ଜୈସଲମେର ଟ୍ରାଜେଡି ; ଏପର୍ଯ୍ୟନ୍ତ ୨୨ମୃତ, ୧୮ ମୃତଦେହ ଚିହ୍ନଟ , ବାକିଙ୍କୁ ଡିଏନଏ ମାଧ୍ୟମରେ କରାଯିବ ଚିହ୍ନଟ

ମଙ୍ଗଳବାର ଅପରାହ୍ନରେ ରାଜସ୍ଥାନର ଜୈସଲମେର ଜିଲ୍ଲାର ଥଇୟତ ଗ୍ରାମ ନିକଟରେ ଜୈସଲମେର-ଯୋଧପୁର ରାଜପଥରେ ଘଟିଥିବା ଭୟଙ୍କର ବସ୍ ଦୁର୍ଘଟଣା ସମଗ୍ର ରାଜ୍ୟକୁ ଚକିତ କରିଦେଇଛି। ବସ୍‌ରେ ଥିବା ୫୭ ଜଣ ଯାତ୍ରୀଙ୍କ ମଧ୍ୟରୁ ୨୨ ଜଣଙ୍କର ମୃତ୍ୟୁ ହୋଇଥିବାବେଳେ ୧୩ ଜଣ ଆହତଙ୍କ ଚିକିତ୍ସା ଚାଲିଛି। ଏହି ମୃତଦେହଗୁଡ଼ିକର ଚିହ୍ନଟ ପ୍ରକ୍ରିୟା ଜାରି ରହିଛି ।

ଯୋଧପୁର କଲେକ୍ଟର ଗୌରବ ଅଗ୍ରୱାଲ ବିବରଣୀ ପ୍ରଦାନ କରି କହିଛନ୍ତି ଯେ ବାକି ମୃତଦେହଗୁଡ଼ିକୁ ଚିହ୍ନଟ କରିବା ପାଇଁ ଡିଏନଏ ପରୀକ୍ଷା କରାଯିବ।ଯୋଧପୁର ଜିଲ୍ଲା କଲେକ୍ଟର ଗୌରବ ଅଗ୍ରୱାଲ କହିଛନ୍ତି ଯେ ଚିହ୍ନଟ ପାଇଁ ମୋଟ 19 ଟି ମୃତଦେହ ଗ୍ରହଣ କରାଯାଇଛି। ଏଥିମଧ୍ୟରୁ 18 ଟି ଚିହ୍ନଟ ହୋଇଛି ଏବଂ ପୋଷ୍ଟମର୍ଟମ ସମାପ୍ତ ହେବା ପରେ 17 ଟି ମୃତଦେହକୁ ସେମାନଙ୍କ ପରିବାରକୁ ହସ୍ତାନ୍ତର କରାଯାଇଛି।ସେ ନିବେଦନ କରିଛନ୍ତି ଯେ ଯଦି କୌଣସି ପରିବାର ସଦସ୍ୟ ବସ୍‌ରେ ଥିଲେ ଏବଂ ଏପର୍ଯ୍ୟନ୍ତ ସେମାନଙ୍କୁ ଖୋଜାଖୋଜି କରାଯାଇ ନାହିଁ, ତେବେ ସେମାନେ ଜିଲ୍ଲା ପ୍ରଶାସନର ହେଲ୍ପଲାଇନ୍ ନମ୍ବରରେ ଯୋଗାଯୋଗ କରନ୍ତୁ।