ଟ୍ରେନି ମହିଳା ଡାକ୍ତରଙ୍କୁ ବଳାତ୍କାର ଘଟଣା: ଅଭିଯୁକ୍ତ କହିଲା ମୋତେ ଫାଶୀ ଦିଅ

କୋଲକାତା: ପଶ୍ଚିମବଙ୍ଗର ରାଜଧାନୀ କୋଲକାତାର ଆରଜି କର ମେଡିକାଲ କଲେଜ ଓ ହସ୍ପିଟାଲରେ ମହିଳା ଟ୍ରେନି ଡାକ୍ତରଙ୍କୁ ଦୁଷ୍କର୍ମ ପରେ ହତ୍ୟା କରିଥିବା ଅଭିଯୁକ୍ତକୁ ପୋଲିସ ଗିରଫ କରିଛି। ଶନିବାର (ଅଗଷ୍ଟ ୧୦) ପୋଲିସ ଅଭିଯୁକ୍ତଙ୍କୁ ଗିରଫ କରିଥିଲା। ବର୍ତ୍ତମାନ ସେ ୧୪ ଦିନ ପାଇଁ ନ୍ୟାୟିକ ହେପାଜତରେ ଅଛନ୍ତି। କୋଲକାତାର ଆରଜି କର ମେଡିକାଲ କଲେଜ ଓ ହସ୍ପିଟାଲର ଟ୍ରେନି ଡାକ୍ତରଙ୍କୁ ଦୁଷ୍କର୍ମ ପରେ ହତ୍ୟା ଘଟଣାରେ ଗିରଫ ସଞ୍ଜୟ ରୟକୁ ନେଇ ବଡ଼ ଖବର ଆସିଛି।

ସେ ହସ୍ପିଟାଲର କର୍ମଚାରୀ ନୁହେଁ, କିନ୍ତୁ ସେ ନିୟମିତ ହସ୍ପିଟାଲ ବିଲଡିଂ ଭିତରେ ଦେଖାଯାଏ। ସଞ୍ଜୟ କୋଲକାତା ପୁଲିସ୍‌ ସହ ସିଭିକ ସ୍ୱେଚ୍ଛାସେବୀ ଭାବେ କାମ କରୁଥିଲା। ସିଭିକ ସ୍ୱେଚ୍ଛାସେବୀମାନେ ହେଉଛନ୍ତି ଠିକା କର୍ମଚାରୀ ପୋଲିସ ପଚରାଉଚରା ଆରମ୍ଭ କରିବା ମାତ୍ରେ ଅଭିଯୁକ୍ତ ସଞ୍ଜୟ ତାଙ୍କ ଅପରାଧ ସ୍ବୀକାର କରିଛନ୍ତି। ଏହି ଜଘନ୍ୟ ଅପରାଧ ପାଇଁ ତାଙ୍କର କୌଣସି ଡର ଭୟ କିମ୍ବା ଲାଜ ମଧ୍ୟ ନ ଥିଲା କି ଅନୁତାପ ମଧ୍ୟ ନ ଥିଲା।

ସେ ପୋଲିସକୁ କହିଥିଲେ, ଯଦି ତୁମେ ଚାହଁ ମୋତେ ଫାଶୀରେ ଝୁଲାଇ ଦିଅ। ସଞ୍ଜୟ ତାଙ୍କ ମୋବାଇଲରେ ଅଶ୍ଳୀଳ ଭିଡିଓ ଦେଖୁଥିଲେ। ସିସିଟିଭି କ୍ୟାମେରା ଫୁଟେଜ୍‌ ଜରିଆରେ ଅଭିଯୁକ୍ତଙ୍କୁ ଚିହ୍ନଟ କରାଯାଇ ଗିରଫ କରାଯାଇଥିଲା।