ଜାଣନ୍ତୁ କିଏ ଜଷ୍ଟିସ ସଞ୍ଜୀବ ଖାନ୍ନା, ଯିଏ ହେବେ ସୁପ୍ରିମକୋର୍ଟର ପରବର୍ତ୍ତୀ ପ୍ରଧାନ ବିଚାରପତି

Justice Sanjiv Khanna: ଜଷ୍ଟିସ ସଞ୍ଜୀବ ଖାନ୍ନା ହେବେ ସୁପ୍ରିମକୋର୍ଟର ପରବର୍ତ୍ତୀ ପ୍ରଧାନ ବିଚାରପତି । ଜଷ୍ଟିସ ଚନ୍ଦ୍ରଚୂଡଙ୍କ କାର୍ଯ୍ୟକାଳ ନଭେମ୍ବର 10'ରେ ଶେଷ ହେଉଛି, ତେଣୁ ତାଙ୍କ ପରେ ଜଷ୍ଟିସ ସଞ୍ଜୀବ ଖାନ୍ନା ଦେଶର ପରବର୍ତ୍ତୀ ପ୍ରଧାନ ବିଚାରପତି ହେବେ। ଜଷ୍ଟିସ୍ ଖାନ୍ନାଙ୍କ କାର୍ଯ୍ୟକାଳ 13 ମଇ 2025 ପର୍ଯ୍ୟନ୍ତ ଜାରି ରହିବ । ଜଷ୍ଟିସ ସଞ୍ଜୀବ ଖାନ୍ନା ସର୍ବୋଚ୍ଚ ନ୍ୟାୟାଳୟର 51 ତମ ପ୍ରଧାନ ବିଚାରପତି ଭାବେ ଦାୟିତ୍ୱ ନେବେ ।

ସୁପ୍ରିମକୋର୍ଟ ପ୍ରଧାନ ବିଚାରପତି ଜଷ୍ଟିସ ଡିୱାଇ ଚନ୍ଦ୍ରଚୂଡ଼ ଏନେଇ କେନ୍ଦ୍ର ସରକାରଙ୍କୁ ଚିଠି ଲେଖି ସୁପାରିସ କରିଛନ୍ତି । ନଭେମ୍ବର ୧୦ ତାରିଖରେ ଜଷ୍ଟିସ ଡି.ୱାଇ ଚନ୍ଦ୍ରଚୂଡ଼ ଅବସର ନେବେ । ଯାହା ପରେ ନଭେମ୍ବର ୧୧ ତାରିଖରେ ସଞ୍ଜୀବ ଖନ୍ନା ସୁପ୍ରିମକୋର୍ଟର ପ୍ରଧାନ ବିଚାରପତି ଭାବେ ନେବେ ।

ଜଷ୍ଟିସ ଖାନ୍ନା ୧୯୮୩ରେ ଦିଲ୍ଲୀ ବାର୍ କାଉନସିଲରେ ପଞ୍ଜୀକରଣ ସହ ଆଇନଜୀବୀ ଭାବେ କାର୍ଯ୍ୟ ଆରମ୍ଭ କରିଥିଲେ । ହଜାରି କମ୍ପ୍ଲେକ୍ସ ଜିଲ୍ଲାକୋର୍ଟରେ ଓକିଲ ଭାବେ ଅଭ୍ୟାସ ସେ ପ୍ରଥମେ ଆରମ୍ଭ କରିଥିଲେ । ଯାହା ପରେ ସଞ୍ଜୀବ ଖନ୍ନା ବିଭିନ୍ନ ହାଇକୋର୍ଟରେ ଓକିଲାତି କରିବା ସହ ସରକାରୀ ଓକିଲ ଭାବେ ଦିଲ୍ଲୀ ହାଇକୋର୍ଟରେ କାର୍ଯ୍ୟ ଆରମ୍ଭ କରିଥିଲେ । ଜଷ୍ଟିସ ସଞ୍ଜୀବ ଖନ୍ନାଙ୍କ କ୍ୟାରିଅର ଖୁବ ଚ୍ୟାଲେଞ୍ଜିଂ ରହିଛି । ଅନ୍ୟ 32 ଜଣ ବିଚାରପତିଙ୍କୁ ଅତିକ୍ରମ କରି ସୁପ୍ରିମକୋର୍ଟରେ ତାଙ୍କର ପଦୋନ୍ନୋତିକୁ ନେଇ ବିବାଦ ସୃଷ୍ଟି ହୋଇଥିଲା ।

ସୁପ୍ରିମକୋର୍ଟର 51 ତମ ପ୍ରଧାନ ବିଚାରପତି ହେବେ ଜଷ୍ଟିସ୍ ସଞ୍ଜୀବ ଖାନ୍ନା ଏକ ଚମତ୍କାର କ୍ୟାରିୟରର ନେତୃତ୍ୱ ନେଇଛନ୍ତି, ଯେଉଁଥିରେ ପ୍ରାୟ 275 ବେଞ୍ଚ ଏବଂ 65 ଟି ବିଚାରରେ ତାଙ୍କର ଅଂଶଗ୍ରହଣ ରହିଛି।