ଫେରିଲା କରୋନା: ଏହି ରାଜ୍ୟରେ ପୁଣି ମାସ୍କ ବାଧ୍ୟତାମୂଳକ କଲେ ସରକାର, ଚିନ୍ତା ବଢାଉଛି JN.1

Covid News: କୋଭିଡ -19 ମହାମାରୀର ପୁଣି ଦେଶର କେତକ ରାଜ୍ୟରେ ନିଜ କାୟା ବିସ୍ତାର କରିବାରେ ଲାଗିଛି । କେରଳ ପରେ ବର୍ତ୍ତମାନ କର୍ଣ୍ଣାଟକରେ ମଧ୍ୟ ପ୍ରଶାସନ ପକ୍ଷରୁ କରୋନା ପାଇଁ ଜାରି ହେଲା ଆଡଭାଇଜରି । କର୍ଣ୍ଣାଟକ ସ୍ୱାସ୍ଥ୍ୟ ଏବଂ ପରିବାର କଲ୍ୟାଣ ମନ୍ତ୍ରୀ ଦୀନେଶ ଗୁଣ୍ଡୁ ରାଓ ସୋମବାର ବରିଷ୍ଠ ନାଗରିକ ତଥା ରୋଗରେ ପୀଡିତ ଲୋକଙ୍କୁ ମାସ୍କ ପିନ୍ଧିବାକୁ ପରାମର୍ଶ ଦେଇଛନ୍ତି।

କେରଳ ଏବଂ ଅନ୍ୟାନ୍ୟ ରାଜ୍ୟରେ କୋଭିଡ -19 ମାମଲା ବୃଦ୍ଧି ପରେ ସ୍ୱାସ୍ଥ୍ୟ ଏବଂ ପରିବାର କଲ୍ୟାଣ ମନ୍ତ୍ରୀ ଦୀନେଶ ଗୁଣ୍ଡୁ ରାଓ ଏହି ସୂଚନା ଦେଇଛନ୍ତି। ସେହିପରି ଆତଙ୍କିତ ହେବାର କୌଣସି ଆବଶ୍ୟକତା ନାହିଁ ବୋଲି ମଧ୍ୟ ସ୍ୱାସ୍ଥ୍ୟମନ୍ତ୍ରୀ କହିଛନ୍ତି ।

ସେ ଆହୁରି କହିଛନ୍ତି, ଗତକାଲି ଆମେ ଏକ ବୈଠକ କରିଥିଲୁ । ଯେଉଁଠାରେ କେଉଁ ରାଜ୍ୟରେ ବର୍ତ୍ତମାନ ସ୍ଥିତିକୁ ଦେଖି କେଉଁ ପଦକ୍ଷେପ ନେବା ଉଚିତ୍ ସେନେଇ ଆଲୋଚନା ହୋଇଛି । ଯେଉଁମାନଙ୍କର ବୟସ 60 ବର୍ଷରୁ ଅଧିକ ଏବଂ ହୃଦଘାତ ଏବଂ ଅନ୍ୟାନ୍ୟ ଗୁରୁତର ରୋଗ ପୀଡିତ ଅଛନ୍ତି ସେମାନେ ମାସ୍କ ପିନ୍ଧିବା ଆବଶ୍ୟକ ।

ସେ ଆହୁରି କହିଛନ୍ତି ଯେ, ଆମେ ସରକାରୀ ଡାକ୍ତରଖାନାଗୁଡ଼ିକୁ ପ୍ରସ୍ତୁତ ରହିବା ପାଇଁ ନିର୍ଦ୍ଦେଶ ଦେଇଛନ୍ତି । କେରଳ ସୀମା ଅଞ୍ଚଳଗୁଡିକ ଅଧିକ ସତର୍କ ରହିବା ଜରୁରୀ ବୋଲି ମଧ୍ୟ ସେ କହିଛନ୍ତି । ମାଙ୍ଗାଲୋର, ଚମାନଜନଗର ଏବଂ କୋଡାଗୁ ସଜାଗ ରହିବା ଉଚିତ୍ । କରୋନା ଟେଷ୍ଟିଂ ବୃଦ୍ଧି କରାଯିବ । ଯେଉଁମାନଙ୍କର ନିଶ୍ୱାସ ନେବାରେ ସମସ୍ୟା ରହିଛି ସେମାନଙ୍କୁ ବାଧ୍ୟତାମୂଳକ ପରୀକ୍ଷା କରିବାକୁ ପଡିବ ବୋଲି ମଧ୍ୟ ସେ କହିଛନ୍ତି ।

କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟର ତଥ୍ୟ ଅନୁଯାୟୀ ସୋମବାର ଦିନ ଭାରତରେ କୋଭିଡ -19 ସକ୍ରିୟ ମାମଲା 1,828 କୁ ବୃଦ୍ଧି ପାଇଛି। ଯେଉଁଠାରେ କେରଳରେ ଜଣଙ୍କର ମୃତ୍ୟୁ ହୋଇଛି। ନିକଟରେ କେରଳରେ କୋଭିଡ୍ ସବ୍-ଭାରିଆଣ୍ଟ JN.1 ଚିହ୍ନଟ ହୋଇଥିବା ନେଇ ମଧ୍ୟ ସୂଚନା ରହିଛି ।

କୋଭିଡ ସଂକ୍ରମଣରୁ ସୁସ୍ଥ ହୋଇଥିବା ଲୋକଙ୍କ ସଂଖ୍ୟା 4.46 କୋଟି (4,44,69,931) କୁ ବୃଦ୍ଧି ପାଇଛି । 98.81 ପ୍ରତିଶତ ଲୋକ ସୁସ୍ଥ ହୋଇଛନ୍ତି ବୋଲି ସ୍ୱାସ୍ଥ୍ୟ ମନ୍ତ୍ରଣାଳୟ କହିଛି। କୋଭିଡ -19 ଯୋଗୁଁ ଏପର୍ଯ୍ୟନ୍ତ 5,33,317 ଲୋକଙ୍କର ମୃତ୍ୟୁ ଘଟିଛି ଏବଂ ମୃତ୍ୟୁ ହାର 1.19 ପ୍ରତିଶତ ରହିଛି ।

English summary

Karnataka issues new corona guidelines: mask advisory for seniors.