ୟୁପିକୁ ମିଳିବ ସାଟେଲାଇଟ୍, ଘଡଘଡି ପଡିବା ପୂର୍ବରୁ କରାଇବ ସତର୍କ

ଭାରତୀୟ ମହାକାଶ ଗବେଷଣା ସଂଗଠନ (ISRO)ର ଅଧ୍ୟକ୍ଷ ଏବଂ ଭାରତ ସରକାରଙ୍କ ମହାକାଶ ବିଭାଗର ସଚିବ ଡକ୍ଟର ଭି. ନାରାୟଣନ ସୋମବାର ଦିନ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କୁ ଭେଟିଥିଲେ। ଏହି ସମୟରେ ରାଜ୍ୟ ପାଇଁ ଏକ ପୃଥକ ଉପଗ୍ରହର ସମ୍ଭାବନା ଉପରେ ଆଲୋଚନା କରାଯାଇଥିଲା। ଏହା ସହିତ, ରିମୋଟ୍ ସେନ୍ସିଂ କୌଶଳ ମାଧ୍ୟମରେ ରାଜ୍ୟ ପାଇଁ ବିକାଶର ନୂତନ ସମ୍ଭାବନା ଅନୁସନ୍ଧାନ କରାଯାଇଥିଲା।

ମୁଖ୍ୟମନ୍ତ୍ରୀଙ୍କ ସହ ସୌଜନ୍ୟମୂଳକ ସାକ୍ଷାତ ସମୟରେ, ଇସ୍ରୋ ଅଧ୍ୟକ୍ଷ ତାଙ୍କୁ ରିମୋଟ୍ ସେନ୍ସିଂ କ୍ଷେତ୍ରରେ ଏପର୍ଯ୍ୟନ୍ତ ହୋଇଥିବା ଅଗ୍ରଗତି ଏବଂ ସଫଳତା ବିଷୟରେ ଅବଗତ କରାଇଥିଲେ। ସେ ସୂଚନା ଦେଇଥିଲେ ଯେ ପାଣିପାଗ ପୂର୍ବାନୁମାନ, ଜଙ୍ଗଲ ଏବଂ ସବୁଜ କ୍ଷେତ୍ର ମନିଟରିଂ, ଭୂତଳ ଜଳ ପ୍ରୋଫାଇଲ୍, ମ୍ୟାପିଂ ଏବଂ ଜଳବାୟୁ ପରିବର୍ତ୍ତନ ଭଳି ବିଷୟଗୁଡ଼ିକ ଉପରେ ବ୍ୟାପକ କାର୍ଯ୍ୟ ପୂର୍ବରୁ କରାଯାଇଛି।

ମୁଖ୍ୟମନ୍ତ୍ରୀ ରାଜ୍ୟରେ ବଜ୍ରପାତ ଯୋଗୁଁ ଜୀବନହାନି ଉପରେ ଗଭୀର ଚିନ୍ତା ପ୍ରକାଶ କରିଥିଲେ ଏବଂ ରାଜ୍ୟ ପାଇଁ ଏକ ପୃଥକ ଉପଗ୍ରହ ବିକଶିତ କରାଯିବା ଉଚିତ ବୋଲି ପରାମର୍ଶ ଦେଇଥିଲେ, ଯାହା ବଜ୍ରପାତର ଆଗୁଆ ସୂଚନା ଦେଇପାରିବ । ଏହାର ଉତ୍ତରରେ ଇସ୍ରୋ ମୁଖ୍ୟ କହିଛନ୍ତି ଯେ ଆମେ ଏକ ସିଷ୍ଟମ ବିକଶିତ କରୁଛୁ ଯାହା ବଜ୍ରପାତ ପୂର୍ବରୁ ସତର୍କ କରିପାରିବ ।

ବର୍ଷା ଦିନେ ଉତ୍ତରପ୍ରଦେଶରେ ଘଡଘଡି ପଡ଼ିବା ଘଟଣା ବହୁତ ଅଧିକ ଥାଏ । କିଛି ଦିନ ତଳେ ପ୍ରୟାଗରାଜରେ ବ୍ରଜପାତରେ ଗୋଟିଏ ପରିବାରର ୪ ଜଣଙ୍କ ଜୀବନ ଯାଇଥିଲା । ଗତ ୩/୪ ବର୍ଷର ରେକର୍ଡ କହୁଛି ୩୦୦ ଲୋକଙ୍କ ବଜ୍ରପାତରେ ମୃତ୍ୟୁ ଘଟିଛି । ଏନେଇ ଚିନ୍ତାରେ ପଡିଛନ୍ତି ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ । କିପରି ଏହି କ୍ଷତିକୁ କମ କରି ହେବ ସେନେଇ ତର୍ଜମା କରୁଛନ୍ତି ଯୋଗୀ ।