Women's Day 2025: ଦେଶର ପ୍ରଥମ ମହିଳା, ଯାହାଙ୍କୁ ପ୍ରଧାନମନ୍ତ୍ରୀ ଦେଲେ ବଡ଼ ଦାୟିତ୍ୱ

International Womens Day: ଦେଶ ପ୍ରଥମ ମହିଳା, ଯାହାଙ୍କୁ ପ୍ରଧାନମନ୍ତ୍ରୀ ମୋଦି ଦେଇଛନ୍ତି ବଡ଼ ଦାୟିତ୍ଵ । ମୋଦିଙ୍କ ନେତୃତ୍ୱରେ ଦେଶର ମହିଳାଙ୍କୁ ନିଜ ଗୋଡରେ ଠିଆ ହେବାର ମୌକା ମିଳି ପାରିଛି । ଆଜି ଲକ୍ଷ ଲକ୍ଷ ମହିଳା ନଜେ କାମ କରି ଟଙ୍କା ରୋଜଗାର କରିବା ସହ ଘର ଖର୍ଚ୍ଚ ତୁଳାଇବାରେ ସଫଳ ହେଉଛନ୍ତି ଏପରିକି ଅନେକ ଲୋକଙ୍କୁ ରୋଜଗାର କରିବାର ବାଟ ମଧ୍ୟ ଦେଖାଉଛନ୍ତି ଆଜିର ନାରୀ ।

ସେହିପରି ଉତ୍ତର ପ୍ରଦେଶର ଯୋଗୀ ସରକାର ମଧ୍ୟ ମହିଳାଙ୍କ ହିତ ପାଇଁ ନିରନ୍ତର କାମ କରୁଛି। ୮ ମାର୍ଚ୍ଚ ହେଉଛି ଆନ୍ତର୍ଜାତୀୟ ମହିଳା ଦିବସ। ଏହି ଦିନ ଦେଶର ଅନେକ ସଫଳ ମହିଳାଙ୍କ କାହାଣୀ ଆମକୁ ଜାଣିବା ପାଇଁ ମିଳିଥାଏ । ସେହିପରି ଜଣେ ସଫଳ ମହିଳା ହେଲେ ଗୋରଖପୁରରେ ବାସିନ୍ଦା ମହିଳା ଉଦ୍ୟୋଗୀ ସଙ୍ଗୀତା ପାଣ୍ଡେ। ଯାହାଙ୍କୁ ଦେଶର ପ୍ରଧାନମନ୍ତ୍ରୀ ଏବଂ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଏକ ବଡ଼ ଦାୟିତ୍ୱ ଦେଇଛନ୍ତି। ବହୁତ ସଂଘର୍ଷ ପରେ, ସେ କେବଳ ନିଜେ ଆତ୍ମନିର୍ଭରଶୀଳ ହୋଇ ନାହାଁନ୍ତି ବରଂ ଆଜିକା ତାରିଖରେ ହଜାର ହଜାର ମହିଳାଙ୍କୁ ମଧ୍ୟ ଆତ୍ମନିର୍ଭରଶୀଳ କରିବାରେ ସଫଳ ହୋଇଛନ୍ତି ।

ସଙ୍ଗୀତା ପାଣ୍ଡେ ଜଣେ ମହିଳା ଉଦ୍ୟୋଗୀ ଯିଏ ଉତ୍ତର ପ୍ରଦେଶର ଗୋରଖପୁର ଜିଲ୍ଲାର ବାସିନ୍ଦା। ଯାହାଙ୍କୁ ନିକଟରେ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଗୋରଖପୁର ରତ୍ନ ପୁରସ୍କାରରେ ସମ୍ମାନିତ କରିଛନ୍ତି । ନିଜ ଆତ୍ମବିଶ୍ୱାସର ବଳରେ, ସେ କଠିନ ପରିଶ୍ରମ କରି ମିଠା ଡବା ତିଆରି କରିବା ଆରମ୍ଭ କରିଥିଲେ । ଆଜି ସେ ଜଣେ ସଫଳ ଉଦ୍ୟୋଗୀ ଏବଂ ହଜାର ହଜାର ମହିଳାଙ୍କୁ ଆତ୍ମନିର୍ଭରଶୀଳ କରିଛନ୍ତି।

ସଙ୍ଗୀତା ପାଣ୍ଡେ ନିଜ ସଫଳତାରା ଶ୍ରେୟ ସରକାରଙ୍କୁ ଦେଇଛନ୍ତି । ସେ କହିଛନ୍ତି, ଆଜି ପ୍ରଧାନମନ୍ତ୍ରୀ ମୋଦି ଏବଂ ମୁଖ୍ୟମନ୍ତ୍ରୀ ଯୋଗୀଙ୍କ କାର୍ଯ୍ୟକାଳରେ ମହିଳାମାନେ ସ୍ୱାଧୀନତା ଏବଂ କାମ କରିବାର ସମର୍ଥନ ପାଉଛନ୍ତି। ସରକାର ମହିଳାମାନଙ୍କୁ ଆଗକୁ ଆସିବା ପାଇଁ ସୁଯୋଗ ଦେଇଛନ୍ତି। ଆଜି ମହିଳାମାନେ ପ୍ରତ୍ୟେକ କ୍ଷେତ୍ରରେ ଆଗରେ ଅଛନ୍ତି ଏବଂ ସେମାନଙ୍କର ଦକ୍ଷତାକୁ ସ୍ୱୀକୃତି ଦେଉଛନ୍ତି।

ସେ ଆହୁରି କହିଛନ୍ତି ଯେ, ପ୍ରଧାନମନ୍ତ୍ରୀ ମୋଦି ମଧ୍ୟ ମୋ କାମକୁ ପ୍ରଶଂସା କରିଛନ୍ତି। ଏଥିପାଇଁ ସେ ମୋତେ ଅଭିନନ୍ଦନ ମଧ୍ୟ ଜଣାଇଛନ୍ତି। ଯେତେବେଳେ ସେ ଜାଣିଲେ ଯେ ମୁଁ ଅନ୍ୟ ମହିଳାଙ୍କୁ ସ୍ୱାବଲମ୍ବୀ କରିବା ପାଇଁ କାମ କରେ, ସେ ମୋତେ ଏକ ବଡ଼ ଦାୟିତ୍ୱ ଦେଲେ। କେନ୍ଦ୍ର ଏବଂ ରାଜ୍ୟ ସରକାର ମୋତେ ଏକ CFC ଅର୍ଥାତ୍ ସାଧାରଣ ସୁବିଧା କେନ୍ଦ୍ର ନିର୍ମାଣ ପାଇଁ 4 କୋଟି ଟଙ୍କାର ଏକ ପ୍ରକଳ୍ପ ଦେଇଛନ୍ତି। ଯାହାର କାମ ଆରମ୍ଭ ହୋଇଯାଇଛି । ମୁଁ ଦେଶର ପ୍ରଥମ ମହିଳା ଯିଏ CFC ର ଦାୟିତ୍ୱ ପାଇଛି। ଏଥିପାଇଁ ମୁଁ ପ୍ରଧାନମନ୍ତ୍ରୀ ମୋଦି ଏବଂ ମୁଖ୍ୟମନ୍ତ୍ରୀ ଯୋଗୀଙ୍କୁ ମୋର କୃତଜ୍ଞତା ଜଣାଉଛି।