ସ୍ୱାଭାବିକ ହେଲା 'IRCTC' ସାଇଟ୍, ଏଥର ବୁକିଂ କରିପାରିବେ ଟିକେଟ୍
ନୂଆଦିଲ୍ଲୀ: ସ୍ୱାଭାବିକ ହେଲା 'IRCTC' ସାଇଟ୍ । ବୈଷୟିକ ତ୍ରୁଟି ପାଇଁ ଅନଲାଇନ୍ ହୋଇପାରୁ ନଥିଲା ଟିକେଟ୍ ବୁକିଂ । ମଙ୍ଗଳବାର ଅର୍ଥାତ୍ ଗତ କାଲି ଭାରତୀୟ ରେଳ କ୍ୟାଟେରିଂ ଏବଂ ଟୁରିଜିମ୍ କର୍ପୋରେସନ ୱେବସାଇଟରେ ବୁକ୍ ହୋଇ ପାରୁନିଥିଲା ଟିକେଟ୍ । ଯାହା ଫଳରେ ସାରା ଦେଶରେ ଯାତ୍ରୀଙ୍କ ମଧ୍ୟରେ ଅସନ୍ତୋଷ ଦେଖିବା ପାଇଁ ମିଳିଥିଲା ।
ଗତକାଲି ଦେଶର ସବୁଠୁ ବଡ଼ ରେଳ ଟିକେଟ୍ ବୁକିଂ ପ୍ଲାଟଫର୍ମରେ ଦେଖା ଦେଇଥିଲା ତୃଟି । ଟିକେଟ୍ ବୁକିଂ ହେଉ ନଥିବାରୁ ଟ୍ୱିଟ୍ କରି ଲୋକେ ଅସନ୍ତୋଷ ଜାହିର କରିଥିଲେ । ଲୋକମାନେ ଅଭିଯୋଗ କରିଥିଲେ ଯେ ଟିକେଟ୍ ବୁକିଂ ସମୟରେ ପେମେଣ୍ଟ ହୋଇଯିବା ସତ୍ୱେ ସେମାନଙ୍କ ଟିକେଟ୍ ବୁକ୍ ହେଉ ନାହିଁ ।
ତେଣେ ଲୋକଙ୍କ ଟ୍ୱିଟର ଉତ୍ତର ରଖିଥିଲା ଆଇଆରସିଟିସି ବିଭାଗ । ତେବେ ବୈଷୟିକ ତ୍ରୁଟି ଯୋଗୁଁ ଅନଲାଇନ୍ ଟିକେଟ୍ ବୁକିଂ ହୋଇପାରୁ ନାହିଁ ବୋଲି ଟ୍ୱିଟ୍ କରି ସୂଚନା ଦେଇଛି ଆଇଆରସିଟିସି ବିଭାଗ୍ ।
Click it and Unblock the Notifications
Sign in with Google