Manipur News:ଦୀର୍ଘି ଦିନ ପରେ ମଣିପୁରରେ ସ୍ୱାଭାବିକ୍ ହେବ ଇଣ୍ଟରନେଟ୍ ସେବା

Published: Tuesday, July 25, 2023, 18:25 [IST]

Manipur News Update In Odia:ଅଶାନ୍ତ ମଣିପୁର ଦୀର୍ଘ ଦିନ ଧରି ହିଂସାର ନିଆଁରେ ଜଳୁଛି । ଶହ ଶହ ଲୋକଙ୍କର ଗଲାଣି ଜୀବନ । ମହିଳାଙ୍କ ସହ ହେଉଥିବା ଅତ୍ୟାଚାର ସମଗ୍ର ଦେଶକୁ ଚକିତ କରି ଦେଇଥିଲା । ଏଭଳି ପରିସ୍ଥିତିରେ ସରକାର ହିଂସା ପ୍ରଭାବିତ ଅଞ୍ଚଳରେ ଇଣ୍ଟରନେଟ୍ ସେବାକୁ ବନ୍ଦ କରିଥିଲେ । ହେଲେ ବର୍ତ୍ତମାନ ଯେଉଁ ଅଞ୍ଚଳର ସ୍ଥିତି ସୁଧୁରିବାରେ ଲାଗିଛି ସେହି ଅଞ୍ଚଳରେ ସଚଳ ହେବ ଇଣ୍ଟନେଟ୍ ସେବା ।

ଗତ ତିନି ମାସ ଧରି ମଣିପୁରରେ ହିଂସାକାଣ୍ତ ଲାଗି ରହିଛି । ଜାତି ହିଂସାରେ ଏପର୍ଯ୍ୟନ୍ତ ପ୍ରାୟ 100ରୁ ଅଧିକ ଜଣଙ୍କର ମୃତ୍ୟୁ ହୋଇସାରିଲାଣି । ପରିସ୍ଥିତି ଏତେ ଗୁରୁତର ହୋଇପଡିଥିଲା ଯେ ଇଣ୍ଟରନେଟ୍ ସେବାକୁ ସମ୍ପୂର୍ଣ୍ଣ ବନ୍ଦ କରିବା ପାଇଁ ପଡିଥିଲା । ଜୁଲାଇ 19ରେ ସୋସିଆଲ ମିଡିଆରେ ଏକ ଭିଡିଓ ଭାଇରାଲ ହୋଇଥିଲା ଯେଉଁଥିରେ କୁକି ସମ୍ପ୍ରଦାୟର ତିନିଜଣ ମହିଳାଙ୍କୁ ଉଲଗ୍ନ କରି ରାସ୍ତାରେ ଚଲାଯାଇଥିଲା । ଏହି ଘଟଣାକୁ ନେଇ ସାରା ଦେଶରେ ଅସନ୍ତୋଷ ଦେଖାଦେଉଛି ।

ସୂଚନା ଅନୁସାରେ, ମଙ୍ଗଳବାର ଜାରି କରାଯାଇଥିବା ସରକାରଙ୍କ ନିର୍ଦ୍ଦେଶ ଅନୁଯାୟୀ ବ୍ରଡବ୍ୟାଣ୍ଡ ସେବା ସଚଳ ହେବ ହେଲେ ମୋବାଇଲ୍ ଇଣ୍ଟରନେଟ୍ ଉପରେ ପ୍ରତିବନ୍ଧକ ଜାରି ରହିବ ।

Published On July 25, 2023