କୋଭିଡର ପ୍ରଥମ ଡୋଜ୍ ଟିକା ନେବା ସତ୍ତ୍ୱେ ମୁଖ୍ୟମନ୍ତ୍ରୀ ହେଲେ କରୋନା ପଜେଟିଭ୍

କେରଳର ମୁଖ୍ୟମନ୍ତ୍ରୀ ପିନାରାଇ ବିଜୟନ କୋଭିଡ ଆକ୍ରାନ୍ତ ହୋଇଛନ୍ତି

ତିରୁଅନନ୍ତପୁରମ୍ : କେରଳର ମୁଖ୍ୟମନ୍ତ୍ରୀ ପିନାରାଇ ବିଜୟନ କୋଭିଡ ଆକ୍ରାନ୍ତ ହୋଇଛନ୍ତି । ସେ ତାଙ୍କ ଅଫିସିଆଲ୍ ଟ୍ୱିଟର ହ୍ୟାଣ୍ଡେଲ ମାଧ୍ୟମରେ ଏହି ସୂଚନା ଦେଇଛନ୍ତି । ସେ ଲେଖିଛନ୍ତି, "ମୋର କରୋନା ପରୀକ୍ଷା ପଜେଟିଭ୍ ଆସିଛି । କୋଝିକୋଡ ସରକାରୀ ମେଡିକାଲ କଲେଜରେ ମୋର ଚିକିତ୍ସା କରାଯିବ । ମୋ ସହିତ ଯୋଗାଯୋଗରେ ଆସିଥିବା ସମସ୍ତଙ୍କୁ ନିବେଦନ କରୁଛି ଯେ ସେମାନେ ସେଲ୍ଫ୍ ଅବଜରଭେସନରେ ରୁହନ୍ତୁ ଏବଂ ସେମାନଙ୍କର ପରୀକ୍ଷା କରାଇ ଦିଅନ୍ତୁ ।" ଏଠାରେ ସୂଚନାଥାଉକି, ପିନରାଇ ବିଜୟାନ କୋଭିଡ ପ୍ରଥମ ଡୋଜ୍ ଟିକା ନେଇଥିଲେ । ମାର୍ଚ୍ଚ 3 ରେ ସେ ଟୀକା ନେଇଥିଲେ ।

ଏହାପୂର୍ବରୁ ଖବର ଆସିଥିଲା ​​ଯେ ପାଞ୍ଚଟି ରାଜ୍ୟରେ ଚାଲିଥିବା ନିର୍ବାଚନରେ ​​କୋଭିଡ -19 ପରୀକ୍ଷଣର ସିଧାସଳଖ ପ୍ରଭାବ ପଡିଛି । ସଂକ୍ରମଣକୁ ରୋକିବା ପାଇଁ ପରୀକ୍ଷା ହାର ବୃଦ୍ଧି କରିବାକୁ ସ୍ୱାସ୍ଥ୍ୟ ମନ୍ତ୍ରଣାଳୟ କ୍ରମାଗତ ଭାବରେ ଜୋର୍ ଦେଇଛି । ବିଶେଷଜ୍ଞମାନେ କହୁଛନ୍ତି ଯେ କରୋନାର ଦ୍ୱିତୀୟ ତରଙ୍ଗ ଅଧିକ ମାରାତ୍ମକ ଅଟେ। ପଶ୍ଚିମବଙ୍ଗ, ଆସାମ, ତାମିଲନାଡୁ, କେରଳରେ କରୋନା ଜୀବାଣୁ ପରୀକ୍ଷା ହାର ଯଥେଷ୍ଟ ହ୍ରାସ ପାଇଛି ।

I have been confirmed Covid +ve. Will get treated at the Government Medical College, Kozhikkode. Request those who have been in contact with me recently to go into self observation.

— Pinarayi Vijayan (@vijayanpinarayi) April 8, 2021

ରାଜ୍ୟରେ ବିଧାନସଭା ନିର୍ବାଚନ ସମୟରେ ବିଜୟନଙ୍କ ଝିଅ ମଧ୍ୟ କରୋନା ସଂକ୍ରମିତ ହୋଇଥିଲେ । ଗୁରୁବାର ଦିନ କେରଳରେ 4,353 ଟି ନୂଆ କରୋନା ମାମଲା ଆସିଥିବାବେଳେ ଏହି ସମୟ ମଧ୍ୟରେ 18 ଜଣଙ୍କର ମୃତ୍ୟୁ ଘଟିଛି।

English summary

Kerala CM Pinarayi Vijayan tests positive for COVID19