କଂଗ୍ରେସର ପରାଜୟ ପରେ କମଲ ନାଥ ହେଲେ ଭାବି ମୁଖ୍ୟମନ୍ତ୍ରୀ

Published: Tuesday, March 5, 2024, 13:47 [IST]

ନୂଆଦିଲ୍ଲୀ: କଂଗ୍ରେସ କର୍ମୀମାନେ ମହାଶିବରାତ୍ରୀ ଲାଗି ମଧ୍ୟପ୍ରଦେଶର ଛିଣ୍ଡୱାରାରେ ଏକ ପୋଷ୍ଟର ଲଗାଇଛନ୍ତି । ଏହା ମାଧ୍ୟମରେ ଛିଣ୍ଡୱାରାବାସୀଙ୍କୁ ମହାଶିବରାତ୍ରୀ ଅଭିନନ୍ଦନ ଜଣାଇଛନ୍ତି । ଏହି ଅଭିନନ୍ଦନ ପୋଷ୍ଟରରେ କମଲ ନାଥ ଏବଂ ନାକୁଲ ନାଥଙ୍କ ଚିତ୍ର ରହିଛି । କମଲ ନାଥଙ୍କ ନାମ ଏବଂ ତାଙ୍କ ନାମ ପରେ ପଦବୀ ଲେଖାଯାଇଛି ଯେଉଁଥିରେ ତାଙ୍କୁ ରାଜ୍ୟର ଭାବି ମୁଖ୍ୟମନ୍ତ୍ରୀ ଭାବରେ ବର୍ଣ୍ଣନା କରାଯାଇଛି । ଏହି ପୋଷ୍ଟର ଏବେ ଚର୍ଚ୍ଚାର କେନ୍ଦ୍ର ବିନ୍ଦୁ ପାଲଟିଛି ।

ଜିଲ୍ଲା କଂଗ୍ରେସ କମିଟିର ଏହି ହୋର୍ଡିଂ ଦେଖି ସାଧାରଣ ଜନତା ଏବେ ଆଶ୍ଚର୍ଯ୍ୟ ହୋଇଯାଇଛନ୍ତି । ବର୍ତ୍ତମାନ ପାଞ୍ଚ ବର୍ଷ ପରେ ନିର୍ବାଚନ ଅନୁଷ୍ଠିତ ହେବ, ଏହା ପୂର୍ବରୁ ଲୋକମାନେ କମଲ ନାଥଙ୍କୁ ଭାବି ମୁଖ୍ରମନ୍ତ୍ରୀ ଭାବରେ ଘୋଷଣା କରିଛନ୍ତି । ହୋର୍ଡିଂରେ ପୂର୍ବତନ ମୁଖ୍ୟମନ୍ତ୍ରୀ ତଥା ବିଧାୟକ କମଲ ନାଥଙ୍କୁ ମଧ୍ୟପ୍ରଦେଶର ଭବିଷ୍ୟତର ମୁଖ୍ୟମନ୍ତ୍ରୀ ଭାବରେ ବର୍ଣ୍ଣନା କରାଯାଇଛି ।

ଏହି ପୋଷ୍ଟର ଆଲୋଚନାର ବିଷୟ ପାଲଟିଛି କାରଣ ନିକଟରେ କମଲ ନାଥ ଏବଂ ସାଂସଦ ନାକୁଲ ନାଥ ବିଜେପିରେ ଯୋଗଦେବା ନେଇ ଅନେକ କଳ୍ପନାଜଳ୍ପନା ହୋଇଥିଲା । ବର୍ତ୍ତମାନ ପାଇଁ ଏହି କଳ୍ପନାଜଳ୍ପନାର ଅନ୍ତ ଘଟିଛି । ରବିବାର ଦିନ ରାଜ୍ୟରେ ରାହୁଲ ଗାନ୍ଧୀଙ୍କ ନ୍ୟାୟ ଯାତ୍ରା ସମୟରେ ବରିଷ୍ଠ କଂଗ୍ରେସ ନେତା କମଲ ନାଥଙ୍କୁ ଅଧିକ ଗୁରୁତ୍ୱ ଦିଆଯାଇନଥିଲା । ଏହା ପରେ, ଏହିପରି ହୋର୍ଡିଂ ଲାଗିବା କାରଣରୁ ଛିଣ୍ଡୱାରରେ ରାଜନୈତିକ ବାତାବରଣ ଉଶ୍ମ ହୋଇଛି ।

ମଧ୍ୟପ୍ରଦେଶରେ ନୂଆ ଭାଜପା ସରକାର ଗଠନର ତିନି ମାସ ପରେ ଲୋକମାନେ ବୁଝିପାରୁ ନାହାଁନ୍ତି ଯେ କମଲ ନାଥଙ୍କୁ ଭବିଷ୍ୟତର ମୁଖ୍ୟମନ୍ତ୍ରୀ ଭାବରେ କାହିଁକି ବର୍ଣ୍ଣନା କରାଯାଉଛି । ଏହା ପଛର କାରଣ ବିଷୟରେ ଏପର୍ଯ୍ୟନ୍ତ କିଛି ଜଣାପଡିନାହିଁ କିନ୍ତୁ ଏହି ପୋଷ୍ଟର ବର୍ତ୍ତମାନ ଚର୍ଚ୍ଚାର ବିଷୟ ପାଲଟିଛି ।

Published On March 5, 2024