ବିଜେପିରେ ଯୋଗ ଦେବେ କେଜ୍ରିୱାଲ : KRKଙ୍କ ବଡ଼ ଦାବି

ଦୀର୍ଘ ୨୪ ବର୍ଷ ପରେ ବିଜେପି ଦିଲ୍ଲୀରେ ସରକାର ଗଢିବାକୁ ଯାଉଛି । ଦିଲ୍ଲୀ ବିଧାନସଭା ନିର୍ବାଚନରେ ବିଜେପି ୪୮ ଆସନ ଜିତି ଏକକ ସଂଖ୍ୟା ଗରିଷ୍ଠତା ହାସଲ କରିଛି । ଆପ୍‌କୁ ମାତ ଦେଇ ବିଜେପି ବିଜୟୀ ହୋଇଛି ସତ କିନ୍ତୁ ମୁଖ୍ୟମନ୍ତ୍ରୀ କିଏ ହେବେ ତାକୁ ନେଇ ଚର୍ଚ୍ଚା ଆରମ୍ଭ ହୋଇଯାଇଛି । ମୁଖ୍ୟମନ୍ତ୍ରୀ ନିଷ୍ପତ୍ତି କେନ୍ଦ୍ରୀୟ ନେତୃତ୍ୱ ନେବେ ବୋଲି କହିଛନ୍ତି ଦଳର ବରିଷ୍ଠ ନେତା । ଅନ୍ୟପଟେ ଆପ ସଂଯୋଜକ ତଥା ପୂର୍ବତନ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ନୂଆଦିଲ୍ଲୀ ବିଧାନସଭା ଆସନରେ ଏକ ବଡ଼ ପରାଜୟ ବରଣ କରିଛନ୍ତି। ତ‌ାଙ୍କ ପରାଜୟ ଖବର ପାଇ ଚଳଚ୍ଚିତ୍ର ସମୀକ୍ଷକ ତଥା ଅଭିନେତା କମଲ ଆର ଖାନ(କେଆରକେ) ଏକ ବଡ଼ ଦାବି କରିଛନ୍ତି।

କେଆରକେ ତାଙ୍କର ଅଧିକାରୀକ ଏକ୍ସ ଆକାଉଣ୍ଟରେ ଅରବିନ୍ଦ କେଜ୍ରିୱାଲଙ୍କ ପରାଜୟ ଉପରେ କଟାକ୍ଷ କରିଛନ୍ତି। କେଆରକେ ତାଙ୍କ ପୋଷ୍ଟରେ ଲେଖିଛନ୍ତି, "ଅରବିନ୍ଦ କେଜ୍ରିୱାଲ ନିଜେ ଦିଲ୍ଲୀରୁ ହାରିଗଲେ! ଏବଂ କଂଗ୍ରେସ ଏବେ ପଞ୍ଜାବରେ ଆଗାମୀ ନିର୍ବାଚନରେ ​​ଆମ ଆଦମୀ ପାର୍ଟିକୁ ପରାସ୍ତ କରିବ। ତା'ପରେ ଅରବିନ୍ଦ କେଜରିୱାଲ ବିଜେପିରେ ଯୋଗଦେବେ। କାରଣ କେଜ୍ରିୱାଲ ମଧ୍ୟ ମୋଦୀଜୀଙ୍କ ପରି ଚତୁର ।

Aaj @ArvindKejriwal Khud Bhi Delhi Se Haar Gaya! And Congress will defeat @AamAadmiParty in next election of Punjab. And then #ArvindKejriwal will join #BJP! Because Kejriwal is as clever as Modi Ji.

— KRK (@kamaalrkhan) February 8, 2025