ୱାକଫ୍ ବିଲ୍କୁ ସମର୍ଥନ କଲା ଜନସେନା ଦଳ; ଘୋଷଣା କଲେ ସଭାପତି ପୱନ କଲ୍ୟାଣ
ୱାକଫ୍ ବିଲ୍କୁ ଏନ୍ଡିଏ ସହଯୋଗୀ ଦଳ ଜନସେନାର ସମର୍ଥନ କରୁଛି। ସମର୍ଥନ ଘୋଷଣା କଲେ ଜନସେନା ସଭାପତି ପୱନ କଲ୍ୟାଣ।ଆଲୋଚନାରେ ଭାଗ ନେବା ସହ ସପକ୍ଷରେ ଭୋଟ୍ ଦେବାକୁ ନିଜ ସାଂସଦଙ୍କୁ ନିର୍ଦ୍ଦେଶ ।
ସୂଚନା ଯୋଗ୍ୟ ଯେ,ଆଜି ଲୋକସଭାରେ ଆଗତ ହେବ ୱାକଫ ସଂଶୋଧିତ ବିଲ । ମଧ୍ୟାହ୍ନ ୧୨ଟାରେ ଗୃହରେ ବିଲକୁ ଆଗତ କରାଯିବ । ସମସ୍ତ ସାଂସଦଙ୍କୁ ଗୃହରେ ରହିବାକୁ ହ୍ବିପ ଜାରି କରିଛି ବିଜେପି । କେନ୍ଦ୍ରମନ୍ତ୍ରୀ କିରଣ ରିଜିଜୁ କହିଛନ୍ତି ୱାକଫ ବିଲକୁ ନେଇ ୮ ଘଣ୍ଟା ଧରି ଚର୍ଚ୍ଚା କରାଯିବ । ୱାକଫ ସଂଶୋଧିତ ବିଲରେ କିଛି ଗୁରୁତ୍ବପୂର୍ଣ୍ଣ ସଂଶୋଧନ କରାଯାଇଛି ।
ଯୁଗ୍ମ ସଂସଦୀୟ କମିଟି, ଜେପିସିର ସୁପାରିଶ ଆଧାରରେ ଏହି ସଂଶୋଧନ କରାଯାଇଛି । ଏନଡିଏର ପ୍ରମୁଖ ସହଯୋଗୀ ସଂଯୁକ୍ତ ଜନତା ଦଳ ଓ ତେଲୁଗୁ ଦେଶମ ପାର୍ଟିର ଦିଆଯାଇଥିବା ସଂଶୋଧନକୁ ଗ୍ରହଣ କରାଯାଇଛି । ଆଜି ଏହି ବିଲକୁ ଲୋକସଭାରେ ଉପସ୍ଥାପନ କରାଯିବ । ବିଜନେସ ଆଡଭାଇଜରି କମିଟି ଏହା ଉପରେ ମୋହର ମାରିସାରିଛି । ବିଲ ସମର୍ଥନ କରିବାକୁ ଘୋଷଣା କରିଛନ୍ତି ଜେଡିୟୁ ଓ ତେଲୁଗୁ ଦେଶମ । ତେବେ ଇଣ୍ଡିମେଣ୍ଟ ବିତର୍କରେ ଭାଗ ନେଲେ ବି ବିଲ ସପକ୍ଷରେ ଭୋଟ ଦେବନି ବୋଲି କୁହାଯାଉଛି ।
Click it and Unblock the Notifications
Sign in with Google