁ ନେଇଥିଲା। ଡାକ୍ତରମାନେ ୨ ଜଣଙ୍କୁ ମୃତ ଘୋଷଣା କରିଥିଲା ବେଳେ ଆଉ ୨ ଜଣଙ୍କୁ ଟ୍ରମା ୱାର୍ଡରେ ଚିକିତ୍ସା କରାଯାଉଛି। ଡାକ୍ତରମାନେ କହିଛନ୍ତି ଯେ ଉଭୟଙ୍କ ଅବସ୍ଥା ବର୍ତ୍ତମାନ ସ୍ଥିର ଅଛି।
Click it and Unblock the Notifications
Sign in with Google