ଝାଡ଼ଖଣ୍ଡ କଂଗ୍ରେସ ଏକ୍ସ ଆକାଉଣ୍ଟ ହେଲା ସସପେଣ୍ଡ, ଜାଣନ୍ତୁ କଣ ରହିଛି କାରଣ?
ନୂଆଦିଲ୍ଲୀ: ଝାଡଖଣ୍ଡ କଂଗ୍ରେସର ଏକ୍ସ ଆକାଉଣ୍ଟକୁ ସସପେଣ୍ଡ କରାଯାଇଛି । ନ୍ୟୁଜ୍ ଏଜେନ୍ସି ଏନଆଇ ଅନୁଯାୟୀ କେନ୍ଦ୍ର ଗୃହମନ୍ତ୍ରୀ ଅମିତ ଶାହାଙ୍କ ଏକ ଡିପ ଫେକ୍ ଭିଡିଓ ଏହି ହ୍ୟାଣ୍ଡେଲରୁ ସେୟାର କରାଯାଇଥିଲା । ଏହାପୂର୍ବରୁ ଗୃହମନ୍ତ୍ରୀ ଅମିତ ଶାହାଙ୍କ ନକଲି ଭିଡିଓ ମାମଲାର ତଦନ୍ତ ସଂପର୍କରେ ଝାଡଖଣ୍ଡ କଂଗ୍ରେସ ସଭାପତି ରାଜେଶ ଠାକୁରଙ୍କୁ ଦିଲ୍ଲୀ ପୋଲିସ ଡକାଇଥିଲା । ଏ ସଂପର୍କରେ ଏକ ମାମଲା ୨୮ ଏପ୍ରିଲରେ ଦିଲ୍ଲୀ ପୋଲିସର ସ୍ପେଶାଲ୍ ସେଲ୍ ଦ୍ୱାରା ପଞ୍ଜିକୃତ ହୋଇଛି ।
ଦିଲ୍ଲୀ ପୋଲିସର 'ଇଣ୍ଟେଲିଜେନ୍ସ ଫ୍ୟୁଜନ୍ ଆଣ୍ଡ ଷ୍ଟ୍ରାଟେଜିକ୍ ଅପରେସନ୍ସ' (ଆଇଏଫଏସଓ) କାର୍ଯ୍ୟାଳୟରେ ରାଜେଶ ଠାକୁରଙ୍କୁ ଏହି ଘଟଣାରେ ଯୋଗଦେବାକୁ କୁହାଯାଇଛି । ଏହା ଉପରେ ଝାଡଖଣ୍ଡ କଂଗ୍ରେସ ସଭାପତି କହିଛନ୍ତି, "ମୁଁ ମଙ୍ଗଳବାର ଦିନ ଦିଲ୍ଲୀ ପୋଲିସ ତରଫରୁ ଏକ ନୋଟିସ ପାଇଛି । କିନ୍ତୁ ମୋତେ କାହିଁକି ନୋଟିସ ଦିଆଯାଇଛି ତାହା ମୋର ବୁଝିବା ବାହାରେ । ଏହା ଅରାଜକତା ଛଡା ଆଉ କିଛି ନୁହେଁ ।"
କଂଗ୍ରେସ ନେତା କହିଛନ୍ତି ଯେ ଯଦି କୌଣସି ଅଭିଯୋଗ ଥାଏ, ତେବେ ସେ ପ୍ରଥମେ ମୋ ଆକାଉଣ୍ଟରେ ସୋସିଆଲ ମିଡିଆ ପ୍ଲାଟଫର୍ମ 'ଏକ୍ସ'ରେ ଉପଲବ୍ଧ ବିଷୟବସ୍ତୁ ଯାଞ୍ଚ କରିବା ଉଚିତ୍ । ବର୍ତ୍ତମାନ ନିର୍ବାଚନ ପ୍ରଚାର ଚରମ ସୀମାରେ ଅଛି ଏବଂ ନିର୍ବାଚନ ପ୍ରଚାରରେ ମୋର ବ୍ୟସ୍ତତା ବୁଝାପଡେ । ଏହି ପରିସ୍ଥିତିରେ ସେମାନେ ମୋ ଲାପଟପ୍ ଏବଂ ଅନ୍ୟାନ୍ୟ ଇଲେକ୍ଟ୍ରୋନିକ୍ ଜିନିଷ ମାଗିଛନ୍ତି । ଜିନିଷ ଯାଞ୍ଚ ନକରି ସମନ ଜାରି କରିବା ଠିକ୍ ନୁହେଁ ବୋଲି ରାଜେଶ କହିଛନ୍ତି ।
ଏହା ସହିତ ସେ କହିଛନ୍ତି ଯେ ସେ ଏହି ପ୍ରସଙ୍ଗରେ ଆଇନଗତ ମତାମତ ନେଉଛନ୍ତି । ଦିଲ୍ଲୀ ପୋଲିସର ସ୍ପେଶାଲ୍ ସେଲ୍ ରବିବାର ଦିନ ଶାହାଙ୍କ ଡିପ ଫେକ୍ ଭିଡିଓ ସମ୍ପର୍କରେ 'ଇଣ୍ଡିଆନ୍ ସାଇବର କ୍ରାଇମ ସମନ୍ୱୟ କେନ୍ଦ୍ର' (ଆଇ୪ସି) ଅଭିଯୋଗରେ ଏଫ୍ଆଇଆର୍ ପଞ୍ଜିକରଣ କରିଛି । କେନ୍ଦ୍ର ଗୃହ ମନ୍ତ୍ରଣାଳୟ ଅଧୀନରେ ଥିବା (ଆଇ୪ସି) ଅଭିଯୋଗରେ ଦର୍ଶାଯାଇଛି ଯେ ଭିଡିଓରେ ଶାହାଙ୍କ ବିବୃତ୍ତି ଧାର୍ମିକ କାରଣରୁ ମୁସଲମାନମାନଙ୍କ ପାଇଁ କୋଟା ଶେଷ କରିବାକୁ ପ୍ରତିଶ୍ରୁତି ଦେଇଥିବାବେଳେ ଭିଡିଓଟି ଏକ ନକଲି ଭିଡିଓ ପରି ଦେଖାଯାଉଥିଲା ।
Click it and Unblock the Notifications
Sign in with Google