India
  • search
For Quick Alerts
Turn On Notification  
For Daily Alerts
Oneindia App Download

ନୁପୁର ଶର୍ମାଙ୍କ ମୁଣ୍ଡ କାଟିଲେ ପୁରସ୍କାର ଘୋଷଣା କରିଥିବା ଖାଦିମ ସଲମାନ ଚିସ୍ତି ଗିରଫ

|

ଜୟପୁର : ଗତକାଲି ରାତିରେ ରାଜସ୍ଥାନ ପୋଲିସ ଦ୍ୱାରା ଅଜମେର ସରିଫ ଦରଗାହ ର ଖାଦିମ ସଲମାନ ଚିସ୍ତିକୁ ଗିରଫ କରାଯାଇଛି । ସଲମାନ ଚିସ୍ତି ନୁପୁର ଶର୍ମାଙ୍କ ବିଷୟରେ ଏକ ଉତ୍ତେଜନାମୂଳକ ବିବୃତ୍ତି ଦେଇଥିଲେ, ଯାହା ପରେ ତାଙ୍କୁ ଗିରଫ କରାଯାଇଛି । ସଲମାନ ଚିସ୍ତି ଏକ ଭିଡିଓ ଜାରି କରି କହିଛନ୍ତି ଯେ ଯିଏ ନୁପୁର ଶର୍ମାଙ୍କ ମୁଣ୍ଡ କାଟି ଆଣିବ, ମୁଁ ତାଙ୍କୁ ଘର ଓ ଟଙ୍କା ଦେବି । ସଲମାନ ଚିସ୍ତିଙ୍କ ଏହି ଭିଡିଓ ସୋଶାଲ ମିଡିଆରେ ଖୁବ ଶୀଘ୍ର ଭାଇରାଲ ହୋଇଥିଲା, ଯାହା ପରେ ଗିରଫ ହେବା ନେଇ ଦାବି ହୋଇଥିଲା । ସଲମାନ ଚିସ୍ତିଙ୍କ ବିରୋଧରେ ପୂର୍ବରୁ ଅନେକ ମାମଲା ରୁଜୁ ହୋଇଛି । ଏହା ପରେ ଶେଷରେ ପୋଲିସ ସଲମାନ ଚିସ୍ତିଙ୍କୁ ଗିରଫ କରିଛି ।

salman Chinsthi

ସଲମାନ ଚିସ୍ତି ବିରୋଧରେ ଦରଗାହା ପୋଲିସ ଷ୍ଟେସନରେ ଅନେକ ମାମଲା ରୁଜୁ ହୋଇଛି । ରିପୋର୍ଟ ଅନୁଯାୟୀ, ସଲମାନଙ୍କ ବିରୋଧରେ 15 ଟି ଅପରାଧିକ ମାମଲା ପଞ୍ଜିକୃତ ହୋଇଛି ଯେଉଁଥିରେ 307 ସହିତ ଆକ୍ରମଣ ମାମଲା ମଧ୍ୟ ପଞ୍ଜିକୃତ ହୋଇଛି । ତେବେ ଅନେକ ମାମଲାରେ ସେ ନିର୍ଦ୍ଦୋଷରେ ଖଲାସ ହୋଇଛନ୍ତି । କିନ୍ତୁ ସେ ଯେପରି ନୁପୁର ଶର୍ମାଙ୍କ ବିଷୟରେ ଉତ୍ତେଜନାମୂଳକ ବିବୃତ୍ତି ଦେଇଛନ୍ତି ଏବଂ କହିଛନ୍ତି ଯେ ଯିଏ ନୁପୁର ଶର୍ମାଙ୍କ ମୁଣ୍ଡ କାଟି ଆଣିବ, ମୁଁ ମୋର ପିଲାଙ୍କ ଶପଥ ନେଇ କହୁଛି ମୁଁ ତାଙ୍କୁ ମୋର ସମସ୍ତ ସମ୍ପତ୍ତି ଦେବି । ନୁପୁର ଶର୍ମାଙ୍କ ବିଷୟରେ ସେ କହିଛନ୍ତି ଯେ ମୁଁ ତାଙ୍କୁ ଖୋଲାଖୋଲି ଭାବେ ଗୁଳି କରିଥାନ୍ତି, ଆଜି ବି ମୁଁ କହୁଛି ଯିଏ ନୁପୁର ଶର୍ମାଙ୍କ ମୁଣ୍ଡ କାଟି ଆଣିବ ମୁଁ ତାକୁ ମୋର ସମସ୍ତ ସମ୍ପତ୍ତି ଦେଇଦେବି ।

ଏହି ଭିଡିଓ ସାମ୍ନାକୁ ଆସିବା ପରେ ଦରଗାହ ପୋଲିସ ସଲମାନଙ୍କ ଘରେ ଚଢାଉ କରି ତାଙ୍କୁ ଗିରଫ କରିଥିଲା । ସୂଚନାଯୋଗ୍ୟ, ଏହା ପୂର୍ବରୁ ନୁପୁର ଶର୍ମା ଏକ ଟିଭି ବିତର୍କ ସମୟରେ ମହମ୍ମଦ ସାହେବଙ୍କ ବିଷୟରେ ଏକ ମନ୍ତବ୍ୟ ଦେଇଛନ୍ତି, ଯାହା ପରେ ତାଙ୍କୁ ବିରୋଧ କରାଯାଉଛି । ତାଙ୍କ ବିବୃତ୍ତି ହେତୁ ବିଜେପି ତାଙ୍କୁ ଦଳରୁ ବହିଷ୍କାର କରିଛି । ଏହି ବିବୃତ୍ତି ପରଠାରୁ ନୁପୁର ଶର୍ମାଙ୍କୁ କ୍ରମାଗତ ଭାବରେ ମୃତ୍ୟୁ ଧମକ ଦିଆଯାଉଛି ।

ଆମକୁ ଫୋଲୋ କରନ୍ତୁ
Instagram Youtube
English summary
Khadim Of Ajmer Sharif Salman Chishti arrested For Threaten To Beheading Nupur Sharma
ସର୍ବଶେଷ ସମ୍ବାଦ ପ୍ରାପ୍ତ କରନ୍ତୁ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X