ଜେଲରେ ଚାଲିଥିଲା ଅପରାଧିକ ଷଢ଼ଯନ୍ତ୍ର! ୨ଜେଲ ଅଧିକାରୀଙ୍କ ସହ ୪ ଗିରଫ

ଜେଲ୍‍ରେ ଅପରାଧିକ ଷଢ଼ଯନ୍ତ୍ର ଏବଂ ନିଶାଦ୍ରବ୍ୟ ଚାଲାଣ ଅଭିଯୋଗ ନେଇ ପଞ୍ଜାବରେ ୨ଜଣ ବରିଷ୍ଠ ଜେଲ୍‍ ଅଧିକାରୀଙ୍କ ସମେତ ଅନ୍ୟ ୪ଜଣଙ୍କୁ ଗିରଫ କରାଯାଇଛି । ସେମାନଙ୍କ ମଧ୍ୟରେ ହୋସିଆରପୁର ସେଣ୍ଟ୍ରାଲ ଜେଲ୍‍ର ଅଧିକ୍ଷକ ଓ ଅନ୍ୟ ୪ଜଣ ଅଧିକାରୀ ଏବଂ ଅମୃତସର ଜେଲ୍‍ର ଜଣେ ୱାର୍ଡନ୍‍ ଅନ୍ତର୍ଭୁକ୍ତ ।

ଉଭୟ ଜେଲ୍‍ରେ କଏଦୀଙ୍କୁ ନିଶାଦ୍ରବ୍ୟ ଯୋଗାଣରେ ସେମାନେ ସମ୍ପୃକ୍ତ ଥିବା ଜଣାପଡିଛି । ଏପରିକି ଜେଲ୍‍ରେ ବନ୍ଦୀ ଜୀବନ ବିତାଉଥିବା ୩ଜଣ କଏଦୀଙ୍କ ବିରୋଧରେ ମଧ୍ୟ ଏନେଇ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି । ନିଶାଦ୍ରବ୍ୟ ବିରୋଧୀ ଟାସ୍କଫୋର୍ସର ମୁଖ୍ୟ ନିଲଭ କିଶୋର ଏ ସମ୍ପର୍କରେ ସୂଚନା ଦେଇ କହିଛନ୍ତି ଅଭିଯୋଗ ଆଧାରରେ ତଦନ୍ତ କରାଯାଇଥିଲା । ଦୁର୍ନୀତିଗ୍ରସ୍ତ ଏହି ଜେଲ୍‍ ଅଧିକାରୀଙ୍କ
ସହାୟତାରେ କଏଦୀମାନେ ନିଶାଦ୍ରବ୍ୟ ଚୋରାଚାଲାଣରେ ସମ୍ପୃକ୍ତ ଥିଲେ ବୋଲି ସେ ସୂଚନା ଦେଇଛନ୍ତି ।