ମର୍ମନ୍ତୁଦ ସଡ଼କ ଦୁର୍ଘଟଣା:ଅଧାରେ ରହିଲା ବୈଷ୍ଣୋଦେବୀଙ୍କ ଦର୍ଶନ, ଖାତକୁ ବସ୍ ଖସି ୧୦ ମୃତ

Updated: Tuesday, May 30, 2023, 16:38 [IST]

ଜମ୍ମୁ କାଶ୍ମୀର: ଜମ୍ମୁ କାଶ୍ମୀରରେ ମର୍ମନ୍ତୁଦ ସଡ଼କ ଦୁର୍ଘଟଣା । ଭାରସାମ୍ୟ ହରାଇ ପୋଲ ଉପରୁ ତଳକୁ ଖସିଲା ବସ୍ । ଦୁର୍ଘଟଣାରେ ୧୦ ଜଣଙ୍କର ମୃତ୍ୟୁ ହୋଇଥିବା ବେଳେ ୫୦ ଜଣ ଆହତ ହୋଇଥିବା ନେଇ ସୂଚନା ରହିଛି । ଜାମ୍ମୁ-ଶ୍ରୀନଗର ନ୍ୟାସନାଲ୍ ହାଇୱେର ଝାଜ୍ୱର କୋଟଲିରେ ଦୁର୍ଘଟଣା ଘଟିଛି । ଅମୃତସରରୁ କାଟ୍ରା ଯାଉଥିବା ବେଳେ ଖାତ ଭିତରକୁ ଖସିପଡିଥିଲା ବସଟି ।

#WATCH | J&K | A bus from Amritsar to Katra fell into a gorge in Jammu. As per Jammu DC, 7 peopled died and 4 critically injured; 12 others also sustained injuries.

Visuals from the spot. pic.twitter.com/iSse58ovos
— ANI (@ANI) May 30, 2023

ସୂଚନାନୁସାରେ, ବସ୍‌ରେ ମୋଟ୍ ୭୫ ଯାତ୍ରୀ ଥିଲେ, ଏହି ବସ୍ ଅମୃତସରରୁ କାଟ୍ରା ଅଭିମୁଖେ ଯାଉଥିବା ସମୟରେ ଏକ ଖାତକୁ ଖସି ପଡିଥିଲା । ଏହି ଦୁର୍ଘଟଣାରେ ୫୦ ଜଣ ଆହତ ହୋଇଛନ୍ତି। ଆହତମାନଙ୍କୁ ତୁରନ୍ତ ଡାକ୍ତରଖାନାରେ ଭର୍ତ୍ତି କରାଯାଇଛି ବର୍ତ୍ତମାନ ସମସ୍ତ ଆହତଙ୍କର ଚିକିତ୍ସା ଜାରି ରହିଛି ।

ସୂଚନା ଅନୁସାରେ, ବସଟି ଅମୃତସରରୁ ଆସୁଥିଲା ଏବଂ ଏଥିରେ ବିହାରର ଲୋକମାନେ ଯାତ୍ରା କରୁଥିଲେ। ବସଟି ଶ୍ରଦ୍ଧାଳୁଙ୍କୁ ଧରି ମାତା ବୈଷ୍ଣୋ ଦେବୀଙ୍କ ଦର୍ଶନ ଅଭିମୁଖେ ଯାଉଥିବା ବେଳେ ଏହି ଦୁର୍ଘଟଣା ଘଟିଥିବା ସୂଚନା ରହିଛି ।