Jammu Kashmir and Haryana Election Results 2024 Live: ହରିୟାଣାରେ ବିଜେପି ଏବଂ ଜମ୍ମୁ କାଶ୍ମୀରରେ ନ୍ୟାସନାଲ କନଫରେନ୍ସ

Jammu Kashmir and Haryana Election Results 2024 Live: ହରିୟାଣା ବିଧାନସଭା ନିର୍ବାଚନର ଫଳାଫଳ ପ୍ରାୟ ସ୍ପଷ୍ଟ ହୋଇଛି। ସମସ୍ତ ଏକଜିଟ୍ ପୋଲ୍‌କୁ ପଛରେ ପକାଇ ବିଜେପି ରାଜ୍ୟରେ ତୃତୀୟ ଥର ପାଇଁ ସରକାର ଗଠନ କରିବାକୁ ଯାଉଛି। ରାଜ୍ୟରେ ଫଳାଫଳ ଆଶ୍ଚର୍ଯ୍ୟଜନକ ହୋଇଛି। ସମସ୍ତ ଏକଜିଟ୍ ପୋଲରେ କଂଗ୍ରେସ ଏକ ବଡ ବିଜୟ ହାସଲ କରିବ ବୋଲି ପୂର୍ବାନୁମାନ କରାଯାଇଥିଲା କିନ୍ତୁ ଆସିଥିବା ଫଳାଫଳକୁ ନେଇ ସମସ୍ତେ ଆଶ୍ଚର୍ଯ୍ୟ ହୋଇଯାଇଛନ୍ତି।

ନିର୍ବାଚନ ଆୟୋଗର ୱେବସାଇଟ୍ ଅନୁଯାୟୀ ବିଜେପି ଆଗରେ ଅଛି। ରାଜ୍ୟର ୯୦ ବିଧାନସଭା ଆସନରୁ ସରକାର ଗଠନ ପାଇଁ କୁହୁକ ସଂଖ୍ୟା ୪୬ ଥିବାବେଳେ ବିଜେପି ଏହା ଟପି ସାରିଛି। କଂଗ୍ରେସ ସପକ୍ଷରେ ଥିବା ଜାଟ୍ ଭୋଟ୍ ବିଜେପିକୁ ମିଳିଛି।

ସେହିଭଳିଜମ୍ମୁ-କଶ୍ମୀର ବିଧାନସଭା ନିର୍ବାଚନରେ ବାଜିମାତ କରିଛନ୍ତି ଏନସି ଓ କଂଗ୍ରେସ ମେଣ୍ଟ। ‌ଉପତ୍ୟକାରୁ ଧାରା ୩୭୦ ଉଚ୍ଛେଦ ହେବା ପରେ ପ୍ରଥମଥର ପାଇଁ ଏଠାରେ ବିଧାନସଭା ନିର୍ବାଚନ ହେଉଥିଲା।

ଏନସି ଓ କଂଗ୍ରେସ ଏକାଠି ୪୯ଟି ଆସଜନ ଜିତିଛନ୍ତି। ତେବେ ଏନସି ମେଣ୍ଟରେ ବଡ଼ ଭାଇ ଭୂମିକାରେ ରହିଛି। ଦଳ ଏକାକୀ ୪୨ଟି ଆସନ ଜିତିଥିବା ବେଳେ କଂଗ୍ରେସ ଖାତକୁ ୬ଟି ଆସନ ଯାଇଛି। ସେହିପରି ମେଣ୍ଟରେ ଥିବା ସିପିଏମ ଗୋଟିଏ ଆସନ ପାଇଛି।

ଏକାକୀ କେବେ ହେଲେ ଜମ୍ମୁ-କଶ୍ମୀରରେ ସରକାର ଗଠନ କରି ନଥିବା ବିଜେପି ୨୯ଟି ଆସନ ଜିତିଛି। ଦଳ ଅଧିକାଂଶ ଆସନ ଜମ୍ମୁ ଅଞ୍ଚଳରେ ପାଇଛି। ୨୦୧୪ରେ ଦଳ ୨୫ଟି ଆସନ ଜିତିଥିବା ବେଳେ ଏଥର ଏହା ୨୯କୁ ବୃଦ୍ଧି ପାଇଛି।