ରାଜ୍ୟସଭା ସାଂସଦ ଜୟା ବଚ୍ଚନଙ୍କ କାର୍ଯ୍ୟକାଳ ସରିଛି, ଜାଣନ୍ତୁ ଶେଷ ଦିନରେ କ'ଣ ପାଇଁ ମାଗିଲେ କ୍ଷମା

Updated: Friday, February 9, 2024, 17:42 [IST]

Jaya Bachchan: ଆଜି ରାଜ୍ୟସଭାରେ ଶେଷ ହୋଇଛି ସମାଜବାଦୀ ପାର୍ଟିର ରାଜ୍ୟସଭା ସାଂସଦ ଜୟ ବଚ୍ଚନଙ୍କ କାର୍ଯ୍ୟକାଳ । ବିଦାୟ ନେବା ପୂର୍ବରୁ ସେ ସମସ୍ତ ସଦସ୍ୟଙ୍କୁ ହାତ ଯୋଡ଼ି କ୍ଷମା ମାଗିଛନ୍ତି ଏବଂ କହିଛନ୍ତି,ମୁଁ ଶୀଘ୍ର ରାଗିଯାଏ, ହେଲେ କାହାରିକୁ ଆଘାତ ପହଞ୍ଚାଇବା ମୋର ଉଦ୍ଦେଶ୍ୟ ନୁହେଁ ।

ନିଜ ଶେଷ ଦିନରେ ଜୟା ବଚ୍ଚନ କହିଛନ୍ତି, ଅନେକ ଲୋକ ମୋତେ ପ୍ରଶ୍ନ କରନ୍ତି ମୁଁ କାହିଁକି ହଠାତ୍ ରାଗି ଯାଉଛି । ତେବେ ସମସ୍ତଙ୍କୁ କହିବା ପାଇଁ ଚାହୁଁଛି ଏହା ମୋର ସ୍ୱଭାବ । ମୁଁ କିପରି ଏହାକୁ ବଦଳାଇ ପାରିବି । ମୋତେ ଯାହା ଭୁଲ୍ ଲାଗେ ସେହି ସମୟରେ ମୁଁ କ୍ରୋଧିତ ହୋଇଯାଏ ଏବଂ ନିଜକୁ ଭୁଲି ଯାଏ ।

ସେ ଆହୁରି କହିଛନ୍ତି, ମୁଁ ରାଗିଯାଏ, ହେଲେ କାହାକୁ କଷ୍ଟ ଦେବା ମୋର ଉଦ୍ଦେଶ୍ୟ ନୁହେଁ । ମୁଁ ଜଣା ଅଜଣାତାର ଯଦି କାହାକୁ କଷ୍ଟ ଦେଇଛି ବା ବ୍ୟକ୍ତିଗତ ଭାବେ ଆଘାତ ଦେଇଛି ତେବେ ସମସ୍ତଙ୍କୁ ହାତ ଯୋଡି କ୍ଷମା ମାଗୁଛି । ଦୀର୍ଘ ୨୦ ବର୍ଷ ମଧ୍ୟରେ ମୋର ଭିନ୍ନ ଭିନ୍ନ ଅନୁଭୂତି ରହିଛି । ଏ ଗୃହ ସର୍ବଦା ସମୃଦ୍ଧ ହେଉ ଏବଂ ଗୃହର ଗରିମା ବଢୁ ।

ସୂଚନାଥାଉ ଯେ, ଆସନ୍ତା ଏପ୍ରେଲରେ ରାଜ୍ୟସଭାର 68ଜଣ ସଦସ୍ୟଙ୍ରକ କାର୍ଯ୍ୟକାଳ ଶେଷ ହେବା ପାଇଁ ଯାଉଛି । ସେମାନଙ୍କ ମଧ୍ୟରୁ ସମାଜବାଦୀ ପାର୍ଟିର ସଦସ୍ୟ ଜୟା ବଚ୍ଚନଙ୍କ ନାଁ ମଧ୍ୟ ସାମିଲ ଅଛି ।