ଯୁଦ୍ଧ ମଧ୍ୟରେ ମେଡ଼ିକାଲରେ ଭର୍ତ୍ତି ହେଲେ ଇସ୍ରାଏଲ ପ୍ରଧାନମନ୍ତ୍ରୀ
ହମାସ ସହିତ ଯୁଦ୍ଧ ମଧ୍ୟରେ ଇସ୍ରାଏଲରୁ ବଡ ଖବର ବାହାରକୁ ଆସୁଛି । ଇସ୍ରାଏଲର ପ୍ରଧାନମନ୍ତ୍ରୀ ବେଞ୍ଜାମିନ୍ ନେତାନ୍ୟାହୁଙ୍କୁ ହଠାତ୍ ଡାକ୍ତରଖାନାରେ ଭର୍ତ୍ତି କରାଯାଇଛି। ଇସ୍ରାଏଲର ଗୁପ୍ତଚର ଏଜେନ୍ସି ମୋସାଦ ଏହି ସୂଚନାକୁ ସୋସିଆଲ ମିଡିଆ ପୋଷ୍ଟରେ ସେୟାର କରିଛନ୍ତି। ବେଞ୍ଜାମିନ୍ ନେତାନ୍ୟାହୁଙ୍କ ପ୍ରଧାନମନ୍ତ୍ରୀ ପଦର ଦାୟିତ୍ଵ ବର୍ତ୍ତମାନ ଉପମୁଖ୍ୟମନ୍ତ୍ରୀ ତଥା ଆଇନ ମନ୍ତ୍ରୀ ୟାରିଭ ଲେଭିନଙ୍କୁ ଦିଆଯାଇଛି। ହଠାତ୍ ସୂଚନା ପ୍ରକାଶ ପାଇବା ପରେ ଇସ୍ରାଏଲରେ ଆଲୋଡ଼ନ ସୃଷ୍ଟି ହୋଇଛି।
ଆସୋସିଏଟେଡ୍ ପ୍ରେସ ଅନୁଯାୟୀ ଇସ୍ରାଏଲ୍ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ ମଧ୍ୟ ଏ ବିଷୟରେ ସୂଚନା ଦେଇଛି। ଇସ୍ରାଏଲ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ ମଧ୍ୟ ନେତାନ୍ୟାହୁଙ୍କ ହସ୍ପିଟାଲରେ ଭର୍ତ୍ତି ହୋଇଥିବା ସୂଚନା ଦେଇଛି। ପିଏମଓ ଏହାର ସୂଚନାରେ କହିଛି ଯେ ଶନିବାର ରାତିରେ ପିଏମ ବେଞ୍ଜାମିନ୍ ନେତାନ୍ୟାହୁଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି।
ଜରୁରୀକାଳୀନ ସମୟରେ ନେତାନ୍ୟାହୁଙ୍କୁ ଡାକ୍ତରଖାନାରେ ଭର୍ତ୍ତି କରାଯିବା ପରେ ପ୍ରଧାନମନ୍ତ୍ରୀଙ୍କ ଦାୟିତ୍ଵ ବର୍ତ୍ତମାନ ଡେପୁଟି ପ୍ରଧାନମନ୍ତ୍ରୀଙ୍କୁ ଦିଆଯାଇଛି। ତଥାପି, ସେ କୌଣସି ଗମ୍ଭୀର ବିପଦରେ ନାହାଁନ୍ତି | ଡାକ୍ତରଙ୍କ ପରାମର୍ଶରେ ତାଙ୍କର ଏକ ଅସ୍ତ୍ରୋପଚାର ପାଇଁ ଆଜି ରାତିରେ ଡାକ୍ତରଖାନାରେ ପହଞ୍ଚିଥିଲେ। ତାଙ୍କର ଅପରେସନ୍ ସଂପୂର୍ଣ୍ଣ ଆନାସ୍ଥେସିଆ ଅଧୀନରେ କରାଯିବ । ଏହି ସମୟରେ ପ୍ରଧାନମନ୍ତ୍ରୀଙ୍କ ପଦ ଉପ-ପ୍ରଧାନମନ୍ତ୍ରୀ ତଥା ଆଇନ୍ ମନ୍ତ୍ରୀ ୟାରିଭ ଲେଭିନ୍ ପୂରଣ କରିବେ।
Click it and Unblock the Notifications
Sign in with Google