କର୍ଣ୍ଣାଟକରେ କଂଗ୍ରେସର ହେବ ବିଜୟ, ମୋଦିଙ୍କ ହାର ନିଶ୍ଚୟ:ଜୟରାମ ରମେଶ
Karnataka Election Result 2023: କର୍ଣ୍ଣାଟକ ବିଧାନସଭା ନିର୍ବାଚନର ଭୋଟ ଗଣନା ଜାରି ରହିଛି । ଏପର୍ଯ୍ୟନ୍ତର ଟ୍ରେଣ୍ଡ ଅନୁସାରେ କଂଗ୍ରେସ ରହିଛି ଏକ ନମ୍ବର ସ୍ଥାନରେ । ବିଜେପି ଦ୍ୱିତୀୟ ଏବଂ ଜେଡି ତୃତୀୟ ସ୍ଥାନରେ ରହିଛି ।
ସେପଟେ ନିର୍ବାଚନ ଫଳାଫଳକୁ ନେଇ କଂଗ୍ରେସ ଏକ ବଡ ଦାବି କରିଛି । କଂଗ୍ରେସ ନେତା ଜୟରାମ ରମେଶ କହିଛନ୍ତି ଯେ, କର୍ଣ୍ଣାଟକରେ ବିଜେପିର ପରାଜୟ ନିଶ୍ଚିତ। ପ୍ରଧାନମନ୍ତ୍ରୀ ମୋଦିଙ୍କ ଅନେକ ଗସ୍ତ ସତ୍ୱେ ବିଜେପିର ପ୍ରଦର୍ଶନ ପ୍ରଧାନମନ୍ତ୍ରୀଙ୍କ ପରାଜୟକୁ ଇଙ୍ଗିତ କରୁଛି ।
ଜୟରାମ ରମେଶ କର୍ଣ୍ଣାଟକ ନିର୍ବାଚନରେ କଂଗ୍ରେସର ବିଜୟକୁ ପ୍ରଧାନମନ୍ତ୍ରୀ ମୋଦିଙ୍କ ପରାଜୟ ବୋଲି ବିବେଚନା କରିଛନ୍ତି। ସେ କହିଛନ୍ତି ଯେ କର୍ଣ୍ଣାଟକ ବିଧାନସଭା ନିର୍ବାଚନରେ କଂଗ୍ରେସର ସଫଳତା କେନ୍ଦ୍ରରେ ଥିବା ବିଜେପି ସରକାରଙ୍କ ପାଇଁ ଏକ ସ୍ପଷ୍ଟ ସଙ୍କେତ। ୨୦୨୪ର ରୋଡମ୍ୟାପ୍ ସ୍ଫଷ୍ଟ କରିଛି କର୍ଣ୍ଣାଟକ ନିର୍ବାଚନ ।
ଭୋଟ ଗଣତି ଆରମ୍ଭ ହେବାର ଗୋଟିଏ ଦିନ ପୂର୍ବରୁ କଂଗ୍ରେସ ନେତା ଜୟରାମ ରମେଶ କହିଛନ୍ତି ଯେ, କର୍ଣ୍ଣାଟକ ବିଜୟ 2024 ସାଧାରଣ ନିର୍ବାଚନରେ କଂଗ୍ରେସ ପାଇଁ ବିଜୟର ପ୍ରବେଶ ଦ୍ୱାର ହେବ। କର୍ଣ୍ଣାଟକରେ କଂଗ୍ରେସର ବିଜୟ ହେଉଛି ପ୍ରଧାନମନ୍ତ୍ରୀ ମୋଦିଙ୍କ ପରାଜୟ, କାରଣ ତାଙ୍କ ବ୍ୟତୀତ କର୍ଣ୍ଣାଟକରେ କେହି ପ୍ରଚାର କରିନାହାଁନ୍ତି ।
କର୍ଣ୍ଣାଟକ ନିର୍ବାଚନକୁ ନେଇ କଂଗ୍ରେସ ନେତାଙ୍କ ମଧ୍ୟରେ ବହୁତ ଉତ୍ସାହ ରହିଛି। ଜୟରାମ ରମେଶଙ୍କ ପୂର୍ବରୁ କଂଗ୍ରେସ ନେତା ରଣଦୀପ ସୁରଜେୱାଲା କହିଛନ୍ତି ଯେ "କଂଗ୍ରେସ ବହୁମତ ସହ ଜିତିବାକୁ ଯାଉଛି। ମୁଁ ମଧ୍ୟ 6.5 କୋଟି କର୍ଣ୍ଣାଟକବାସୀଙ୍କୁ ଧନ୍ୟବାଦ ଦେବାକୁ ଚାହୁଁଛି, ଯେଉଁମାନେ କଂଗ୍ରେସ ଉପରେ ବିଶ୍ୱାସ ରଖିଛନ୍ତି।'
Click it and Unblock the Notifications
Sign in with Google