ଭାରତୀୟ ନୌସେନାରେ ସାମିଲ ହେଲା 'INS ଭାଗିର'

ଆଜି ଭାରତୀୟ ନୌସେନାରେ ସାମିଲ ହେଲା ଅତ୍ୟାଧୁନିକ ଯୁଦ୍ଧପୋତ 'INS ଭାଗିର' । ଆଜି ଏହି ଶକ୍ତିଶାଳୀ ବୁଡ଼ାଜାହାଜକୁ ନୌସେନା ଆଡମିରାଲ୍ ଆର ହରି.କୁମାର ଶୁଭାରମ୍ଭ କରିଛନ୍ତି ।

ନୂଆଦିଲ୍ଲୀ: ଆହୁରି ଶକ୍ତିଶାଳୀ ହେବ ଭାରତୀୟ ନୌସେନା । ଆଜି ଭାରତୀୟ ନୌସେନାରେ ସାମିଲ ହେଲା ଅତ୍ୟାଧୁନିକ ଯୁଦ୍ଧପୋତ 'INS ଭାଗିର' । ଆଜି ଏହି ଶକ୍ତିଶାଳୀ ବୁଡ଼ାଜାହାଜକୁ ନୌସେନା ଆଡମିରାଲ୍ ଆର ହରି.କୁମାର ଶୁଭାରମ୍ଭ କରିଛନ୍ତି । ସୂଚନା ମୁତାବକ ଏହା ଫ୍ରାନ୍ସ ସ୍ଥିତ ଏମଏସ ନାଭାଲ ଗ୍ରୁପ୍ ସହଯୋଗରେ ମୁମ୍ବାଇ ମାଜାଗନ୍ ଡକ୍ ସିପ୍ ବିଲ୍ଡର୍ସ ଲିମିଟେଜ୍ ଦ୍ୱାରା ନିର୍ମିତ ହୋଇଛି ।

'INS ଭାଗିର'ହେଉଛି କଲାଭରୀ ଶ୍ରେଣୀର ପଞ୍ଚମ ବୁଡ଼ାଜାହାଜ । ପ୍ରୋଜେକ୍ଟ -75 ଅଧୀନରେ, ପ୍ରଥମ ବୁଡ଼ାଜାହାଜ INS କଲଭାରୀ ଡିସେମ୍ବର ୨୦୧୭ରେ ଭାରତୀୟ ନୌସେନାରେ ସାମିଲ ହୋଇଥିଲା । ପରେ ସେପ୍ଟେମ୍ବର ୨୦୧୯ରେ ଦ୍ୱିତୀୟ ବୁଡ଼ାଜାହାଜ INS ଖଣ୍ଡେରୀ, ମାର୍ଚ୍ଚ ୨୦୨୧ରେ ତୃତୀୟ ବୁଡ଼ାଜାହାଜ INS କରଞ୍ଜ ଏବଂ ନଭେମ୍ବର ୨୦୨୧ରେ ଚତୁର୍ଥ INS ଭେଲାରେ ଅନ୍ତର୍ଭୁକ୍ତ କରାଯାଇଥିଲା । ଆଜି 'INS ଭାଗିର' ମଧ୍ୟ ଭାରତ ନୌସେନାରେ ସାମିଲ୍ ହୋଇଛି । ଷଷ୍ଠ ତଥା ଶେଷ ବୁଡ଼ାଜାହାଜ ୨୦୨୩
ଶେଷ ସୁଦ୍ଧା ନୌସେନାକୁ ହସ୍ତାନ୍ତର କରାଯିବ ବୋଲି ଆଶା କରାଯାଉଛି ।

ଏହି ବୁଡ଼ାଜାହାଜ ୨୨୧ ଫୁଟ ଲମ୍ବ, ୪୦ ଫୁଟ ଉଚ୍ଚ, ୧୯ ଫୁଟ ଗଭୀର, ଓଜନ ୧୫୬୫ ଟନ୍ । ଏଥିରେ ପ୍ରାୟ ୧୧ କିଲୋମିଟର ଲମ୍ବା ପାଇପ୍ ଫିଟିଂ ଏବଂ ପ୍ରାୟ ୬୦ କିଲୋମିଟର କେବୁଲ ଫିଟିଂ କରାଯାଇଛି । ସ୍ୱତନ୍ତ୍ର ଇସ୍ପାତରେ ନିର୍ମିତ ବୁଡ଼ାଜାହାଜରେ ଉଚ୍ଚ ଟେନସାଇଲ୍ ଶକ୍ତି ଅଛି, ଯାହା ଅଧିକ ଗଭୀରତାରେ କାମ କରିବାର କ୍ଷମତା ଅଛି । ଏହି ବୁଡ଼ାଜାହାଜ ୪୫-୫୦ ଦିନ ପାଣିରେ ରହିପାରିବ ।
INS Vagir ଭିତରେ ୩୬୦ ବ୍ୟାଟେରୀ ସେଲ୍ ଅଛି । ପ୍ରତ୍ୟେକ ବ୍ୟାଟେରୀ ସେଲର ଓଜନ ପ୍ରାୟ ୭୫୦ କିଲୋଗ୍ରାମ । ଏହି ବ୍ୟାଟେରୀଗୁଡିକ ଆଧାରରେ, INS Vagir ୬୫୦୦ ନାଉଟିକାଲ୍ ମାଇଲ୍ ଦୂରତା ଯଥା ୧୨୦୦୦ କିଲୋମିଟର ଦୂରତା ଅତିକ୍ରମ କରିପାରିବ ।

ଏହା ଦୁଇଟି ୧୨୫୦ କିଲୋୱାଟ ଡିଜେଲ ଇଞ୍ଜିନ୍ ଦ୍ୱାରା ଚାଳିତ । ଏହି ବୁଡ଼ାଜାହାଜ ୩୫୦ ମିଟର ଗଭୀରତାକୁ ଯାଇ ଶତ୍ରୁକୁ ଚିହ୍ନଟ କରିବାର ସକ୍ଷମ ।

English summary

'INS Bhagir' commissioned at Indian Navy.