ପ୍ରକାଶ ପାଇଲା JEE ଆଡଭାନ୍ସର ରେଜଲ୍ଟ

ପ୍ରକାଶ ପାଇଲା ଚଳିତ ବର୍ଷର ଜେଇ ଆଡଭାନ୍ସ ପରୀକ୍ଷା ଫଳ। ଆଜି ପୂର୍ବାହ୍ନ 10 ବେଳେ ଆଇଆଇଟି ମୁମ୍ବାଇ ପକ୍ଷରୁ ଫଳାଫଳ ପ୍ରକାଶ ପାଇଛି ।

Published: Sunday, September 11, 2022, 13:42 [IST]

ନୂଆଦିଲ୍ଲୀ: ପ୍ରକାଶ ପାଇଲା ଚଳିତ ବର୍ଷର ଜେଇ ଆଡଭାନ୍ସ ପରୀକ୍ଷା ଫଳ। ଆଜି ପୂର୍ବାହ୍ନ 10 ବେଳେ ଆଇଆଇଟି ମୁମ୍ବାଇ ପକ୍ଷରୁ ଫଳାଫଳ ପ୍ରକାଶ ପାଇଛି । jeeadv.ac.in ୱେବସାଇଟରୁ ଛାତ୍ରଛାତ୍ରୀମାନେ ପରୀକ୍ଷା ଫଳ ଜାଣିପାରିବେ । ଏହି ପରୀକ୍ଷାରେ ଆଇଆଇଟି ବମ୍ବେର ଆରକେ ଶିଶିର ଜୋନ ଟପ୍ପର ହୋଇଛନ୍ତି ।

ପ୍ରଥମେ ୱେବସାଇଟ ଖୋଲି ରେଜିଷ୍ଟ୍ରେସନ ନମ୍ବର, ଜନ୍ମ ତାରିଖ ଓ ମୋବାଇଲ ନମ୍ବର ଦେଇ ନିଜର ସ୍କୋର ଦେଖିପାରିବେ ପରୀକ୍ଷାର୍ଥୀ । ଏହାସହ ଆଇଆଇଟି ଜେଇ ଆଡଭାନ୍ସ ରେଜଲ୍ଟ ପାଇଁ ପରୀକ୍ଷାର୍ଥୀ ଜେଇ ଆଡଭାନ୍ସ କଟଅଫ 2022ରୁ ଫଳ ଦେଖିପାରିବେ । ଆସନ୍ତାକାଲିଠାରୁ ଆଇଆଇଟି ସିଟ ପାଇଁ କାଉନସିଲିଂ ପ୍ରକ୍ରିୟା ଆରମ୍ଭ ହେବ । ପ୍ରାର୍ଥୀମାନେ ନିଜର ମନ ପସନ୍ଦର କଲେଜ ବାଛି ପାରିବେ ।

ଅଗଷ୍ଟ 28 ତାରିଖରେ JEE ଆଡଭାନ୍ସ ପରୀକ୍ଷା ହୋଇଥିଲା । ଦୁଇଟି ସିଟିଂରେ ପରୀକ୍ଷା ହୋଇଥିଲା । ପୂର୍ବରୁ ଜୁଲାଇ 3ରେ ପରୀକ୍ଷା ହେବା ନେଇ ସ୍ଥିର ହୋଇଥିଲା ମାତ୍ର ଏଥିରେ ପରିବର୍ତ୍ତନ କରାଯାଇ 28 ତାରିଖରେ କରାଯାଇଥିଲା । ପରୀକ୍ଷା ପାଇଁ ଆବେଦନ ପ୍ରକ୍ରିୟା ଅଗଷ୍ଟ 7ରୁ 11 ଯାଏଁ କରାଯାଇଥିଲା । ମୋଟ 1,55,538ଜଣ ପରୀକ୍ଷାର୍ଥୀ JEE ଆଡଭାନ୍ସ ପରୀକ୍ଷା ଦେଇଥିଲେ । ତେବେ ଆଜି ଫଳ ବାହାରିବା ପରେ 40 ହଜାର ପରୀକ୍ଷାର୍ଥୀ କୃତକାର୍ଯ୍ୟ ହୋଇଥିବା ଜଣାପଡିଛି ।

Published On September 11, 2022