ରାଜ୍ୟସଭା ଯାଇପାରନ୍ତି କୁମାର ବିଶ୍ୱାସ ! ରେସରେ ନାଁ
ଆମ୍ ଆଦମୀ ପାର୍ଟିର ପୂର୍ବତନ ନେତା ତଥା ପ୍ରସିଦ୍ଧ କବି କୁମାର ବିଶ୍ୱାସ ଖୁବ ଶୀଘ୍ର ରାଜ୍ୟସଭାକୁ ଯାଇପାରନ୍ତି । ୟୁପିରୁ କୁମାରଙ୍କୁ ରାଜ୍ୟସଭା ପଠାଇପାରେ ଭାରତୀୟ ଜନତା ପାର୍ଟି । ୟୁପିର 7 ଟି ଆସନ ପାଇଁ 35 ଜଣ ପ୍ରାର୍ଥୀଙ୍କ ଏକ ପ୍ୟାନେଲ ପ୍ରସ୍ତୁତ ହୋଇଛି । ଯାହା ଭିତରେ ବିଜେପିର ଲୋକପ୍ରିୟ ମୁଖପାତ୍ର ସୁଧାଂଶୁ ତ୍ରିବେଦୀଙ୍କ ସହିତ କବି କୁମାର ବିଶ୍ୱାସଙ୍କ ନାଁ ମଧ୍ୟ ଥିବା ଚର୍ଚ୍ଚା ହେଉଛି । ଉତ୍ତରପ୍ରଦେଶରେ ଫେବୃଆରୀ 27 ରେ ରାଜ୍ୟର ସମସ୍ତ 10 ଟି ଆସନ ପାଇଁ ନିର୍ବାଚନ ଅନୁଷ୍ଠିତ ହେବ ।
ସୋମବାର ସନ୍ଧ୍ୟାରେ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ଆବାସରେ ବିଜେପି କୋର୍ କମିଟିର ବୈଠକ ବସିଥିଲା ।। ଏହି ବୈଠକରେ କେଉଁ ମାନଙ୍କୁ ରାଜ୍ୟସଭା ପଠାଯିବ, ସେନେଇ ବିସ୍ତୃତ ଭାବେ ଆଲୋଚନା ହେଇଛି । ରାଜ୍ୟସଭାର ୭ଟି ସିଟ୍ ପାଇଁ 35 ଜଣଙ୍କ ନାଁ ଚୟନ କରାଯାଇଛି । ଏହି 35 ଜଣଙ୍କ ଭିତରୁ 7 ଜଣଙ୍କୁ ହିଁ ବିଜେପି ରାଜ୍ୟସଭା ପଠାଇବ । ଏହି ଲିଷ୍ଟ ଭିତରେ ସୁଧାଂଶୁ ତ୍ରିବେଦୀଙ୍କ ସହିତ କୁମାର ବିଶ୍ୱାସଙ୍କ ନାଁ ଥିବା କୁହାଯାଉଛି । ଖାଲି ସେତିକି ନୁହେଁ, ଯଦି ବି କୁମାର ବିଶ୍ୱାସ ରାଜ୍ୟସଭା ନ ଯାଆନ୍ତି ତେବେ ଭବିଷ୍ୟତରେ ସେ ଲୋକସଭା ନିର୍ବାଚନ ମଧ୍ୟ ଲଢିପାରନ୍ତି ବୋଲି କୁହାଯାଉଛି । ବିଜେପି ଟିକେଟରୁ ସେ ୟୁପିର ଗାଜିଆବାଦ୍ ଲୋକସଭା ସିଟରେ ପ୍ରତିଦ୍ୱନ୍ଦିତା କରିପାରନ୍ତି ବୋଲି ରାଜନୈତିକ ମହଲରେ ଚର୍ଚ୍ଚା ହେଉଛି ।
ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ବାସଭବନରେ ଅନୁଷ୍ଠିତ ବୈଠକରେ ଉଭୟ ଉପମୁଖ୍ୟମନ୍ତ୍ରୀ କେଶବ ପ୍ରସାଦ ମୌର୍ଯ୍ୟ ଏବଂ ବ୍ରିଜେଶ ପାଠକ, ଭୁପେନ୍ଦ୍ର ଚୌଧୁରୀ ଏବଂ ସଂଗଠନର ମୁଖ୍ୟ ସଚିବ ଧରମପାଲ ସିଂ ଉପସ୍ଥିତ ଥିଲେ।
Click it and Unblock the Notifications
Sign in with Google