ଜମ୍ମୁ କଶ୍ମୀରରେ ଆତଙ୍କବାଦୀ ମୁହାଁମୁହିଁ: ୪ ଯବାନ ଗୁରୁତର ଆହତ
Kulgam & Kashmir News: କଶ୍ମୀରର କୁଲଗାମର ଆଡିଗାମ ଦେବସର ଅଞ୍ଚଳରେ ସୁରକ୍ଷା ବାହିନୀ ଏବଂ ଆତଙ୍କବାଦୀ ମୁହାଁମୁହିଁ ହୋଇଛନ୍ତି । କୁଲଗାମ ଜିଲ୍ଲାର ଦେବସର ଅଞ୍ଚଳର ଆଦିଗାମ ଗାଁରେ ଆତଙ୍କବାଦୀ ଲୁଚି ରହିଥିବା ନେଇ ସୂଚନା ମିଳିବା ପରେ ସେନା ପକ୍ଷରୁ ସର୍ଚ୍ଚ ଅପରେସନ୍ ଆରମ୍ଭ ହୋଇଥିଲା । ଯାଞ୍ଚ ବେଳେ ଆତଙ୍କବାଦୀମାନେ ପ୍ରଥମେ ଗୁଳି ବିନିମୟ ଆରମ୍ଭ କରିଥିଲେ। ବର୍ତ୍ତମାନ ଅପରେସନ ଜାରି ରହିଛି ।
ସୋସିଆଲ ମିଡିଆରେ ସୂଚନା ଦେଇ ଜାମ୍ମୁ କାଶ୍ମୀର ପୋଲିସ ଲେଖିଛି, "କୁଲଗାମର ଆଡିଗାମ ଦେବସର ଅଞ୍ଚଳରେ ଏକ ଏନକାଉଣ୍ଟର ହୋଇଛି। ପୋଲିସ ଏବଂ ସୁରକ୍ଷା ଘଟଣାସ୍ଥଳରେ ଉପସ୍ଥିତ ଅଛନ୍ତି । ଖୁବ ଶୀଘ୍ର ଅଧିକ ତଥ୍ୟ ସେୟାର କରାଯିବ।" ଏହି ସମୟରେ ଆତଙ୍କବାଦୀମାନେ ଯେପରି ଖସି ନ ଯାଆନ୍ତି ସେଥିପାଇଁ ସମ୍ପୁର୍ଣ୍ଣ ଧ୍ୟାନ ଦିଆଯାଇଛି ।
ଏହି ଅପରେସନରେ ସେନା, ଜାମ୍ମୁ କାଶ୍ମୀର ପୋଲିସ ଏବଂ ସୁରକ୍ଷା ଏଜେନ୍ସି ମଧ୍ୟ ଜଡିତ ଅଛନ୍ତି। ସମଗ୍ର ପରିସ୍ଥିତି ଉପରେ ପ୍ରଶାସନର ନଜର ରହିଛି । ଆତଙ୍କବାଦୀମାନେ କ୍ରମାଗତ ଭାବରେ ଜାମ୍ମୁ କାଶ୍ମୀରରେ ଅଶାନ୍ତି ବିସ୍ତାର କରିବାକୁ ଚେଷ୍ଟା କରୁଛନ୍ତି। ଏହି କାରଣରୁ ଆତଙ୍କବାଦୀଙ୍କୁ ଦମନ କରିବା ପାଇଁ ଉପତ୍ୟକାରେ କ୍ରମାଗତ ସର୍ଚ୍ଚ ଅପରେସନ ଚାଲିଛି।
Click it and Unblock the Notifications
Sign in with Google