ବିବିସି ଅଫିସରେ ତୃତୀୟ ଦିନରେ ଜାରି ରହିଛି IT ରେଡ୍ : ୱାର୍କ ଫର୍ମ ହୋମ୍ କରୁଛନ୍ତି କର୍ମଚାରୀ

ତୃତୀୟ ଦିନରେ ମଧ୍ୟ ଜାରି ରହିଛି ଆଇଟି ରେଡ୍ । ରିପୋର୍ଟ ଅନୁସାରେ, ଆୟକର ବିଭାଗର କର୍ମଚାରୀ ମାନେ ଆର୍ଥିକ ତଥ୍ୟ ସଂଗ୍ରହ ଏବଂ ବିଭିନ୍ନ ଗୁରୁତ୍ୱପୂର୍ଣ୍ଣ କାଗଜ ପତ୍ର ମଧ୍ୟ ସଂଗ୍ରହ କରୁଛନ୍ତି ।

Updated: Thursday, February 16, 2023, 20:24 [IST]

ବିବିସି ଅଫିସରେ ତୃତୀୟ ଦିନରେ ଜାରି ରହିଛି IT ରେଡ୍

IT Raid At BBC Office:ବିବିସି ଅଫିସ ଉପରେ ତୃତୀୟ ଦିନରେ ଜାରି ରହିଛି ଚଢାଉ । ଘରୁ କାମ କରୁଛନ୍ତି କର୍ମଚାରୀ । ଆନ୍ତାର୍ଜାତିକ ଟିକସ ଫାଙ୍କିବା ଏବଂ ଅର୍ଥ ହେରଫେର ପାଇଁ ଗତ ଦୁଇ ଦିନ ହେବ ବିବିସି ଦିଲ୍ଲୀ ଏବଂ ମୁମ୍ବାଇ ଅଫିସରେ ଆୟକର ଅଧିକାରୀ ମାନେ ଯାଞ୍ଚ ଜାରି ରଖିଛନ୍ତି । ପ୍ରାୟ ୧୦ ଜଣ ବରିଷ୍ଠ ଆୟକର ବିଭାଗ ଅଧିକାରୀ ବିବିସି ଦିଲ୍ଲୀ କାର୍ଯ୍ୟାଳୟରେ ଚଢାଉ କରିଥିଲେ । ଯାହା ପରଠାରୁ ବିବିସି ଅଫିସରେ ହିଁ ଡେରା ପକାଇଛି ଆୟକାର ବିଭାଗର ଏହି ୧୦ ଜଣ ଅଧିକାରୀ । ରିପୋର୍ଟ ଅନୁସାରେ, ଆୟକର ବିଭାଗର କର୍ମଚାରୀ ମାନେ ଆର୍ଥିକ ତଥ୍ୟ ସଂଗ୍ରହ ଏବଂ ବିଭିନ୍ନ ଗୁରୁତ୍ୱପୂର୍ଣ୍ଣ କାଗଜ ପତ୍ର ମଧ୍ୟ ସଂଗ୍ରହ କରୁଛନ୍ତି ।

ଘରେ ରହି କାମ କରୁଛନ୍ତି କର୍ମଚାରୀ

ସେହିପରି ଦିଲ୍ଲୀ ଅଫିସରେ ଏପରି ହାଟାତ୍ ରେଡ ପଡିବା ପରଠାରୁ ଅଫିସରେ ପଡିଛି ତାଲା । ଘରେ ରହି କାମ କରୁଛନ୍ତି କର୍ମଚାରୀ । ଦିଲ୍ଲୀ ଅଫିସରେ ଜଣେ କର୍ମଚାରୀଙ୍କ ସୂଚନା ଅନୁସାରେ, ୱାର୍କ ଫର୍ମ ହୋମ କରିବା ପାଇଁ ବିବିସି ପକ୍ଷରୁ ମେଲ୍ କରାଯାଇଛି ଏବଂ ପ୍ରତିଦିନ ଭଳି ସ୍ୱଭାବିକ ଭାବେ ନ୍ୟୁଜ୍ ପ୍ରସାରଣ କରାଯାଉଛି । ତେବେ ବିଶେଷ ସୂତ୍ରରୁ ଏହା ଜାଣିବା ପାଇଁ ମିଳିଛି ଯେ, ଏହି ଯାଞ୍ଚ ପ୍ରକ୍ରିଆ ଆଗକୁ ମଧ୍ୟ ଜାରି ରହିପାରେ ।

ମୁମ୍ବାଇର ବିବିସିର ଖାର ଏବଂ ବାନ୍ଦ୍ରା କୁର୍ଲା କମ୍ପ୍ଲେକ୍ସରେ ଚଢାଉ କରିଛି

ବିବିସିର ଦିଲ୍ଲୀ କାର୍ଯ୍ୟାଳୟ ବ୍ୟତୀତ ଆୟକର ବିଭାଗ ଟିମ୍ ମଧ୍ୟ ମୁମ୍ବାଇର ବିବିସିର ଖାର ଏବଂ ବାନ୍ଦ୍ରା କୁର୍ଲା କମ୍ପ୍ଲେକ୍ସରେ ଚଢାଉ କରିଛି । ସୂଚନାନୁସାରେ, ଆୟକର ବିଭାଗର ଏହି ସନ୍ଧାନ ମୁଖ୍ୟତଃ ଆନ୍ତର୍ଜାତୀୟ ଟିକସ ଏବଂ ଟ୍ରାନ୍ସଫର ମୂଲ୍ୟରେ ଅନିୟମିତତା ସହିତ ଜଡିତ । ଆୟକର ବିଭାଗ ବ୍ୟବସାୟ କାର୍ଯ୍ୟ ସହ ଜଡିତ ଡକ୍ୟୁମେଣ୍ଟ ଖୋଜୁଛି, ଯାହା ଭାରତୀୟ ବ୍ୟବସାୟ ସହିତ ଜଡିତ । ଆୟକର ବିଭାଗ ଦ୍ୱାରା ଚଢାଉ ପରେ ବିଜେପି ଓ ବିରୋଧୀଙ୍କ ମଧ୍ୟରେ ବିତର୍କ ତୀବ୍ର ହୋଇଛି । ବିବିସି କାର୍ଯ୍ୟାଳୟରେ ଏପରି ଚଢାଉକୁ ବିରୋଧୀ ଏକଛତ୍ରବାଦୀ ଶାସନ ଏବଂ ଅଘୋଷିତ ଜରୁରୀକାଳୀନ ପରିସ୍ଥିତି ବୋଲି କହିଛନ୍ତି ।