ହାଇଆଲର୍ଟରେ ରଜୌରୀ ଏବଂ ପୁଞ୍ଚ, ପୁଣି ଟାର୍ଗେଟରେ କାଶ୍ମୀର ପଣ୍ଡିତ
ଜମ୍ମୁ-କାଶ୍ମୀର: ଜମ୍ମୁ-କାଶ୍ମୀର ରଜୌରୀ ଏବଂ ପୁଞ୍ଚରେ ଆତଙ୍କବାଦୀ ଆକ୍ରମଣ କରିବାର ପରିସ୍ଥିତି ଉପୁଜିଛି । ଜମ୍ମୁ-କାଶ୍ମୀର ଦୁଇଟି ସ୍ଥାନରେ ସୁରକ୍ଷାବଳଙ୍କୁ ହାଇଆଲର୍ଟରେ ରଖାଯାଇଛି । ସେନା କ୍ୟାମ୍ପ ,ଧାର୍ମିକସ୍ଥଳ ,ଥାନାରେ ଆକ୍ରମଣ ହେବାର ଆଶଙ୍କା କରାଯାଉଛି । ପୂର୍ବରୁ ସତର୍କ କରାଯିବା ସହ ସୁରକ୍ଷା ବ୍ୟବସ୍ଥାକୁ ମଧ୍ୟ କଡ଼ା କଡ଼ି କରାଯାଇଛି । ତିନି ଦିନ ପୂର୍ବରୁ ରଜୌରୀରେ ସେନା କ୍ୟାମ୍ପ ପାଖରେ ଆତଙ୍କବାଦୀ ଆକ୍ରମଣ ହୋଇଥିଲା । ସେନା ଓ ଆତଙ୍କବାଦୀଙ୍କ ମଧ୍ୟରେ ଗୁଳିବିନିମୟ ହୋଇଥିଲା । ଯେଉଁଥିରେ ୨ ଆତଙ୍କବାଦୀ ନିହତ ହୋଇଥିବା ବେଳେ ୪ ଆତଙ୍କବାଦୀ ଖସିପଳାଇ ଥିଲେ । ସେହିପରି ୪ ଯବାନ ସହିଦ ହୋଇଥିଲେ ।
ତେବେ ସୂଚନା ଅନୁସାରେ ସୀମାପାରରୁ ଆତଙ୍କବାଦୀ ଦଳ ରଜୌରୀ-ପୁଞ୍ଚରେ ପ୍ରବେଶ କରିସାରିଛନ୍ତି । ଯେଉଁଥିରେ ମୋଟ ୬ ଜଣ ଆତଙ୍କବାଦୀ ରହିଛନ୍ତି । ସମସ୍ତେ ଲସ୍କର-ଏ-ତୋଏବାର ସଦସ୍ୟ ବୋଲି ସୂଚନା ମିଳିବା ପରେ ହାଇଆଲର୍ଟରେ ରହିଛି ରଜୌରୀ ଏବଂ ପୁଞ୍ଚ ।
Click it and Unblock the Notifications
Sign in with Google