ବାଲଗୋପାଲଙ୍କ ପାଇଁ ଭକ୍ତଙ୍କ ସୁନା ଦୋଳି ଉପହାର

ଗୁଜୁରାଟର ଭଦୋଦରାରେ ଜନ୍ମାଷ୍ଟମୀ ପର୍ବ ଖୁବ ଧୁମଧାମରେ ପାଳନ ହୋଇଛି। କିଛି ଭକ୍ତ ଏଠାରେ ଥିବା ଏକ ମନ୍ଦିରକୁ 25 ଲକ୍ଷ ଟଙ୍କା ମୂଲ୍ୟର ଦୋଳି ଦାନ କରିଛନ୍ତି । ସୁନା ଏବଂ ରୂପାରେ ପ୍ରସ୍ତୁତ ହୋଇଛି ଏହି ଦୋଳି ।

ସୁରଟ : ଆଜି ପବିତ୍ର ଜନ୍ମାଷ୍ଟମୀ। ଧରାପୃଷ୍ଠରେ ବାଲଗୋପାଳଙ୍କୁ ପୂଜା କରିବା ଲାଗି ଉତ୍ସବମୁଖର ହୋଇପଡ଼ିଛି ପୁରପଲ୍ଲୀ। ଚଳିତ ବର୍ଷ 18 ଓ 19 ଅଗଷ୍ଟରେ ଜନ୍ମାଷ୍ଟମୀ ଉତ୍ସବ ପାଳନ କରାଯାଉଛି। ତେବେ ଗୃହସ୍ଥ ଓ ପାରିବାରିକ ସଦସ୍ୟମାନେ 18 ଜନ୍ମାଷ୍ଟମୀ ପୂଜା କରିଥିଲେ। ବୈଷ୍ଣବ, ସାଧୁ ଓ ସନ୍ନ୍ୟାସୀମାନେ ଆଜି ପୂଜା କରିଛନ୍ତି। ଧର୍ମାନୁଷ୍ଠାନ ଠାରୁ ଆରମ୍ଭ କରି ଘରେ ଘରେ କୃଷ୍ଣ ପ୍ରେମରେ ବିଭୋର ହୋଇଛନ୍ତି ଭକ୍ତ ।

ତେବେ ଏହି ଅବସରରେ ଗୁଜୁରାଟର ଭଦୋଦରାରେ ଜନ୍ମାଷ୍ଟମୀ ପର୍ବ ଖୁବ ଧୁମଧାମରେ ପାଳନ ହୋଇଛି। କିଛି ଭକ୍ତ ଏଠାରେ ଥିବା ଏକ ମନ୍ଦିରକୁ 25 ଲକ୍ଷ ଟଙ୍କା ମୂଲ୍ୟର ଦୋଳି ଦାନ କରିଛନ୍ତି । ସୁନା ଏବଂ ରୂପାରେ ପ୍ରସ୍ତୁତ ହୋଇଛି ଏହି ଦୋଳି । ଦୋଳିର ସୌନ୍ଦର୍ଯ୍ୟକରଣ ପାଇଁ 200 ଗ୍ରାମ ସୁନା ଏବଂ 7 କିଲୋଗ୍ରାମ ରୂପା ବ୍ୟବହୃତ ହୋଇଛି । ଏହି ଦୋଳିକୁ ଦେଖିବା ପାଇଁ ଭକ୍ତଙ୍କର ଭିଡ ଦେଖିବାକୁ ମିଳିଛି ।

କିଛି ଦିନ ତଳେ ଗ୍ୱାଲିୟରର ପ୍ରସିଦ୍ଧ ଗୋପାଳ ମନ୍ଦିରରେ ରାଧା ଏବଂ କୃଷ୍ଣଙ୍କ ମୂର୍ତ୍ତିଗୁଡିକ ପୂର୍ବ ସିନ୍ଧିଆ ରାଜ ପରିବାରର ମାଲିକାନାରେ ପ୍ରାୟ 100 କୋଟି ଟଙ୍କା ମୂଲ୍ୟର ହୀରା, ସୁନା ଏବଂ ରୂପା ଅଳଙ୍କାରରେ ସଜ୍ଜିତ କରାଯାଇଥିଲା । ମନ୍ଦିର ସହିତ ଜଡିତ ଲୋକଙ୍କ କହିବା ଅନୁସାରେ, ଅଳଙ୍କାରରେ ମୋତି, ହୀରା, ପାନା, ରୁବି, ଟୋପାଜ୍ ଏବଂ ନୀଳମଣି ବ୍ୟବହୃତ ହୋଇଥିଲା । ଜନ୍ମାଷ୍ଟମୀ ଅବସରରେ ମନ୍ଦିରର ସାଜସଜ୍ଜା ସହିତ ଭଗବାନ କୃଷ୍ଣ ଏବଂ ରାଧାଙ୍କ ମୂର୍ତ୍ତିକୁ ଏହି ଅଳଙ୍କାରରେ ସ୍ୱତନ୍ତ୍ର ଭାବେ ସଜାଯାଏ, ସୁରକ୍ଷାର ସହିତ ଏହି ସବୁ ଅଳଙ୍କାର ମନ୍ଦିରକୁ ଅଣାଯାଇଥାଏ । ଏହି ମନ୍ଦିରଗ୍ୱାଲିୟରର ସିନ୍ଧିଆ ମହାରାଜାଙ୍କ ଦ୍ୱାରା ନିର୍ମିତ ହୋଇଥିଲା ।

English summary

A temple in Gujarat came alive amid preparations for the Janmashtami festival in Vadodara. The devotees expressed their devotion in an exceedingly large manner as they made a swing worth Rs 25 lakh for Lord Krishna's idol.