ବେଆଇନ ପ୍ରବାସୀଙ୍କ ପାଇଁ ପ୍ରଧାନମନ୍ତ୍ରୀଙ୍କ ବଡ଼ ପଦକ୍ଷେପ. ଏଣିକି.....

ବ୍ରିଟେନ୍‍ରେ ବେଆଇନ ପ୍ରବାସୀଙ୍କ ବୃଦ୍ଧି ଏବଂ ଏହାଦ୍ୱାରା ସୃଷ୍ଟ ପରିସ୍ଥିତିର ମୁକାବିଲା କରିବା ଲକ୍ଷ୍ୟ ନେଇ ପ୍ରଧାନମନ୍ତ୍ରୀ କିର୍‍ ଷ୍ଟାରମର ସେମାନଙ୍କୁ ତାଙ୍କ ଦେଶକୁ ପଠାଇଦେବାକୁ ପଦକ୍ଷେପ ଗ୍ରହଣ କରିଛନ୍ତି। ସାମାଜିକ ଗଣମାଧ୍ୟମ ପୋଷ୍ଟରେ ଶ୍ରୀ ଷ୍ଟାରମର୍‍ କହିଛନ୍ତି ଅବୈଧ ପ୍ରବେଶକାରୀଙ୍କୁ ଅଟକ ରଖି ସ୍ୱଦେଶକୁ ଫେରାଇ ଦିଆଯିବ। ବେଆଇନ ପ୍ରବେଶକାରୀଙ୍କ ବିରୁଦ୍ଧରେ ବ୍ରିଟେନ ସରକାର ପଦକ୍ଷେପ ଗ୍ରହଣ କରିବା ଆରମ୍ଭ କରିଛନ୍ତି।

ଲଣ୍ଡନ, ସ୍କେଗନେସ୍‍ ଏବଂ ଗ୍ଲୋସେଷ୍ଟରଠାରେ ବିଭିନ୍ନ ହୋଟେଲରେ ରହିଥିବା ବେଆଇନ ପ୍ରବେଶକାରୀଙ୍କୁ ନେଇ ପ୍ରଦର୍ଶନୀମାନ ଅନୁଷ୍ଠିତ ହୋଇଥିଲା। ପଶ୍ଚିମ ଲଣ୍ଡନରେ ୫ ଜଣଙ୍କୁ ଗିରଫ କରାଯାଇଛି। ସରକାରୀ ସୂତ୍ରରୁ ମିଳିଥିବା ସୂଚନା ଅନୁଯାୟୀ ଗତ ଜୁନ୍‍ ଶେଷ ସୁଦ୍ଧା ବିଭିନ୍ନ ହୋଟେଲରେ ଆଶ୍ରୟ ନେଇଥିବା ପ୍ରବାସୀଙ୍କ ସଂଖ୍ୟା ୩୨ ହଜାରରୁ ଅଧିକ ହୋଇଛି। ଆଗାମୀ ସାଧାରଣ ନିର୍ବାଚନ ପୂର୍ବରୁ ଆଶ୍ରୟ ହୋଟେଲଗୁଡ଼ିକୁ ବନ୍ଦ କରିବା ପାଇଁ ସରକାର ପ୍ରସ୍ତୁତି ଆରମ୍ଭ କରିଥିବା ଜଣାପଡ଼ିଛି।