ଜି-7 ପାଇଁ ଇଟାଲୀରେ ମୋଦି: ଏପିରି ସ୍ୱାଗତ କଲେ ଇଟାଲୀ ପ୍ରଧାନମନ୍ତ୍ରୀ ଜର୍ଜିଆ ମେଲୋନି, ଭାଇରାଲ ହେଲା ଭିଡିଓ
PM Modi In G-7 Summit: ଜି -7 ଶିଖର ସମ୍ମିଳନୀରେ ଭାଗ ନେବାକୁ ଇଟାଲୀରେ ପହଞ୍ଚିଥିବା ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଇଟାଲୀ ପ୍ରଧାନମନ୍ତ୍ରୀ ଜର୍ଜିଆ ମେଲୋନି ସ୍ୱାଗତ କରିଛନ୍ତି । ଯାହା ଫଟୋ ଏବଂ ଭିଡିଓ ବର୍ତ୍ତମାନ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଜି -7 ଶିଖର ସମ୍ମିଳନୀରେ ଭାରତ ଏକ 'ଆଉଟ୍ରିଚ୍ ରାଷ୍ଟ୍ର' ଭାବରେ ଅଂଶଗ୍ରହଣ କରୁଛି। G7 ଆଉଟ୍ରିଚ୍ ସମ୍ମିଳନୀରେ ଭାଗ ନେବାକୁ ପ୍ରଧାନମନ୍ତ୍ରୀ ମୋଦି ଗୁରୁବାର (ଜୁନ୍ 13) ବିଳମ୍ବରେ ଇଟାଲୀର ଆପୁଲିଆରେ ପହଞ୍ଚିଥିଲେ।
ପ୍ରଧାନମନ୍ତ୍ରୀ କହିଛନ୍ତି ଯେ, ଉଜ୍ୱଳ ଭବିଷ୍ୟତ ପାଇଁ ଅନ୍ତରାଷ୍ଟ୍ରୀୟ ସହଯୋଗକୁ ବୃଦ୍ଧି କରିବା ପାଇଁ ସେ ଶୁକ୍ରବାର ଦିନ ଜି -7 ଶିଖର ସମ୍ମିଳନୀରେ ବିଶ୍ୱସ୍ତରୀୟ ନେତାଙ୍କ ସହ ଆଲୋଚନା କରିବାକୁ ଅତ୍ୟନ୍ତ ଆଗ୍ରହୀ ଅଟନ୍ତି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି G7 ଶିଖର ସମ୍ମିଳନୀର 'ଆଉଟ୍ରିଚ୍ ଅଧିବେଶନରେ' ଅଂଶଗ୍ରହଣ କରିବାକୁ ଆପୁଲିଆରେ ପହଞ୍ଚିବା ପରେ ଏହି ମନ୍ତବ୍ୟ ଦେଇଛନ୍ତି।
#WATCH | Italy: Prime Minister of Italy Giorgia Meloni receives Prime Minister Narendra Modi as India participates as an 'Outreach nation' in G7 Summit pic.twitter.com/Sqna3AEu9X
— ANI (@ANI) June 14, 2024
ଜି -7 ଶିଖର ସମ୍ମିଳନୀରେ ପ୍ରଧାନମନ୍ତ୍ରୀ ମୋଦି ଫ୍ରାନ୍ସର ରାଷ୍ଟ୍ରପତି ଇମାନୁଏଲ୍ ମାକ୍ରୋନ୍, ବ୍ରିଟେନ ପ୍ରଧାନମନ୍ତ୍ରୀ ଋଷି ସୁନକ ଏବଂ ୟୁକ୍ରେନ ରାଷ୍ଟ୍ରପତି ଭୋଲୋଡିମିର ଜେଲେନସ୍କିଙ୍କୁ ଭେଟିଛନ୍ତି। ଏହା ବ୍ୟତୀତ ପ୍ରଧାନମନ୍ତ୍ରୀ ମୋଦି ଆର୍ଟିଫିସିଆଲ୍ ଇଣ୍ଟେଲିଜେନ୍ସ (AI), ଶକ୍ତି, ଆଫ୍ରିକା ଏବଂ ଭୂମଧ୍ୟସାଗରୀୟ ଅଞ୍ଚଳ ଉପରେ ଧ୍ୟାନ ଦେଇ ଇଟାଲୀ ପ୍ରଧାନମନ୍ତ୍ରୀ ଜର୍ଜିଆ ମେଲୋନିଙ୍କ ଦ୍ୱାରା ଆୟୋଜିତ ଏକ ଅଧିବେଶନରେ ଅଂଶଗ୍ରହଣ କରିବେ। ଏହି ଅଧିବେଶନରେ ପୋପ୍ ଫ୍ରାନ୍ସିସ୍ ମଧ୍ୟ ଅଂଶଗ୍ରହଣ କରିବେ। ମୋଦିଙ୍କ ସହ ପୋପ୍ ଫ୍ରାନ୍ସିସ୍ ମଧ୍ୟ ଦ୍ୱିପାକ୍ଷିକ ଆଲୋଚନା କରିବେ ବୋଲି ଆଶା କରାଯାଉଛି।
ସୋସିଆଲ ମିଡିଆ ପ୍ଲାଟଫର୍ମ 'ଏକ୍ସ'ରେ ଏକ ପୋଷ୍ଟରେ ପ୍ରଧାନମନ୍ତ୍ରୀ କହିଛନ୍ତି ଯେ, G7 ଶିଖର ସମ୍ମିଳନୀରେ ଭାଗ ନେବାକୁ ଇଟାଲୀରେ ପହଞ୍ଚିଛି। ବିଶ୍ୱସ୍ତରୀୟ ନେତାଙ୍କ ସହିତ ଗୁରୁତ୍ୱପୂର୍ଣ୍ଣ ଆଲୋଚନାରେ ଅଂଶଗ୍ରହଣ କରିବାକୁ ଆଗ୍ରହୀ । ଆମର ଲକ୍ଷ୍ୟ ହେଉଛି ଉଜ୍ଜ୍ୱଳ ଭବିଷ୍ୟତ ପାଇଁ ଆନ୍ତର୍ଜାତୀୟ ସହଯୋଗ ବୃଦ୍ଧି କରିବା ।
Click it and Unblock the Notifications
Sign in with Google