ଅପରେସନ ସିନ୍ଦୂର ସମୟରେ ଭାରତର ସମସ୍ତ ଉପଗ୍ରହ ୨୪ଘଣ୍ଟା କାର୍ଯ୍ୟ କରୁଥିଲା; ଭି. ନାରାୟଣନ

ଭାରତୀୟ ମହାକାଶ ଗବେଷଣା ପ୍ରତିଷ୍ଠାନ ଇସ୍ରୋର ଅଧ୍ୟକ୍ଷ ଭି. ନାରାୟଣନ କହିଛନ୍ତି ଅପରେସନ ସିନ୍ଦୂର ସମୟରେ ଭାରତର ସମସ୍ତ ଉପଗ୍ରହ ୨୪ଘଣ୍ଟା କାର୍ଯ୍ୟ କରୁଥିଲା ଏବଂ ସମସ୍ତ ଆବଶ୍ୟକତା ପୂରଣ କରିବାରେ ସକ୍ଷମ ହୋଇଥିଲା । ନୂଆଦିଲ୍ଲୀରେ ଆୟୋଜିତ ଏକ କାର୍ଯ୍ୟକ୍ରମରେ ଯୋଗଦେଇ ଶ୍ରୀ ନାରାୟଣନ କହିଛନ୍ତି ଭାରତର ଜ୍ଞାନକୌଶଳକୁ ବିଶ୍ୱସ୍ତରୀୟ କରିବା ଏବଂ ମହାକାଶ ଗବେଷଣା କ୍ଷେତ୍ରରେ
ଆହୁରି ଦୃଢ଼ତା ହାସଲ କ୍ଷେତ୍ରରେ ଇସ୍ରୋର ଭୂମିକା ଗୁରୁତ୍ୱପୂର୍ଣ୍ଣ ।

ବିଶ୍ୱରେ ମହାକାଶ କ୍ଷେତ୍ରରେ ଭାରତ ପ୍ରମୁଖ ପ୍ରତିଯୋଗୀ ଭାବେ ଉଭା ହୋଇଥିବା ଶ୍ରୀ ନାରାୟଣନ କହିଛନ୍ତି । ଆୟୋଜିତ କାର୍ଯ୍ୟକ୍ରମରେ ସେନାମୁଖ୍ୟ ଜେନେରାଲ ଉପେନ୍ଦ୍ର ଦ୍ୱିବେଦୀ କହିଛନ୍ତି ଭାରତର ସେନାବାହିନୀ ଦେଶର ପ୍ରତିରକ୍ଷା ଉତ୍ପାଦନ, ରପ୍ତାନୀ ଏବଂ ନବସୃଜନ କ୍ଷେତ୍ରରେ ଗତିଶୀଳତା ଆଣିଛି ଏବଂ ଦେଶର ସୁରକ୍ଷା ଓ ଆତ୍ମନିର୍ଭରତା କ୍ଷେତ୍ରରେ ମଧ୍ୟ ସଫଳତା ହାସଲ କରିଛି । ସେ କହିଛନ୍ତି ଭାରତୀୟ ସେନା ଏବେ ପ୍ରତ୍ୟେକ ପରିସ୍ଥିତିର ମୁକାବିଲା କରିବା ଲାଗି ନିଜକୁ ପ୍ରସ୍ତୁତ କରିସାରିଛି ।