କର୍ଣ୍ଣାଟକ ମହିଳା ଭୂତତ୍ତ୍ୱ ବିଜ୍ଞାନୀଙ୍କ ହତ୍ୟା ମାମଲା, ଅଭିଯୁକ୍ତ ଗିରଫ
Crime News: କର୍ଣ୍ଣାଟକରେ ଏକ ସମ୍ବେଦନଶୀଳ ଘଟଣା ଘଟିଥିଲା ଯେଉଁଠାରେ ଜଣେ ବରିଷ୍ଠ ଅଧିକାରୀ କେ.ଏସ୍ ପ୍ରତୀମାଙ୍କୁ ହତ୍ୟା କରାଯାଇଥିଲା । ଏହି ଘଟଣାରେ ଜଣେ ଅଭିଯୁକ୍ତଙ୍କୁ ଗିରଫ କରାଯାଇଛି, ତେବେ ଅଭିଯୁକ୍ତ ପ୍ରତୀମାଙ୍କ ସହ ସମାନ କାର୍ଯ୍ୟାଳୟରେ କାର୍ଯ୍ୟ କରୁଥିଲେ । ପୂର୍ବ ଶତ୍ରୁତାକୁ କେନ୍ଦ୍ର କରି ହତ୍ୟାକାଣ୍ତ ଘଟିଥିବା ପ୍ରାଥମିକ ସୂଚନାରୁ ଅନୁମାନ କରାଯାଉଛି ।
କର୍ଣ୍ଣାଟକ ପୋଲିସ ପକ୍ଷରୁ ମିଳିଥିବା ସୂଚନାଅନୁସାରେ, ପ୍ରତୀମାଙ୍କୁ ଖଣି ଏବଂ ଭୂବିଜ୍ଞାନ ବିଭାଗରେ ଡେପୁଟି ଡାଇରେକ୍ଟର ଭାବରେ ନିଯୁକ୍ତ କରାଯାଇଥିଲା । ଗିରଫ ହୋଇଥିବା ଡ୍ରାଇଭର କିରଣ ଚୁକ୍ତିଭିତ୍ତିକ ସରକାରୀ କର୍ମଚାରୀ ଭାବେ ଗତ ପାଞ୍ଚ ବର୍ଷ ହେବ କାମ କରି ଆସୁଥିଲେ । ହେଲେ କୌଣସି କାରଣ ଯୋଗୁଁ ମୃତ ମହିଳା ଅଫିସର କିଛି ଦିନ ହେବ ତାଙ୍କୁ କାର୍ଯ୍ୟରୁ ବହିଷ୍କାର କରିଥିଲେ । ତେବେ ପୂର୍ବ ଶତ୍ରୁକାକୁ କେନ୍ଦ୍ର କରି ଏପରି ହତ୍ୟା କାଣ୍ତ କରାଯାଇଛି ।
ପୋଲିସ କହିଛି ଯେ, ଏହି ଘଟଣା ପରେ ଅଭିଯୁକ୍ତ କର୍ଣ୍ଣାଟକ ଚାମରାଜାନଗରକୁ ପଳାଇଥିଲେ ଯେଉଁଠାରୁ ସୋମବାର ତାଙ୍କୁ ଗିରଫ କରାଯାଇଥିଲା। ପୋଲିସର ସୂଚନାନୁସାରେ ଅଭିଯୁକ୍ତ ତାଙ୍କ ଅପରାଧ ସ୍ୱୀକାର କରିଛି। ସେ ପ୍ରତିଶୋଧରୁ ଏହି ହତ୍ୟାକାଣ୍ଡ କରିଥିବା ପୋଲିସକୁ ମଧ୍ୟ କହିଛନ୍ତି। ମହିଳା ଅଧିକାରୀ ତାଙ୍କ ସ୍ୱାମୀଙ୍କ ସହ ରହୁଥିଲେ, କିନ୍ତୁ ଘଟଣା ଦିନ ସେ କିଛି କାମ ପାଇଁ ନିଜ ସହରକୁ ଯାଇଥିଲେ। ଅଭିଯୁକ୍ତ ଏହାର ସୁଯୋଗ ନେଇ ତାଙ୍କ ଘରେ ପ୍ରବେଶ କରି ସେ ମହିଳା ଅଧିକାରଙ୍କ ଉପରେ ଛୁରୀରେ ଆକ୍ରମଣ କରିଥିଲେ ଏବଂ ଗଳା କାଟି ତାଙ୍କ ହତ୍ୟା କରିଥିଲେ ।
ବେଙ୍ଗାଲୁରୁରେ ପ୍ରତୀମା ପୋଷ୍ଟ ହେବା ଦିନଠାରୁ ସେ ବେଆଇନ ଖଣି ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିଥିବା ନେଇ ସୂଚନା ରହିଛି । ତାଙ୍କ ହତ୍ୟା ବିଷୟରେ ମୁଖ୍ୟମନ୍ତ୍ରୀ ସିଦ୍ଧରମୈୟାଙ୍କୁ ମଧ୍ୟ ଅବଗତ କରାଯାଇଥିଲା । ଯାହା ପରେ ଅଭିଯୁକ୍ତକୁ ଯଥାଶୀଘ୍ର ଗିରଫ କରିବାକୁ ସେ ନିର୍ଦ୍ଦେଶ ଦିେଇଥିଲେ ।
ଅନ୍ୟପକ୍ଷରେ ରାଜଧାନୀରେ ହୋଇଥିବା ଏହି ହତ୍ୟାକାଣ୍ଡକୁ ନେଇ ରାଜନୀତି ମଧ୍ୟ ଆରମ୍ଭ ହୋଇଛି। ଏ ସମ୍ପର୍କରେ ବିଜେପି ରାଜ୍ୟ ସରକାରଙ୍କୁ ଟାର୍ଗେଟ କରିଛି। ଏହି ପ୍ରସଙ୍ଗରେ ବିଜେପି ସାଂସଦ ତେଜସ୍ୱୀ ସୂର୍ଯ୍ୟ କହିଛନ୍ତି ଯେ, ଖଣି ମାଫିଆ ଉପାଦାନ ସନ୍ଦେହରେ ବେଙ୍ଗାଲୁରୁରେ ଜଣେ ଅଧିକାରୀଙ୍କ ନିର୍ମମ ହତ୍ୟା ସମଗ୍ର ରାଜ୍ୟ ପାଇଁ ଚକିତ କରିଛି। କଂଗ୍ରେସ ଶାସନ ଅଧୀନରେ ଆଇନ ଶୃଙ୍ଖଳା ସମ୍ପୂର୍ଣ୍ଣ ଭାଙ୍ଗିଯିବ ବୋଲି ସେ ଦାବି କରିଛନ୍ତି ।
Click it and Unblock the Notifications
Sign in with Google