କେରଳ ରାଜ୍ୟପାଳଙ୍କୁ ଦିଆଗଲା Z+ ସୁରକ୍ଷା

କେରଳ: କେରଳ ରାଜ୍ୟପାଳ ଆରିଫ ମହମ୍ମଦ ଖାନ ଏବଂ ଷ୍ଟୁଡେଣ୍ଟ ଫେଡେରେସନ୍ ଅଫ୍ ଇଣ୍ଡିଆ (SFI), ଶାସକ ସିପିଆଇ (ଏମ୍) ଦଳର ଛାତ୍ର ୱିଙ୍ଗ ମଧ୍ୟରେ ଉତ୍ତେଜନା ମଧ୍ୟରେ କେନ୍ଦ୍ର ଗୃହ ମନ୍ତ୍ରଣାଳୟ ଶନିବାର ରାଜ ଭବନ ଏବଂ ରାଜ୍ୟପାଳଙ୍କୁ Z + ସୁରକ୍ଷା ଯୋଗାଇ ଦେଇଛି । ଶାସକ ସିପିଆଇ (ଏମ୍) ଦଳର ଛାତ୍ର ୱିଙ୍ଗ୍ ଷ୍ଟୁଡେଣ୍ଟସ୍ ଫେଡେରେସନ୍ ଅଫ୍ ଇଣ୍ଡିଆ (SFI) କଳା ପତାକା ପ୍ରଦର୍ଶନ କରିବା ପରେ ଏହି ପଦକ୍ଷେପ ନିଆଯାଇଛି।

ଶନିବାର ଦିନ ରାଜ୍ୟ ରାଜଧାନୀଠାରୁ ପ୍ରାୟ 40 କିଲୋମିଟର ଦୂରରେ ଥିବା କୋଲାମ ଜିଲ୍ଲାରେ SFI କର୍ମଚାରୀମାନେ କଳା ପତାକା ଦେଖାଇବା ସହ ତାଙ୍କ ବିରୋଧରେ ସ୍ଲୋଗାନ ଦେଇ ଆରିଫ ଖାନଙ୍କ କନଭେନକୁ ଅଟକାଇଥିଲେ। ଏହି ପ୍ରତିବାଦରେ ରାଜ୍ୟପାଳ କ୍ରୋଧିତ ହୋଇ ତାଙ୍କ କାରରୁ ବାହାରି ଛାତ୍ରମାନଙ୍କ ସହ ମୁହାଁମୁହିଁ କଥା ହୋଇଥିଲେ ଏବଂ ସେମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ଦାବି କରିଥିଲେ।

ପରବର୍ତ୍ତୀ ସମୟରେ ପୋଲିସ ଘଟଣାସ୍ଥଳରେ ପହଞ୍ଚି ଉକ୍ତ ଅଞ୍ଚଳୁ ବିକ୍ଷୋଭକାରୀଙ୍କୁ ହଟାଇଥିଲେ । ହେଲେ ରାଜ୍ୟପାଳ ଏକ ଦୋକାନରୁ ଚେୟାର ଆଣି ସେଠାରେ ହିଁ ବସି ରହିଥିଲେ । ଏବଂ ଦାବି କରିଥିଲେ ଯେ, ଅନ୍ଦୋଳନକାରୀଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ନିଆଯାଉ । ସେ ଏହା ମଧ୍ୟ କହିଥିଲେ ଯେ, ପୋଲିସ ତାଙ୍କୁ ସୁରକ୍ଷା ଦେବାରେ ବିଫଳ ହୋଇଛି ବୋଲି ମଧ୍ୟ ସେ କହିଛନ୍ତି ।

ଏହାପରେ ପୋଲିସ ୧୭ ଜଣ ଯୁବ ନେତାଙ୍କ ବିରୋଦ୍ଧରେ ମାମଲା ରୁଜୁ କରାଯାଇଥିବାର ଏକ ନକଲ ଦେଖାଇବା ପରେ ସେ ରାସ୍ତାରୁ ହଟିଥିଲେ । ଏହାପରେ ରାଜ୍ୟପାଳଙ୍କ ସୁରକ୍ଷା ବଢାଇ ଦିଆଯାଇଥିଲା । ଏହାପରେ କେନ୍ଦ୍ର ସରକାରଙ୍କ ପକ୍ଷରୁ ତାଙ୍କୁ Z+ ସରୁକ୍ଷା ଦିଆଯାଇଥିଲା ।

English summary

Kerala governor Arif Mohammed Khan gets Z+ security .