PFIର ଠିକଣାରେ NIA ଚଢାଉ ଘଟଣା: ଆଜି 12 ଘଣ୍ଟିଆ କେରଳ ବନ୍ଦ

ଥିରୁଅନନ୍ତପୁରମ: ଆଜି 12 ଘଣ୍ଟିଆ କେରଳ ବନ୍ଦ । ଗତକାଲି କେରଳର ବିଭିନ୍ନ ସ୍ଥାନରେ PFI କର୍ମକର୍ତ୍ତା ବିକ୍ଷୋଭ ପ୍ରଦର୍ଶନ କରିଥିଲେ । NIA ନେତୃତ୍ବରେ PFIର କର୍ଯ୍ୟାଳୟ, କର୍ମକର୍ତ୍ତାଙ୍କ ଘର ଓ ଏହି ସଂଗଠନ ସହ ଜଡ଼ିତ ଅନ୍ୟ ସ୍ଥାନଗୁଡ଼ିକ ଉପରେ କେନ୍ଦ୍ରୀୟ ଏଜେନ୍ସି ଚଢ଼ାଉ କରିଥିଲେ । ଏହାକୁ ବିରୋଧ କରି ସାରା କେରଳରେ PFI କର୍ମକର୍ତ୍ତା ବିକ୍ଷୋଭ ପ୍ରଦର୍ଶନ କରିଥିଲେ । ଆଜି ଏନେଇ କେରଳରେ 12 ଘଣ୍ଟିଆ ବନ୍ଦ ଡାକରା ଦିଆଯାଇଛି ।

ବିଶେଷ କରି ଚଢାଉ ହୋଇଥିବା ସ୍ଥାନରେ ଗତକାଲି ରାଲି କରାଯାଇଥିଲା। ରାଲିରେ କେନ୍ଦ୍ରୀୟ ଏଜେନ୍ସି ଏବଂ କେନ୍ଦ୍ର ସରକାରଙ୍କ ବିରୋଧରେ ନାରାବାଜି କରାଯାଇଥିଲା । ରାଜଧାନୀ ଥିରୁଅନନ୍ତପୁରମ ସମେତ କୋଲ୍ଲାମ, କୋଟ୍ଟାୟାମ୍‌, ଏର୍ଣ୍ଣାକୁଲମ ଓ ଥ୍ରୀସୁର୍‌ରେ ବନ୍ଦର ବିଶେଷ ପ୍ରଭାବ ଦେଖିବାକୁ ମିଳିଛି । ସୂଚନା ଅନୁସାରେ, ଗତକାଲିର ଚଢାଉରେ 14ଟି କାର୍ଯ୍ୟାଳୟ ମୁଖ୍ୟଙ୍କୁ ଉଠାଇ ନେଇଛି NIA । ଗିରଫ ହୋଇଥିବା ବ୍ୟକ୍ତିମାନଙ୍କ ମଧ୍ୟରେ ପିଏଫଆଇ ରାଜ୍ୟ ସଭାପତି ସି ପି ମହମ୍ମଦ ବଶିର, ଜାତୀୟ ଅଧ୍ୟକ୍ଷ ଓ ଏମ ଏ ସଲାମ, ଜାତୀୟ ସଚିବ ନାସାରୁଦ୍ଦିନ ଏଲାମାରାମ, ପୂର୍ବତନ ଅଧ୍ୟକ୍ଷ ଇ ଆବୁବ୍ୟାକର ଏବଂ ଅନ୍ୟମାନେ ମଧ୍ୟ ଅଛନ୍ତି। ସ୍ଥାନୀୟ ଗଣମାଧ୍ୟମ ରିପୋର୍ଟ ଅନୁସାରେ, ଆଜି ସକାଳେ ଆଲାପୁଜା, କେଏସଆରଟିସି ବସ୍, ଏକ ଟ୍ୟାଙ୍କର ଲରି ଏବଂ ପଥର ଫିଙ୍ଗିବାରେ କ୍ଷତିଗ୍ରସ୍ତ ହୋଇଥିବା ଅଭିଯୋଗ ହୋଇଛି। କୋଜିକୋଡ ଏବଂ କନ୍ନୁରରେ ପିଏଫଆଇ କାର୍ଯ୍ୟକର୍ତ୍ତାଙ୍କ ଦ୍ୱାରା ପଥର ଫିଙ୍ଗିବାରେ ଜଣେ 15 ବର୍ଷୀୟା ନାବାଳିକା ଏବଂ ଜଣେ ଅଟୋ ରିକ୍ସା ଡ୍ରାଇଭର ସାମାନ୍ୟ ଆହତ ହୋଇଥିଲେ।ଏହି ସମୟରେ, କେରଳ ପୋଲିସ ରାଜ୍ୟରେ ସୁରକ୍ଷା ବଢାଇଥିବା ଦେଖାଯାଇଛି । ପିଏଫଆଇ ଦିନିକିଆ ରାଜ୍ୟବ୍ୟାପୀ ହରତାଳ ଆହ୍ୱାନ କରିବା ପରେ ଆଇନ ଶୃଙ୍ଖଳା ସୁନିଶ୍ଚିତ କରିବା ପାଇଁ ଜିଲ୍ଲା ପୋଲିସ ମୁଖ୍ୟମାନଙ୍କୁ ନିର୍ଦ୍ଦେଶ ଜାରି କରିଥିଲା ।

English summary

Kerala Bandh for 12hr after NIA raid