ଆଜି ପ୍ରକାଶ ପାଇପାରେ JEE ମେନ୍ ସେସନ-୨ ରେଜଲ୍ଟ

JEE MAIN Result 2025: ଜାତୀୟ ପରୀକ୍ଷା ଏଜେନ୍ସି (NTA) ଆଜି ଏପ୍ରିଲ ୧୭ ତାରିଖରେ ଯେକୌଣସି ସମୟରେ ଯୁଗ୍ମ ପ୍ରବେଶିକା ପରୀକ୍ଷା (JEE) ମୁଖ୍ୟ ୨୦୨୫ ସେସନ୍ ୨ ପେପର୍ ୧ ଫଳାଫଳ ଘୋଷଣା କରାଯାଇ ପାରେ । BE ଏବଂ BTech ପରୀକ୍ଷା ଦେଇଥିବା ଛାତ୍ରଛାତ୍ରୀମାନେ ଅଫିସିଆଲ୍ ୱେବସାଇଟ୍ jeemain.nta.nic.in ରେ ସେମାନଙ୍କର ଫଳାଫଳ ଏବଂ ଉତ୍ତର ପତ୍ର ଯାଞ୍ଚ କରିପାରିବେ।

ଏହି ପରୀକ୍ଷା ୨୮୫ଟି ଭାରତୀୟ ସହର ଏବଂ ୧୫ଟି ଆନ୍ତର୍ଜାତୀୟ ସ୍ଥାନରେ ୫୩୧ଟି କେନ୍ଦ୍ରରେ ଅନୁଷ୍ଠିତ ହୋଇଥିଲା। JEE ମୁଖ୍ୟ ସେସନ୍ ୨ ପେପର୍ I ଏପ୍ରିଲ ୨, ୩, 4, ୭ ଏବଂ ୮ ରେ ଅନୁଷ୍ଠିତ ହୋଇଥିଲା। ପେପର୍ ୨ ପରୀକ୍ଷା ଏପ୍ରିଲ ୯, ୨୦୨୫ ରେ ଅନୁଷ୍ଠିତ ହୋଇଥିଲା। ପ୍ରୋଭିଜନାଲ୍ ଆନ୍ସର କୀ ୧୧ ଏପ୍ରିଲରେ ପ୍ରକାଶିତ ହୋଇଥିଲା।

ଅଫିସିଆଲ୍ ୱେବସାଇଟ୍ jeemain.nta.nic.in କିମ୍ବା ntaresults.nic.in ଭିସିଟ୍ କରି ନିଜ ପରୀକ୍ଷା ଫଳାଫଳ ଯାଞ୍ଚ କରିପାରିବେ । "JEE Main 2025 Result" ଲିଙ୍କ୍ ଉପରେ କ୍ଲିକ୍ କରନ୍ତୁ। ଆପଣଙ୍କର ଆବେଦନ ନମ୍ବର, ଜନ୍ମ ତାରିଖ ଏବଂ ସୁରକ୍ଷା ପିନ୍ ପ୍ରବେଶ କରନ୍ତୁ। ସବମିଟ୍ ଉପରେ କ୍ଲିକ୍ କରିବା ପରେ, ଆପଣଙ୍କର ଫଳାଫଳ ସ୍କ୍ରିନରେ ଦେଖାଯିବ। ଫଳାଫଳର ପ୍ରିଣ୍ଟଆଉଟ୍ ନେବାକୁ ଭୁଲନ୍ତୁ ନାହିଁ, ଏହା ପରବର୍ତ୍ତୀ ପ୍ରବେଶ ପ୍ରକ୍ରିୟାରେ ଉପଯୋଗୀ ହେବ।