କୋଲକତା ଡାକ୍ତର ଦୁଷ୍କର୍ମ ଓ ହତ୍ୟା ମାମଲା:ମୁଖ୍ୟ ଅଭିଯୁକ୍ତର ହେବ ପଲିଗ୍ରାଫ୍ ଟେଷ୍ଟ

Updated: Wednesday, August 21, 2024, 11:24 [IST]

Polygraph Test: କୋଲକାତାର ଆରଜି କର ମେଡିକାଲ କଲେଜରେ ମହିଳା ଟ୍ରେନି ଡାକ୍ତରଙ୍କୁ ଦୁଷ୍କର୍ମ ଓ ହତ୍ୟା ମାମଲାର ମୁଖ୍ୟ ଅଭିଯୁକ୍ତ ସଞ୍ଜୟ ରୟର ପଲିଗ୍ରାଫ୍ ଟେଷ୍ଟ କରାଯିବ । ଏହି ମାମଲାର ଅନୁସନ୍ଧାନ କରୁଥିବା ସିବିଆଇ ସଞ୍ଜୟ ରୟଙ୍କ ଉପରେ ପଲିଗ୍ରାଫ୍ ପରୀକ୍ଷା କରିବାକୁ ଅନୁମତି ପାଇଛି । ଯେଉଁଥି ପାଇଁ କୋର୍ଟ ଶୁଣାଣି ଅଗଷ୍ଟ 29 ପର୍ଯ୍ୟନ୍ତ ସ୍ଥଗିତ ରଖାଯାଇଛି।

ତେବେ ସଞ୍ଜୟ ରୟ ଜଣେ ପ୍ରଶିକ୍ଷକ ଡାକ୍ତରଙ୍କ ଉପରେ ଆକ୍ରମଣ କରିଥିବା ଅଭିଯୋଗ ହୋଇଛି। ଖବର ଅନୁଯାୟୀ ସିସିଟିଭି ଫୁଟେଜରେ ରୟ ଘଟଣା ଦିନ ସକାଳ 4 ଟାରେ ବ୍ଲୁଟୁଥ୍ ଡିଭାଇସ୍ ସହିତ ଜରୁରୀକାଳୀନ ଭବନରେ ପ୍ରବେଶ କରୁଥିବା ଦେଖିବା ପାଇଁ ମିଳିଥିଲା । ସେ ବ୍ଲୁଟୁଥ୍ ଡିଭାଇସ୍ ବିନା 40 ମିନିଟ୍ ପରେ ବାହାରକୁ ଆସିଥିଲେ । ପରେ ପୀଡିତାଙ୍କ ମୃତଦେହ ନିକଟରେ ଉକ୍ତ ବ୍ଲୁଟୁଥ୍ ମିଳିଥିଲା ।

ପଲିଗ୍ରାଫ୍ ପରୀକ୍ଷା, ସାଧାରଣତଃ ମିଥ୍ୟା ଡିଟେକ୍ଟ ବା ମିଛ କଥା ଧରିବା ପାଇଁ ଏହି ପରୀକ୍ଷା କରାଯାଏ । ଯେଉଁ ବ୍ୟକ୍ତିଙ୍କ ଉପରେ ପରୀକ୍ଷା କରାଯାଏ, ତାଙ୍କ ଶାରୀରିକ ପ୍ରତିକ୍ରିୟା ମାପିବା ପାଇଁ ଏକ ମେସିନ୍ ବ୍ୟବହୃତ କରାଯାଏ । ଆମେରିକୀୟ ସାଇକୋଲୋଜିକାଲ୍ ଆସୋସିଏସନ୍ ଅନୁଯାୟୀ, ଏହି ପରୀକ୍ଷଣର ଉଦ୍ଦେଶ୍ୟ ହେଉଛି ଜଣେ ବ୍ୟକ୍ତି ଅପରାଧ କରିଛନ୍ତି କି ନାହିଁ ତାହା ସ୍ଥିର କରିବା। ହେଲେ ଏହା ଦ୍ୱାରା ବ୍ୟକ୍ତିର ସମ୍ପୁର୍ଣ୍ଣି ସଚ୍ଚୋଟତା ଜାଣିବା ହେବ ନାହିଁ ।

ପଲିଗ୍ରାଫ୍ ପରୀକ୍ଷଣର କାର୍ଯ୍ୟକାରିତା ଏବଂ ସଠିକତାକୁ ନେଇ ଅନେକ ଥର ପ୍ରଶ୍ନ ଉଠାଯାଇଛି । ଏହି ଟେଷ୍ଟକୁ ଶହେ ପ୍ରତିଶତ ସଠିକ୍ ଭାବରେ ବିବେଚନା କରାଯାଏ ନାହିଁ । ପ୍ରଥମ ପଲିଗ୍ରାଫ୍ ପରୀକ୍ଷଣ ଇଟାଲୀୟ କ୍ରାଇମିନୋଲୋଜିଷ୍ଟ ସେସର ଲୋମ୍ବ୍ରୋସୋଙ୍କ ଦ୍ୱାରା କରାଯାଇଥିବା ବେଳେ ପଚରାଉଚରା ସମୟରେ ସନ୍ଦିଗ୍ଧ ଅପରାଧୀଙ୍କ ରକ୍ତଚାପରେ ପରିବର୍ତ୍ତନ ହୋଇଥିବାର ରେକର୍ଡ ହୋଇଥିଲା ।