ଆସିଲା ପୋଷ୍ଟମର୍ଟମ ରିପୋର୍ଟ, ହୋଇ ନାହିଁ ଦୁଷ୍କର୍ମ, FSL ରିପୋର୍ଟକୁ ଅପେକ୍ଷା

Updated: Wednesday, January 4, 2023, 0:35 [IST]

kanjhawala accident case: କଞ୍ଜୱାଲା ହତ୍ୟା ମାମଲା । ଆସିଲା ପୋଷ୍ଟମର୍ଟମ ରିପୋର୍ଟ । ସୂତ୍ର ଅନୁସାରେ ପୋଷ୍ଟ ରିପୋର୍ଟରେ ବଳାତ୍କାର ହୋଇ ନାହିଁ ବୋଲି ସ୍ପଷ୍ଟ ହୋଇଛି । ତେବେ ରିପୋର୍ଟ ଏପର୍ଯ୍ୟନ୍ତ ପୋଲିସ ନିକଟରେ ଦାଖଲ ହୋଇନାହିଁ । ବର୍ତ୍ତମାନ FSL ରିପୋର୍ଟକୁ ଅପେକ୍ଷା କରାଯାଇଛି ।

ଜାନୁଆରୀ ୨ ତାରିଖରେ ମୌଲାନା ଆଜାଦ ମେଡିକାଲ କଲେଜରେ ଶବ ବ୍ୟବଚ୍ଛେଦ କରାଯାଇଥିଲା । ପୋଷ୍ଟମର୍ଟମ ମେଡିକାଲ ବୋର୍ଡ ମାଧ୍ୟମରେ କରାଯାଇଥିବା ନେଇ ସୂଚନା ରହିଛି । ପରିବାର ସଦସ୍ୟ ନିଜ ଝିଅ ଅଞ୍ଜଳିଙ୍କ ସହ ଦୁଷ୍କର୍ମ ହୋଇଥିବା ଅଭିଯୋଗ ଆଣିଥିଲେ । ଏହା ପରେ ଜାତୀୟ ମହିଳା ଆୟୋଗ ମଧ୍ୟ ଦିଲ୍ଲୀ ପୋଲିସକୁ ଚିଠି ଲେଖି ପୀଡିତାଙ୍କର ପୋଷ୍ଟମର୍ଟମ କରିବା ପାଇଁ ଦାବି କରିଥିଲେ ।

ପୋଷ୍ଟମର୍ଟମ ରିପୋର୍ଟ ଖୁବ ଶୀଘ୍ର ଦିଲ୍ଲୀ ପୋଲିସକୁ ହସ୍ତାନ୍ତର କରାଯିବ। ଯୁବତୀଙ୍କର ଜିନ୍ସ ଏବଂ ସ୍ୱାବକୁ ସୁରକ୍ଷିତ ରଖାଯାଇଛି କାରଣ ଆଉ କିଛି ସମୟ ମଧ୍ୟରେ ଯୁବତୀଙ୍କର ଶେଷ ରୀତିନୀତି ଅନୁଷ୍ଠିତ ହେବା ପାଇଁ ଯାଉଛି । ଦିଲ୍ଲୀ ପୋଲିସ ଲଗାତାର ଏହି ମାମଲାର ଯାଞ୍ଚ କରୁଛି । ରିପୋର୍ଟ ଆସିବା ପରେ ହିଁ ପୋଲିସକୁ ଏହି ମାମଲାର ଆଉ କିଛି ତଥ୍ୟ ମିଳିପାରିବ ।

ପୋଷ୍ଟମର୍ଟମ ରିପୋର୍ଟ ଆସିବା ପୂର୍ବରୁ ଦିଲ୍ଲୀ ପୋଲିସ କମିଶନର ସଞ୍ଜୟ ଆରୋରା ଗୃହ ମନ୍ତ୍ରଣାଳୟରେ ପହଞ୍ଚି ସେଠାରେ ଗୃହ ସଚିବ ଅଜୟ ଭଲାଙ୍କୁ ଭେଟିବେ। ଏହାପୂର୍ବରୁ ଗୃହ ମନ୍ତ୍ରଣାଳୟ ପକ୍ଷରୁ କଞ୍ଜୱାଲା ମାମଲାରେ ଦିଲ୍ଲୀ ପୋଲିସଠାରୁ ରିପୋର୍ଟ ମଗାଯାଇଥିଲା