ଧୀରଜଙ୍କ ଘରୁ ୩୫୧ କୋଟି ଜବତ ମାମଲାରେ ଆଇଟିର ଆସଲା ପ୍ରଥମ ବିବୃତ୍ତି, ଜାଣନ୍ତୁ କଣ କହିଲା ଆୟକର ବିଭାଗ

ଦିଲ୍ଲୀ:କଂଗ୍ରେସ ରାଜ୍ୟସଭା ସାଂସଦ ଧୀରଜ ସାହୁଙ୍କ ବାସଭବନରେ ହୋଇଥିବା ଚଢ଼ାଉ ସମ୍ପର୍କରେ ଆୟକର ବିଭାଗ (ଆଇଟି) ଗୁରୁବାର (ଡିସେମ୍ବର ୨୧) ପ୍ରଥମ ଥର ପାଇଁ ଏକ ବିବୃତ୍ତି ଦେଇଛି । ଏହି ଆକ୍ରମଣରେ ୩୫୧ କୋଟିରୁ ଅଧିକ ଅଘୋଷିତ ନଗଦ ଜବତ କରାଯାଇଛି ବୋଲି ଆଇଟି କହିଛି । ଆୟକର ବିଭାଗ ତରଫରୁ ଆହୁରି କୁହଯୋଇଛି ଯେ, ଏହି ଚଢଉ ବେଳେ ୩୫୧ କୋଟି ଟଙ୍କା ବ୍ୟତୀତ ୨.୮୦ କୋଟି ରୁ ଅଧିକ ଟଙ୍କାର ଅଳଙ୍କାର ମଧ୍ୟ ଜବତ କରାଯାଇଛି ।

ଓଡ଼ିଶା, ଝାଡ଼ଖଣ୍ଡ ଓ ପଶ୍ଚିମବଙ୍ଗର ୧୦ଟି ଜିଲ୍ଲାର ୩୦ରୁ ଅଧିକ କ୍ୟାମ୍ପସରେ ଆଇଟି ଅପରେସନ୍ ହୋଇଥିଲା । ଏହି ଗ୍ରୁପର ବ୍ୟବସାୟ ରାଞ୍ଚିର ଏକ ପରିବାର ଦ୍ୱାରା ନିୟନ୍ତ୍ରିତ ହୋଇଥାଏ ବୋଲି ଆଇଟି ପକ୍ଷରୁ କୁହଯାଇଛି । ଆଇଟି ରେଡ୍ ସମୟରେ ଡକ୍ୟୁମେଣ୍ଟ୍ ଏବଂ ଡିଜିଟାଲ୍ ତଥ୍ୟ ଆକାରରେ ବହୁ ସଂଖ୍ୟକ ଆପତ୍ତି ଜନକ ପ୍ରମାଣ ମିଳିଥିଲା ଏବଂ ତାହକୁ ଜବତ କରିଥିଲା ଆଇଟି ।

ଜବତ ହୋଇଥିବା ପ୍ରମାଣର ପ୍ରାରମ୍ଭିକ ବିଶ୍ଳେଷଣରେ ଦେଶୀ ମଦ ବିକ୍ରିର ରେକର୍ଡ, ଅଘୋଷିତ ନଗଦ ରସିଦ ଏବଂ ଅନାବଶ୍ୟକ ନଗଦର ଦିଆ ନିଆ ହୋଇଥିବା ରସିଦ ମିଳିଥିଲା । ଏହି ବ୍ୟବସାୟର ପରିଚାଳନା କରୁଥିବା ପ୍ରମୁଖ ଅଧିକାରୀମାନେ ସ୍ୱୀକାର କରିଛନ୍ତି ଯେ, ରେଡ ସମୟରେ ଜବତ ହୋଇଥିବା ଟଙ୍କା ଯାହାର ହିସାବ ନଥିଲା ସେମାନଙ୍କ ପାଖରେ । ଏହା ମଧ୍ୟ ପରିବାର ସଦସ୍ୟଙ୍କ ଦ୍ୱାରା ପ୍ରମାଣିତ ହୋଇଥିଲା ଯିଏ ବ୍ୟବସାୟରେ ସକ୍ରିୟ ଭାବରେ ଜଡିତ ଥିଲେ । ସର୍ଚ୍ଚ ଅପରେସନ୍ ସମୟରେ ପ୍ରକାଶିତ ତଥ୍ୟ ସୂଚିତ କରୁଛି ଯେ ଏହି ବ୍ୟବସାୟ ଗୋଷ୍ଟି ମଦ ବ୍ୟବସାୟରୁ ମିଳିଥିବା ଆୟକୁ ବହୁ ପରିମାଣରେ ଲୁଚାଇବାରେ ରହିଥିଲେ ବ୍ୟସ୍ତ ।

English summary

IT department's first statement in Dheeraj's house raid. କଂଗ୍ରେସ ରାଜ୍ୟସଭା ସାଂସଦ ଧୀରଜ ସାହୁଙ୍କ ବାସଭବନରେ ହୋଇଥିବା ଚଢ଼ାଉ ସମ୍ପର୍କରେ ଆୟକର ବିଭାଗ (ଆଇଟି) ଗୁରୁବାର (ଡିସେମ୍ବର ୨୧) ପ୍ରଥମ ଥର ପାଇଁ ଏକ ବିବୃତ୍ତି ଦେଇଛି